قازاق ۇكىمەتى دە وسى ليپپماننىڭ ويىن قۇپتاپ وتىر. ماۋسىمنىڭ ۇشىنەن باستاپ، دەنساۋلىق ساقتاۋ مينيسترلىگى كوروناۆيرۋس كەيستەرىن ەكىگە (سيمپتومدى جانە سيمپتومسىز) ءبولىپ سانايتىنىن مالىمدەدى. سيمپتومسىز كەيستەر سانى جالپى COVID-19 كەيستەرىنىڭ سانىنا كىرىكتىرىلمەيدى. راسىمەن، بۇگىنگە دەيىن قازاقستاندا 13872 كەيس انىقتالعان. بىراق ودان باسقا تاعى 3159 سيمپتومسىز كەيستەر تىركەلگەن. بىراق سيمپتومسىز كەيستەر COVID-19 بويىنشا جالپى رەسمي كەيستەر ەسەبىنە كىرمەگەن. وعان coronavirus2020.kz سايتى نەمەسە دجون حوپكينس ۋنيۆەرسيتەتىنىڭ كوروناۆيرۋس رەسۋرس ورتالىعى سايتى ارقىلى كوز جەتكىزە الاسىز.

قىتاي ۆيرۋستى جەڭدى دەپ جۇرگەن ازاماتتار قىتايدىڭ سيمپتومسىز كەيستەردى اقپان ايىنىڭ ورتا شەنىنەن باستاپ رەسمي ستاتيستيكاعا قوسپاي كەلگەنىن بىلمەيتىنى انىق. ال رەسەي ءدال سول ادىسكە 27 مامىردا اۋىستى. نەبارى 6 كۇننەن كەيىن، ناقتىراق ماۋسىمنىڭ 3-نەن، قازاقستان دا بۇل ادىسكە ءوتىپ ۇلگەردى. بىراق بۇل تۋرالى قازاقستان حالقى تەك 6 ماۋسىمدا ءبىلدى.

سول كۇنى دەنساۋلىق ساقتاۋ مينيسترلىگىنىڭ فەيسبۋكتەگى پاراقشاسىندا جاڭا ءادىس تۋرالى ەكى تىلدە انونس بەرىلگەن. ال 8 ماۋسىمدا، باس سانيتار دارىگەر ايجان ەسماعامبەتوۆا فەيسبۋكتە تىكەلەي ەفيردە سيمپتومسىز كەيستەردى ءبولىپ ساناۋ 3 ماۋسىمنان باستالعانىن ايتتى.

بىراق 4 ماۋسىم كۇنى ەلجان ءبىرتانوۆ تىكەلەي ەفيردە ەسەپ بەرۋى كەزىندە جاڭا ءادىس تۋرالى ەشنارسە ايتپادى. بىراق سيمپتومسىز كەيستەردى ءبولىپ ساناۋ 3 ماۋسىمنان باستالىپ كەتكەن ەدى.

كوروناۆيرۋس جۇقتىرۋىنان ومىردەن وتكەندەردىڭ كەيستەرى دە مانيپۋلياتسيالانىپ جاتىر. ول تۋرالى ازاتتىق تىلشىلەرى تاماشا زەرتتەۋ جاسادى. ۇكىمەتتىڭ كوروناۆيرۋس كەيستەرىن ازايتۋعا تىرىسۋداعى ناقتى لوگيكالىق سەبەبىن انىقتاي الماي قويدىم.

جولداس ورىسباەۆتىڭ الەۋمەتتىك جەلىدەگى جازباسى

Abai.kz