بۇگىن مەملەكەت باسشىسى قاسىم-جومارت توقاەۆ رەسەي فەدەراتسياسىنىڭ پرەزيدەنتى ۆلاديمير ءپۋتيننىڭ شاقىرۋىمەن ماسكەۋگە جۇمىس ساپارىمەن باردى.

بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي حابارلادى.

«ەرتەڭ، ياعني، 24 ماۋسىم كۇنى نۇر-سۇلتان ۋاقىتى بويىنشا ساعات 13:00-دە قىزىل الاڭدا جەڭىستىڭ 75 جىلدىعىنا ارنالعان اسكەري پارادقا قاتىسادى.

سونىمەن قاتار قاسىم-جومارت توقاەۆ «بەلگىسىز سولدات» قابىرىنە گۇل شوعىن قويادى جانە جەڭىستىڭ 75 جىلدىعىنا ارنالعان سالتاناتتى قابىلداۋعا قاتىسادى.

قازىرگى اۋىر ەپيدەميولوگيالىق احۋالعا بايلانىستى ماسكەۋ ساپارىنىڭ الدىندا پرەزيدەنت جوسپارلى تۇردە كوروناۆيرۋسقا تەست تاپسىردى. قاسىم-جومارت كەمەلۇلى بۇعان دەيىن دە مەديتسينالىق حاتتاماعا سايكەس، ۇنەمى تەكسەرۋدەن ءوتىپ كەلەدى» دەپ جازدى ول.

Abai.kz