قاسىم-جومارت توقاەۆتىڭ اتىنا اقش پرەزيدەنتى دونالد ترامپتىڭ اتىنان قۇتتىقتاۋ جەدەلحاتى كەلىپ ءتۇستى،- دەپ حابارلايدى Akorda.kz.

اقش پرەزيدەنتى دونالد ترامپ مەملەكەت باسشىسى قاسىم-جومارت توقاەۆتى قازاقستان پرەزيدەنتى لاۋازىمىنا كىرىسكەنىنە ءبىر جىل تولۋىنا وراي قۇتتىقتاپ، جەدەلحات جولدادى.

– امەريكا حالقىنىڭ اتىنان الداعى ۋاقىتتا قازاقستانداعى بەيبىتشىلىكتى، ءوسىپ-وركەندەۋ مەن قاۋىپسىزدىكتى ودان ءارى نىعايتۋ جولىنداعى ەڭبەگىڭىزگە تولاعاي تابىستار تىلەيمىن. سونىمەن قاتار COVID-19 ىندەتىنىڭ تارالۋىنا قارسى قابىلداعان جەدەل شارالارىڭىزعا وڭ باعا بەرگىم كەلەدى. پاندەميانى توقتاتۋ جانە COVID-19 ىندەتىنەن كەيىنگى كەزەڭدە ەكونوميكانى قالپىنا كەلتىرۋدە ءبىزدىڭ بىرلەسكەن كۇش-جىگەرىمىز ماڭىزدى بولىپ قالا بەرمەك، – دەلىنگەن جەدەلحاتتا.

سونىمەن قاتار اقش پرەزيدەنتى قازاقستاندا قولعا الىنعان رەفورمالاردى قولدايتىنىن ايتىپ، ەكى ەل اراسىنداعى ستراتەگيالىق بايلانىستى ودان ءارى دامىتا بەرۋگە نيەتتى ەكەنىن جەتكىزگەن.

– ءسىزدىڭ ساياسي جاڭارۋعا باعىتتالعان رەفورمالىق، ءورشىل باعدارلاماڭىز ەرەكشە ماقتاۋعا لايىق. حالىقتىڭ ۇكىمەتكە دەگەن سەنىمىن ارتتىرۋ، گۇلدەنگەن جانە سەرپىندى قوعامنىڭ نەگىزگى ىرگەتاسى سانالاتىن بوستاندىقتاردى قورعاۋدى كۇشەيتۋ بويىنشا العا قويعان ماقساتتارىڭىزدى امەريكا قۇراما شتاتتارى قولدايدى. ءبىز كەڭەيتىلگەن ستراتەگيالىق ارىپتەستىگىمىزدىڭ اياسىندا وسى باستامالاردى ىسكە اسىرۋدا ءاردايىم سىزبەن سەرىكتەس بولۋعا دايىنبىز، – دەدى دونالد ترامپ.

سوداي-اق دونالد ترامپ قاسىم-جومارت توقاەۆقا زور دەنساۋلىق، ساتتىلىك پەن يگىلىك تىلەگەن.

Abai.kz