ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ قازاقستاندا ەندى 42 500 تەڭگە بەرىلمەيتىنىن مالىمدەدى. 

"ەندى 42 500 تەڭگە بەرىلمەيدى، ونداي تولەم جاساۋدى جوسپارلاپ وتىرعان جوقپىز. ولار ءۇشىن بيۋدجەتتەن ارنايى قاراجات قاراستىرىلمايدى، مەملەكەتتiك الەۋمەتتiك ساقتاندىرۋ قورىنىڭ قاراجاتى جۇمسالدى", - دەدى ءبىرجان نۇرىمبەتوۆ.

ۆەدومستۆو باسشىسىنىڭ ايتۋىنشا، ۇلتتىق بانكتىڭ كومەگىنسىز بۇل جاعدايدان شىعۋ مۇمكىن بولماعان.

"بانك قارجى قۇرالدارىن قولدانا وتىرىپ، قاجەت قارجىنى بەردى. ناتيجەسىندە مەملەكەتتiك الەۋمەتتiك ساقتاندىرۋ قورى 332 ميلليارد تەڭگە اكتيۆىن جۇمساپ، 4,6 ميلليون ادامعا تولەم اۋداردى. بۇگىندە مەملەكەتتiك الەۋمەتتiك ساقتاندىرۋ قورىنىڭ مۇمكىندىگى شەكتەۋلى", - دەدى نۇرىمبەتوۆ.

ەسكە سالايىق، قازاقستاندا كوروناۆيرۋستىڭ تارالۋىنا بايلانىستى ەنگىزىلگەن توتەنشە جاعداي رەجيمى اياسىندا تابىسىنان ايىرىلعان قازاقستاندىقتار ەكى اي بويى 42 500 تەڭگەدەن العان بولاتىن.

Abai.kz