2021 جىلدان باستاپ 1-سىنىپ وقۋشىلارىنا «تسيفرلىق ساۋات» ءپانى ەنگىزىلەدى. بۇل تۋرالى قر ءبىلىم جانە عىلىم ءمينيسترى اسحات ايماعامبەتوۆ مالىمدەدى. 

«ورتا ءبىلىم بەرۋدە 2013 جىلعا دەيىن اقپاراتتىق تەحولوگيالار ءپانى 7-سىنىپتان باستالىپ، ەسكىرگەن مازمۇننان تۇردى. ودان كەيىن 5-سىنىپقا ءتۇسىرىلدى. بىراق وسى باعدارلامالاردا كوبىنە كومپيۋتەر پايدالانۋ، كەڭسەلىك قوسىمشالاردى يگەرۋ سياقتى قاراپايىم داعدىلار بەردىك تە، وسى باعدارلاما جاڭارتۋدى تالاپ ەتكەن بولاتىن. سوندىقتان ەندى 2021 جىلدان باستاپ «تسيفرلىق ساۋات» ءپانى 1-سىنىپتان باستاپ ەنەدى. بالالار الگوريتمدى، اقپاراتتىق گيگيەنا مەن قاۋىپسىزدىكتى، Scratch كودتاۋ ءتىلىن ۇيرەنەدى. STEM, 3د-پرينتينگ، روبوتوتەحنيكا نەگىزدەرىن يگەرەدى»، - دەدى اسحات ايماعامبەتوۆ ۇكىمەت وتىرىسىندا.

ءمينيستردىڭ ايتۋىنشا، سونىمەن قاتار IOS, Android وپەراتسيا جۇيەلەرىن جانە Python, س++ سياقتى پروگراممالاۋ تىلدەرىن ۇيرەنەدى.

«ول ءۇشىن ەلىمىزدە وبلىس ورتالىقتارىندا جاڭادان 25 ارناۋلى IT-ليتسەي اشىلدى. 447 STEM زەرتحاناسى مەن 2 مىڭعا جۋىق روبوت تەحنيكاسى كابينەتى ۇيىمداستىرىلىپ وتىر»، - دەدى ول.

Abai.kz