ازيا دامۋ بانكى ەلىمىزگە كوروناۆيرۋس ىندەتىنىڭ ورشۋىنە بايلانىستى تۋىنداعان ەكونوميكالىق ماسەلەلەردى شەشۋ ءۇشىن 1 ميلليارد دوللار بولەدى. بۇل تۋرالى 24.kz مالىمدەدى.

بۇل بانك قازاقستاننىڭ ماڭىزدى ارىپتەسى بولىپ تابىلادى. بۇل قاراجات ەسەبىنەن ينفەكتسيا تارالۋىن توقتاتۋعا باعىتتالعان شارالار جۇزەگە اسىرىلادى. ماسەلەن، مەديتسينالىق قىزمەتكەرلەردىڭ جالاقىسىن كوتەرىپ، ولاردى ساقتانۋ قۇرال-جابدىقتارىمەن قامتۋ كوزدەلگەن. سونداي-اق ازيا دامۋ بانكى قازاقستانمەن بىرلەسىپ، مەملەكەتتىك باسقارۋ، شاعىن بيزنەستى قولداۋ مەن اۋىل شارۋاشىلىعىن دامىتۋ بويىنشا جۇمىستار اتقارماق.

ايتا كەتەيىك، بۇعان دەيىن مەملەكەت باسشىسى قاسىم-جومارت توقاەۆ ەلىمىزدە كوروناۆيرۋسپەن كۇرەس شارالارىنا مەملەكەت شامامەن 6 ترلن تەڭگە جۇمساعانىن ايتقان بولاتىن.

Abai.kz