"ناستوياششەە ۆرەميا" ارناسىنىڭ حابارلاۋىنشا، رەسەيدە - 96,5 مىڭنان اسا، 144 ەلدە 254 سايلاۋ ۋچاسكەسى اشىلعان. تۇرعىندار سايلاۋ ۋچاسكەسىنە بارىپ داۋىس بەرۋگە بولادى. بۇعان قوسا، قاشىقتان جانە ء"موبيلدى سايلاۋشى" مەحانيزمى ارقىلى جۇرگەن جەردەن داۋىس بەرۋ جولى قاراستىرىلعان.

كۇن سايىن 7 مىڭنان استام ادامنان كوروناۆيرۋس انىقتالىپ جاتقان شاقتا رەفەرەندۋمنىڭ ءوتۋى دەنساۋلىق ساقتاۋ سالاسى ماماندارىنىڭ الاڭداۋشىلىعىن تۋعىزعان. رەفەرەندۋم ىندەتتى ءورشىتىپ جىبەرۋى مۇمكىن دەگەن الاڭداۋشىلىقتى باسۋعا تىرىسقان كرەمل قاۋىپسىزدىكتى ساقتاۋ ءۇشىن بارلىق شارالار قولدانىلادى دەپ مالىمدەدى. بۇعان دەيىن داۋىس بەرۋ 22 ساۋىرگە بەلگىلەنگەنمەن پاندەمياعا بايلانىستى كەيىنگە شەگەرىلگەن ەدى.

ازاتتىقتىڭ ورىس قىزمەتىنىڭ حابارلاۋىنشا، ۇسىنىلىپ وتىرعان كونستيتۋتسياعا تۇزەتۋلەر بيلىك تارماقتارى اراسىندا وكىلەتتى قايتا ءبولىپ، ەلدىڭ ەكىنشى جانە ءۇشىنشى پرەزيدەنتتەرى ۆلاديمير پۋتين مەن دميتري مەدۆەدەۆتىڭ پرەزيدەنتتىك مەرزىمدەرىن "جويادى". بۇل وزگەرىس ەلدىڭ قازىرگى پرەزيدەنتى 67 جاستاعى ۆلاديمير پۋتينگە 2036 جىلعا دەيىن بيلىكتە قالۋعا مۇمكىندىك بەرەدى.

Abai.kz