ىندەت كەزىندە قازاقستاندا تابىسى ەڭ تومەنگى كۇنكورىس دەڭگەيىنەن از ادامدار سانى 5,7 پايىزعا ارتقان. بۇل تۋرالى ستاتيستيكا كوميتەتىنىڭ دەرەگىن زەرتتەگەن اناليتيكالىق Finprom سايتى حابارلادى.

ىندەت كەزىندە قازاقستاندا تابىسى ەڭ تومەنگى كۇنكورىس دەڭگەيىنەن از ادامدار سانى 5,7 پايىزعا ارتقان. بۇل تۋرالى ستاتيستيكا كوميتەتىنىڭ دەرەگىن زەرتتەگەن اناليتيكالىق Finprom سايتى حابارلادى.

2019 جىلى ەڭ تومەنگى كۇنكورىس دەڭگەيىنەن از اقشا الاتىن ادامدار 4,2 پايىزدى قۇراعان. بۇل 2011 جىلدان بەرگى ەڭ ناشار كورسەتكىش.

اقپارات بويىنشا، كەدەيلەر سانى جاعىنان تۇركىستان (12,8%), سولتۇستىك قازاقستان وبلىسى (7,4%), جامبىل وبلىسى (6,9 پروتسەنتا) الدا تۇر. نۇر-سۇلتان (1,4%), قاراعاندى (2,4%), اتىراۋ (3,1%) وبلىستارى قالعان ايماقتارمەن سالىستىرعاندا "اۋقاتتىراق" بولىپ شىققان.

الماتى مەن شىمكەنتتە تۇرعىنداردىڭ تابىسى بىلتىرمەن سالىستىرعاندا ازايعان. الماتىدا كەدەيلىك دەڭگەيى - 6,2 پايىز (بىلتىر ەكىنشى توقساندا 2,6 پايىز بولعان), شىمكەنتتە 6,4 پايىزدى (ەكىنشى توقساندا 3,1 پايىز) قۇراعان.

زەرتتەۋشىلەردىڭ ايتۋىنشا، قازاقستاندا ەكونوميكالىق بەلسەندىلىك تومەندەپ، كوروناۆيرۋس داعدارىسىنىڭ اسەرى قاتتى بىلىنە باستاعان تۇستا "كەدەيلەنۋ" ترەندى بارلىق وڭىردە بايقالعان. ەلدە تابىسى كۇنكورىس دەڭگەيىنەن از 1,1 ميلليون ادام بار.

شىلدە ايىندا دۇنيەجۇزىلىك بانك ىندەتتىڭ كەسىرىنەن قازاقستاندا تاعى 800 مىڭ ادام كەدەيلەر قاتارىنا قوسىلادى دەپ بولجاعان ەدى. 2020 جىلى كەدەيلىك دەڭگەيى "بولجالدى" 8,3 پايىزدان 12,7 پايىزعا دەيىن ارتۋى مۇمكىن.

Abai.kz