پرەزيدەنت توقاەۆتىڭ ارنايى قاۋلىسى بويىنشا، رەفورمالار جونىندەگى ارنايى كەڭەس قۇرىلدى. اتالمىش كەڭەستى قۇرۋ تۋرالى اقپارات اقوردا سايتىندا جاريا بولدى.

«ەلدىڭ ورنىقتى دامۋىن ستراتەگيالىق جوسپارلاۋ جانە ەكونوميكالىق، الەۋمەتتىك جانە ساياسي رەفورمالاردى تەرەڭدەتۋ ماقساتىندا قاۋلى ەتەمىن: قازاقستان رەسپۋبليكاسىنىڭ پرەزيدەنتى جانىنداعى رەفورمالار جونىندەگى جوعارى كەڭەس قۇرىلسىن.

وسى جارلىقتىڭ ورىندالۋىن باقىلاۋ قازاقتان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن. وسى جارلىق قول قويىلعان كۇنىنەن باستاپ قولدانىسقا ەنگىزىلەدى»، - دەلىنگەن پرەزيدەنت جارلىعىندا.

رەفورمالار جونىندەگى كەڭەس نە ءۇشىن قۇرىلدى؟

پرەزيدەنت توقاەۆتىڭ بيىلعى، 1 قىركۇيەكتەگى جولداۋىندا ەكونوميكا، ونەركاسىپ، قارجى، الەۋمەتتىك جانە باسقا دا سالالاردا تۇبەگەيلى رەفورمالار جۇرگىزۋ تۋرالى مىندەتتەر قويدى.

وسى ماقساتتا اۋەلى پرەزيدەنتكە تىكەلەي باعىناتىن ستراتەگيالىق جوسپارلاۋ جانە رەفورمالار اگەنتتىگى قۇرىلدى. اتالمىش اگەنتتىكتى قۇرۋ تۋرالى مەملەكەت باسشىسىنىڭ جارلىعى 8 قىركۇيەكتە جاريا بولدى.

اگەنتتىك اعىمداعى جاعدايدى، قالىپتاسىپ وتىرعان تەندەنتسيالاردى، الەمدىك تاجىريبەنى تالداپ، وسى باعىتتاعى رەفورمالاردى ىسكە اسىرۋ تاسىلدەرىن ازىرلەيدى. سونداي-اق، ولاردىڭ ورىندالۋ بارىسىنا مونيتورينگ جۇرگىزەدى، دەگەن ەدى ول كەزدە.

ەندى سول جاڭا قۇرىلعان اگەنتتىك پەن وزگە دە مەملەكەتتىك ورگانداردىڭ باستامالارىمەن قولعا الىنعان رەفورمالاردى، رەفورمالاردىڭ ورىندالۋ بارىسىن قاداعالاپ، بەكىتىپ بەرەتىن جانە باقىلاپ وتىراتىن جاڭا كەڭەس قۇرىلدى. ول – رەفورمالار جونىندەگى كەڭەس. قۇرىلعان كۇنى – 14 قىركۇيەك.

ونىڭ باسشىلىق قۇرامىنا كۇنى كەشە عانا پرەزيدەنت توقاەۆتىڭ كەڭەسشىسى قىزمەتىنە تاعايىندالعان – سۋما چاكرابارتي دە كىرگەن. سۋما چاكرابارتي وسىعان دەيىن ەۋرازيالىق دامۋ جانە قايتا قۇرۋ بانكىن باسقارعان (2012-2020 جىلدار).

سۋ جاڭا كەڭەسكە كىمدەر مۇشە؟

باسشىلىق:

قاسىم-جومارت توقاەۆ – توراعا،

سۋما چاكرابارتي – توراعا ورىنباسارى،

مۇشەلەر:

اسقار مامين – ۇكىمەت باسشىسى،

ەرلان قوشانوۆ – پرەزيدەنت اكىمشىلىگىنىڭ جەتەكشىسى،

ەربولات دوساەۆ – ۇلتتىق بانك توراعاسى،

قايرات كەلىمبەتوۆ - ستراتەگيالىق جوسپارلاۋ جانە رەفورمالار اگەنتتىك توراعاسى،

ءمادينا ابىلقاسىموۆا – قر قارجى نارىعىن باسقارۋ جانە دامىتۋ اگەنتتىگىنىڭ توراعاسى،

اسەت يسەكەشەۆ – قاۋىپسىزدىك كەڭەسىنىڭ حاتشىسى، پرەزيدەنت كومەكشىسى،

تيمۋر سۇلەيمەنوۆ – ءپا جەتەكشىسىنىڭ ورىنباسارى،

تيمۋر قۇلىباەۆ – «اتامەكەن» ۇكپ پرەزيديۋمىنىڭ توراعاسى.

Abai.kz