جەكە تۇلعالارعا سالىق سالۋ جەڭىلدەتىلەدى. بۇل تۋرالى پارلامەنت ءماجىلىسىنىڭ جالپى وتىرىسىندا ۇلتتىق ەكونوميكا ءمينيسترى رۋسلان دالەنوۆ مالىمدەدى.

بۇگىن جالپى وتىرىستا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سالىق سالۋ جانە ينۆەستيتسيالىق احۋالدى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭىنىڭ جوباسى تالقىلانىپ جاتىر.

«سالىق ەلەمەنتتەرىن (سالىق سالۋ وبەكتىسى، سالىق بازاسى، مولشەرلەمەسىن، ەسەپتەۋ جانە تولەۋ ءتارتىبىن) وزگەرتپەي جەكە تۇلعالاردىڭ مۇلىك جانە جەر سالىقتارىن بىرىكتىرۋ ۇسىنىلادى، 2 سالىق بىرىڭعاي تولەممەن تولەنەدى. بۇل رەتتە، كوپپاتەرلى تۇرعىن ۇيلەردىڭ يەلەرى ءۇشىن جەر سالىعىن الىپ تاستاۋ ۇسىنىلادى»، - دەدى مينيستر.

دالەنوۆتىڭ ايتۋىنشا،سالىق تولەۋشىلەرگە قولايلى بولۋ ماقساتىندا كولىك سالىعىن تولەۋ مەرزىمىن بيىلعى 31 جەلتوقسانىنان كەلەسى جىلدىڭ 1 ساۋىرىنە اۋىستىرۋ ۇسىنىلىپ وتىر.

Abai.kz