الىبەك شەگەباي. ماڭعىستاۋ مۇڭى
كوتەرىلىس پە،
قوزعالىس پا،
قىلمىس پا؟
مەن بىلمەدىم، بىلەتىنىم تىم قىسقا.
شاڭىراعى شايقاتىلىپ شىندىقتىڭ،
جاڭاوزەن جاۋراپ جاتىر بۇل قىستا.
قاجىتتى ما، قۋىرشاقتى «عاجاپتار»،
مەزى ەتتى مە، مايمىل مىنەز - مازاقتار.
ويانىڭدار، ويلانىڭدار دەگەندەي
وتپانتاۋدان وت تۇتاتتى قازاقتار.
مەن بىلمەيمىن ايلا ما الدە ارباۋ ما،
بىلە المادىم جوقتاۋ ما الدە زارلاۋ ما؟
قۇلىنىنان ايىرىلعان سورلى انا
قۇدايىن دا، مۇنايىن دا قارعاۋدا.
قايعىسى مەن قاسىرەتى باتپانداي،
بۇل نە دەگەن قورقىنىشتى شاق قانداي.
جاڭاوزەننىڭ جانارىندا مولتىلدەپ،
«جەلتوقساننىڭ جاڭعىرىعى» جاتقانداي.
مەن سەنبەيمىن، سەنە المايدى جۇرەگىم،
ءبىر شىندىق بار بۇعىپ جاتقان بىلەمىن.
ايىرا الماي ەسەرلىك پەن ەرلىكتى
ەس جيا الماي ەسەڭگىرەپ تۇر ەلىم.
كىمدەر تويىپ، كىمدەر توڭىپ سەكىردى؟
كورسەتپەستەن جەل قاريدى بەتىمدى.
شىندىعىڭدى كۇتە-كۇتە شارشاعان
باتىسىمنىڭ «باستاڭعىسى» سەكىلدى.
مەيلى، ءتىپتى بيلىگىنە باس ۇرسىن،
ايلاسىن دا، ارباۋىن دا اسىرسىن.
اۋرۋدى جاسىرۋعا بولمايدى
اتقان وقتىڭ اقيقاتى اشىلسىن!
«اباي-اقپارات»
كوتەرىلىس پە،
قوزعالىس پا،
قىلمىس پا؟
مەن بىلمەدىم، بىلەتىنىم تىم قىسقا.
شاڭىراعى شايقاتىلىپ شىندىقتىڭ،
جاڭاوزەن جاۋراپ جاتىر بۇل قىستا.
قاجىتتى ما، قۋىرشاقتى «عاجاپتار»،
مەزى ەتتى مە، مايمىل مىنەز - مازاقتار.
ويانىڭدار، ويلانىڭدار دەگەندەي
وتپانتاۋدان وت تۇتاتتى قازاقتار.
مەن بىلمەيمىن ايلا ما الدە ارباۋ ما،
بىلە المادىم جوقتاۋ ما الدە زارلاۋ ما؟
قۇلىنىنان ايىرىلعان سورلى انا
قۇدايىن دا، مۇنايىن دا قارعاۋدا.
قايعىسى مەن قاسىرەتى باتپانداي،
بۇل نە دەگەن قورقىنىشتى شاق قانداي.
جاڭاوزەننىڭ جانارىندا مولتىلدەپ،
«جەلتوقساننىڭ جاڭعىرىعى» جاتقانداي.
مەن سەنبەيمىن، سەنە المايدى جۇرەگىم،
ءبىر شىندىق بار بۇعىپ جاتقان بىلەمىن.
ايىرا الماي ەسەرلىك پەن ەرلىكتى
ەس جيا الماي ەسەڭگىرەپ تۇر ەلىم.
كىمدەر تويىپ، كىمدەر توڭىپ سەكىردى؟
كورسەتپەستەن جەل قاريدى بەتىمدى.
شىندىعىڭدى كۇتە-كۇتە شارشاعان
باتىسىمنىڭ «باستاڭعىسى» سەكىلدى.
مەيلى، ءتىپتى بيلىگىنە باس ۇرسىن،
ايلاسىن دا، ارباۋىن دا اسىرسىن.
اۋرۋدى جاسىرۋعا بولمايدى
اتقان وقتىڭ اقيقاتى اشىلسىن!
«اباي-اقپارات»
