رەسمي اقپارات بويىنشا، وزبەك شەكاراشىلاردىڭ سوح اۋدانىنا قاراستى چاشما اۋىلىندا توپوگرافيالىق جۇمىستار جۇرگىزۋى وسى كەزدەسۋدىڭ وتۋىنە سەبەپ بولدى.
قىرعىزدار وزبەك شەكاراشىلارىنىڭ بۇل ارەكەتىنە نارازى بولىپ، شەكارانىڭ بۇل ايماعىنداعى ءاربىر ارەكەت كەلىسىممەن جاسالۋى كەرەكتىگىن ەسكەرتتى.
"وزبەك تاراپى قىرعىزستان شەكاراشىلارىنىڭ ۋاجىمەن كەلىستى. كەزدەسۋ ناتيجەسىندە قىرعىز-وزبەك شەكاراسىندا اتقارىلاتىن ارەكەتتەر تۋرالى الدىن الا حابارلاۋ تۋرالى شەشىم قابىلداندى" دەلىنگەن مالىمدەمەدە.
ەسكە سالايىق، قىرعىزستاننىڭ باتكەن وبلىسى مەن وزبەكستان سوح انكلاۆىنىڭ شەكاراسىندا 31 مامىردا قىرعىزدىڭ چەچمە اۋىلى مەن وزبەكتىڭ چاشما اۋىلىنىڭ تۇرعىندارى جانجالداسىپ قالدى. ولار سۋعا تالاسقان.
رەسمي مالىمەت بويىنشا، تۇرعىنداردىڭ قاقتىعىسىنان 200-دەن استام ادام جارالاندى.
Abai.kz
