پتر-تەستى جاپپاي تاپسىرۋدىڭ قاجەتى جوق. بۇل سۇراققا «ۇلتتىق عىلىمي كارديوحيرۋرگيا ورتالىعى» اق باسقارماسى توراعاسىنىڭ ءبىرىنشى ورىنباسارى ماحاببات بەكبوسىنوۆا جاۋاپ بەردى.

«پاتسيەنتتە سوزىلمالى اۋرۋلار، كۇرەتامىر جوعارى قان قىسىمى، قانت ديابەتى بولسا، وندا ولار ەرەكشە باقىلاۋدا بولۋى ءتيىس. ەڭ الدىمەن ءوزىن-ءوزى باقىلاۋى كەرەك. ەكىنشىدەن، امبۋلاتورلىق مەكەمە تاراپىنان قاداعالاۋ بولۋى ءتيىس. ىندەت قازاقستانعا قاراعاندا ەرتە كەلگەن ەۋروپاداعى، قىتايداعى وتكەنگە شولۋ ساراپتامالارىنا قاراعاندا، اۋىر COVID-19 وكپە قابىنۋى بار ادامداردىڭ شامامەن 40 پايىزى قانت ديابەتىنە شالدىققان», - دەدى ماحاببات بەكبوسىنوۆا.

ونىڭ ايتۋىنشا، پتر-دياگنوستيكا ءۇشىن تەست تاپسىرۋعا ناقتى اۋرۋ بەلگىسى بولۋى ءتيىس. ويتكەنى، الەمدىك ستاتيستيكاعا قاراعاندا، كوروناۆيرۋس ينفەكتسياسى بار ادامداردىڭ 30 پايىزىندا پتر-تەستى ۆيرۋس جوق دەپ كورسەتەدى.

«ەندەشە، بارلىعى جاپپاي پتر-تەستى تاپسىرۋ قاجەت پە ەكەندىگىن ويلانۋ قاجەت. مەنىڭشە، ەڭ الدىمەن كلينيكاعا سۇيەنگەن ءجون. پتر-تەستى ۆيرۋستى انىقتاماعانىمەن پاتسيەنتتە كوروناۆيرۋسقا ءتان بەلگىلەر بولعان جاعدايدا ۇيدە قالىپ، دەنساۋلىعىن قاداعالاۋى، دەنە قىزۋىن ولشەپ وتىرۋى كەرەك. سونىمەن قاتار تىركەلگەن امبۋلاتورلىق مەكەمەگە حابارلاساپ، باقىلاۋعا الىنعان ءجون»،- دەدى ول.

Abai.kz