قر دەنساۋلىق ساقتاۋ ءمينيسترى ەلجان ءبىرتانوۆ قىزمەتىنەن بوساتىلدى. بۇل تۋرالى اقوردا سايتى حابارلادى.

"مەملەكەت باسشىسىنىڭ جارلىعىمەن ەلجان امانتايۇلى ءبىرتانوۆ قازاقستان رەسپۋبليكاسىنىڭ دەنساۋلىق ساقتاۋ ءمينيسترى قىزمەتىنەن بوساتىلدى", - دەلىنگەن پرەزيدەنت جارلىعىندا.

ال، ءبىرتانوۆ الەۋمەتتىك جەلىدەگى پاراقشاسىندا كوروناۆيرۋستىڭ اسقىنعان تۇرىمەن اۋىرعاندىقتان قىزمەتىنەن بوساتۋ تۋرالى ءوتىنىش بەرگەنىن جازدى.

"بۇگىن مەن مەملەكەت باسشىسىنا دەنساۋلىق ساقتاۋ ءمينيسترى قىزمەتىنەن بوساتۋ تۋرالى ءوتىنىش بەردىم.

وكىنىشكە وراي، مەندە پنەۆمونيامەن اسقىنعان كوروناۆيرۋس ينفەكتسياسى بولعاندىقتان، قوسىمشا ەمدەۋ قاجەت.

سونىمەن بىرگە، قازىرگى ۋاقىتتا ەلدەگى ەپيدەميولوگيالىق جاعدايدىڭ كۇردەلىلىگى مينيسترلىك دەڭگەيىندە دە، وڭىرلەردىڭ دەنساۋلىق ساقتاۋ سالاسىندا دا سالانىڭ تولىققاندى باسشىلىعى قاجەت دەپ سانايمىن.

ءبىزدىڭ دەنساۋلىق ساقتاۋ جۇيەسى كوتەرىلىپ كەلە جاتقان اۋىرتپالىقتى جەڭە الاتىنىنا سەنىمدىمىن. بۇل ارقايسىمىزعا ۋاقىت ارناۋدى قاجەت ەتەدى. بارلىق ارىپتەستەرىمە دەنساۋلىق جانە تاباندىلىق تىلەيمىن!

مەملەكەت باسشىسىنا قازاقستاندىق دەنساۋلىق ساقتاۋدى دامىتۋعا ۇلەس قوساداى دەپ جوعارى سەنىم بىلدىرگەنى ءۇشىن العىس ايتامىن!",- دەدى.

ايتا كەتەيىك، بۇعان دەيىن ەلجان ءبىرتانوۆ كوروناۆيرۋس جۇقتىرعانىن مالىمدەگەن بولاتىن.

Abai.kz