2020 جىلعى 23 ماۋسىمدا قر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ قر پرەمەر-ءمينيسترى اسقار ءماميننىڭ توراعالاعىمەن وتكەن ۇكىمەت وتىرىسىندا جىلىتۋ ماۋسىمىنا دايىندىق بارىسىن باياندادى.  

مينيستر 2019-2020 جىلعى جىلىتۋ ماۋسىمى تۇراقتى رەجيمدە وتكەنىن ايتتى. اتالعان كەزەڭدە 24 تەحنولوگيالىق بۇزۋشىلىق بولدى. بۇل 2018-2019 جىلعى ءتيىستى كەزەڭىمەن سالىستىرعاندا 33 جاعدايعا از. بارلىق تەحنولوگيالىق بۇزۋشىلىقتار نورماتيۆتىك مەرزىمدە جويىلدى.

2020 جىلعى قاڭتار-مامىر ايلارىندا شامامەن 44 ملن. توننا كومىر ءوندىرىلدى. ونىڭ ىشىندە 24,1 ملن. توننا ەنەرگيا ءوندىرۋشى كاسىپورىندارعا، 2,7 ملن. توننا كوممۋنالدىق تۇرمىستىق سەكتور جانە حالىققا جونەلتىلدى

مينيسترلىك جەرگىلىكتى اتقارۋشى ورگاندارمەن بىرلەسىپ، 2019-2020 جىلعا كوممۋنالدىق تۇرمىستىق قاجەتتىلىكتەر مەن حالىقتىڭ كومىر ونىمىنە دەگەن تۇتىنۋ جوسپارىن جاسادى. اپتا سايىن مونيتورينگ جۇرگىزىلىپ وتىردى. كومىر تاپشىلىعى بولعان جوق

اكىمدىكتەردىڭ كومىردى ەرتە ساتىپ الۋىنىڭ ارقاسىندا سۇرانىس كۇرت ارتقان كەزدە دە دۇربەلەڭ بولعان جوق.  وتكەن جىلىتۋ ماۋسىمىندا وڭىرلەردە جەكە جانە زاڭدى تۇلعالاردىڭ كوممۋنالدىق قىزمەتتەر الدىنداعى دەبيتورلىق بەرەشەگى 13 ملرد. تەڭگەنى قۇرادى. بۇل وتكەن جىلدىڭ ءتيىستى كەزەڭىمەن سالىستىرعاندا 780 ملن. تەڭگەگە كوپ. (2019 جىلى - 12 286 ملن. تەڭگە).بەرەشەگى ەڭ كوپ وڭىرلەر: الماتى قالاسىندا - 2 ملرد 177 ملن. تەڭگە،  نۇر-سۇلتان قالاسىندا – 1 ملرد. 928 ملن. تەڭگە، شىمكەنت قالاسىندا – 1 ملرد. 924 ملن.تەڭگە، ماڭعىستاۋ وبلىسىندا – 1 ملرد 525 ملن.تەڭگە.  

اكىمدىكتەر بورىشكەرلەرمەن دەبيتورلىق بەرەشەكتى وتەۋ جانە ازايتۋ بويىنشا جۇيەلى شارالار جۇرگىزىپ جاتىر (كاسسالىق قىزمەت كورسەتۋدى جاقسارتۋ بويىنشا، تۇتىنۋشىلاردىڭ بەرەشەگى تۋرالى شوت - حابارلامالاردى تاراتۋ بويىنشا، ەسكەرتۋ تۋرالى حابارلامالاردى تاراتۋ بويىنشا، كىرەبەرىستەردە حابارلاندىرۋلاردى ءىلۋ بويىنشا، ماتەريالداردى سوت ورگاندارىنا بەرۋ بويىنشا جۇمىستار).

2020-2021 جىلعى جىلىتۋ ماۋسىمىنا دايىندىق ماقساتىندا مينيسترلىك اكىمدىكتەرگە بارلىق تۇرعىن ءۇي-كوممۋنالدىق شارۋاشىلىق، الەۋمەتتىك سالا وبەكتىلەرىن جانە تۇرعىن ۇيلەردى جىلىتۋ ماۋسىمىنا دايىنداۋ ءۇشىن جۇمىس جوسپارىن جىبەردى.

جەرگىلىكتى اتقارۋشى ورگاندارمەن بىرلەسىپ، وڭىرلەر بويىنشا  اي سايىنعى قاجەتتىلىكتى كورسەتە وتىرىپ، كوممۋنالدىق-تۇرمىستىق ماقساتقا جانە حالىققا ارنالعان كومىردىڭ قاجەتتىلىك جوسپارى جاسالدى.

جالپى، جىلىتۋ ماۋسىمىنا دايىندىق قىزۋ ءجۇرىپ جاتىر. كومىر تاپشىلىعى بولماۋى ءتيىس. قىركۇيەك-قاراشا ايلارىندا دۇرلىگۋدى بولدىرماۋ ءۇشىن اكىمدىكتەرمەن بىرلەسىپ حالىققا ارنالعان كومىردى ەرتەرەك ساتىپ الۋ جۇمىستارى جۇرگىزىلۋدە.  

بيىل وقۋ جىلى باستالعانعا دەيىن 10 مىڭداي ءبىلىم بەرۋ وبەكتىسىن دايىنداۋ جوسپارلانعان. 

دەنساۋلىق ساقتاۋ وبەكتىلەرى مەن تۇرعىن ۇيلەردىڭ دايىندىعىنا باسا نازار اۋدارىلادى. 6 مىڭداي دەنساۋلىق ساقتاۋ وبەكتىسى مەن 47 مىڭ تۇرعىن ءۇيدى دايىنداۋ جوسپارلانعان.

حالىقتى جىلۋمەن جانە سۋمەن ۇزدىكسىز قامتاماسىز ەتۋ ءۇشىن 10 مىڭنان استام اۆتونومدىق قازاندىقتى، 5 مىڭ شاقىرىم جىلۋمەن جابدىقتاۋ جەلىسىن جانە 13 مىڭ سۋمەن جابدىقتاۋ جەلىسىن دايىنداۋ كەرەك. 

سونداي-اق، اۆتونومدىق قازاندىقتاردى كومىر جانە مازۋتپەن قامتاماسىز ەتۋ كەرەك (1 ملن. 200 مىڭ توننادان استام كومىر جانە 52 مىڭ توننا مازۋت).

«قازاقستان تەمىرجولى» كومىر رازرەزىنەن وڭىرلەردىڭ تەمىرجول تۇيىقتارىنا دەيىن ۆاگونداردى ۋاقىتىندا جەتكىزىپ، كومىر تاسىمالىن جۇزەگە اسىرادى. كومىر دايىنداۋ بويىنشا مونيتورينگ مينيسترلىكتىڭ تۇراقتى باقىلاۋىندا.

Abai.kz