اشىق حات

قازاقستان رەسپۋبليكاسىنىڭ

ۇلت كوشباسشىسى- پرەزيدەنت ن.ءا. نازارباەۆقا

قۇرمەتتى نۇرسۇلتان ءابىشۇلى!

جاڭاوزەن قالاسىنداعى وقيعا بارشا قازاقستاندىقتاردىڭ ۇلكەن الاڭداۋشىلىعىن تۋعىزۋدا. ەلىمىزدەگى ادام قۇقىقتارى مەن بوستاندىقتارىنىڭ گارانتى رەتىندە وسى ماسەلەنى جەكە باقىلاۋىڭىزعا العانىڭىزدى كوپشىلىك قاۋىم قولداپ وتىر. سەبەبى ەل تاريحىندا ءسىز ارالاسقاننان كەيىن عانا زاڭدىق، ادىلدىك تۇرعىسىنان شەشىلگەن ماسەلەلەر از بولعان جوق.

ءبىز بۇل ماسەلەنى جان-جاقتى، تىڭعىلىقتى زەرتتەپ كوردىك، ەرەۋىلشى مۇنايشىلارمەن دە، جۇمىس بەرۋشىلەرمەن دە كەزدەستىك. ەلباسى جانىنداعى ادام قۇقىقتارى جونىندەگى كوميسسيادا قارادىق. ەكى رەت ۇكىمەتكە وسى ماسەلەنى قۇقىقتىق تۇرعىدا شەشۋ جونىندە ۇسىنىس جاسادىق، شەشۋ جولدارىن ۇسىندىق. وكىنىشكە قاراي ءالى كۇنگە جاۋاپ بولعان جوق.

قازىر بۇل وقيعانى ۋشىقتىرىپ، ودان ءارى جالعاستىرعىسى كەلىپ وتىرعاندار دا جوق ەمەس. وعان جول بەرۋگە بولمايدى. قازىر قولداعى  مالىمەتتەردى ساراپتاي كەلە، ۇكىمەت بۇل وقيعادان ساباق الا وتىرىپ، ءوزىنىڭ اتقارۋشى بيلىك تارماعى رەتىندە تومەندەگىدەي شارالاردى كەشەندى جانە جۇيەلى تۇردە مەملەكەتتىك دارەجەدە جۇرگىزۋى قاجەت دەپ ويلايمىز.

اشىق حات

قازاقستان رەسپۋبليكاسىنىڭ

ۇلت كوشباسشىسى- پرەزيدەنت ن.ءا. نازارباەۆقا

قۇرمەتتى نۇرسۇلتان ءابىشۇلى!

جاڭاوزەن قالاسىنداعى وقيعا بارشا قازاقستاندىقتاردىڭ ۇلكەن الاڭداۋشىلىعىن تۋعىزۋدا. ەلىمىزدەگى ادام قۇقىقتارى مەن بوستاندىقتارىنىڭ گارانتى رەتىندە وسى ماسەلەنى جەكە باقىلاۋىڭىزعا العانىڭىزدى كوپشىلىك قاۋىم قولداپ وتىر. سەبەبى ەل تاريحىندا ءسىز ارالاسقاننان كەيىن عانا زاڭدىق، ادىلدىك تۇرعىسىنان شەشىلگەن ماسەلەلەر از بولعان جوق.

ءبىز بۇل ماسەلەنى جان-جاقتى، تىڭعىلىقتى زەرتتەپ كوردىك، ەرەۋىلشى مۇنايشىلارمەن دە، جۇمىس بەرۋشىلەرمەن دە كەزدەستىك. ەلباسى جانىنداعى ادام قۇقىقتارى جونىندەگى كوميسسيادا قارادىق. ەكى رەت ۇكىمەتكە وسى ماسەلەنى قۇقىقتىق تۇرعىدا شەشۋ جونىندە ۇسىنىس جاسادىق، شەشۋ جولدارىن ۇسىندىق. وكىنىشكە قاراي ءالى كۇنگە جاۋاپ بولعان جوق.

قازىر بۇل وقيعانى ۋشىقتىرىپ، ودان ءارى جالعاستىرعىسى كەلىپ وتىرعاندار دا جوق ەمەس. وعان جول بەرۋگە بولمايدى. قازىر قولداعى  مالىمەتتەردى ساراپتاي كەلە، ۇكىمەت بۇل وقيعادان ساباق الا وتىرىپ، ءوزىنىڭ اتقارۋشى بيلىك تارماعى رەتىندە تومەندەگىدەي شارالاردى كەشەندى جانە جۇيەلى تۇردە مەملەكەتتىك دارەجەدە جۇرگىزۋى قاجەت دەپ ويلايمىز.

ءبىرىنشى. قازاقستان رەسپۋبليكاسىنداعى قولدانىستاعى ەڭبەك قاتىناستارىن رەتتەيتىن، سونداي-اق، جۇمىسشىلاردىڭ جالاقىلارىن، تولەماقىلارىن، سىياقىلارىن ادىلەتتى تۇردە بەلگىلەيتىن جانە ايقىندايتىن زاڭ اكتىلەرىن ءبىر جۇيەگە كەلتىرۋ قاجەت.

ەكىنشى. وسى وقيعا بارىسىندا كاسىپوداق ۇيىمدارىنىڭ  رولى مەن ماڭىزى وتە تومەن بولعاندىعى انىقتالدى. سوندىقتان، وسى جاعدايلاردى ەسكەرە وتىرىپ، قازاقستان رەسپۋبليكاسىنىڭ «كاسىپوداقتار تۋرالى» زاڭ جوباسىن دايارلاپ، ونى پارلامەنتتە قابىلداۋ قاجەت.

ءۇشىنشى. بۇگىنگى كۇنگى تۇتىنۋ قورجىنىنا ساي كەلەتىن، «ەڭ تومەن مولشەردەگى جالاقى تۋرالى» زاڭ جوباسىن دايارلاپ، ونى پارلامەنتتىڭ قاراۋىنا جولداۋ قاجەت. ونىڭ ۇستىنە، سالالىق جوعارىلاتۋ كوەففيتسيەنتى ۇكىمەتتىڭ ەسەبىنەن قۇرىلاتىن كوەففيتسيەنتتەن ەمەس، ول زاڭدا بەلگىلەنگەن تومەنگى جالاقىعا نەگىزدەلۋى ءتيىس.

ءتورتىنشى. جۇمىسشىلاردىڭ الەۋمەتتىك جاعدايلارىن جوعارىلاتۋ ماقساتىندا، «تومەن مولشەردەگى الەۋمەتتىك ستاندارت تۋرالى» زاڭ جوباسىن دايارلاپ، ونى پارلامەنتتىڭ قاراۋىنا جولداۋ قاجەت.

قۇرمەتتى نۇرسۇلتان ءابىشۇلى، ءسىزدىڭ ادىلدىكتى جاقتاۋداعى، ەل تىنىشتىعى مەن بىرلىگىن ساقتاۋداعى ۇستانىمىڭىزدى تەرەڭ تۇسىنە وتىرىپ، بۇل وقيعا ءادىل  شەشىمىن تابادى، كىنالى ادامدار جازاسىن الادى  دەگەن سەنىمدەمىز.

جوعارىدا اتالعان زاڭ جوبالارى دايىن ەكەنىن ايتقىمىز كەلەدى.