شەتەلدەردەگى ەپيدەميولوگيالىق جاعدايدىڭ ناشارلاۋىنا بايلانىستى ەلىمىزدە 5 قازاننان باستاپ باسقا ەلدەرمەن قوسىمشا رەيستەردى قالپىنا كەلتىرۋ توقتاتىلادى.

بۇل ۇسىنىستى دەنساۋلىق ساقتاۋ ءمينيسترى الەكسەي تسوي ۇكىمەت وتىرىسىندا ايتتى.

رەيستەر قالپىنا كەلتىرىلگەن ەلدەرمەن اۋە قاتىناسىن ودان ءارى ارتتىرماۋ جانە تۇركيا رەسپۋبليكاسىمەن اراداعى رەيستەر سانىن ازايتۋ ۇسىنىلدى.

ەكىنشى ساناتتاعى ەلدەردەن كەلەتىندەر ءۇشىن تالاپتار بەلگىلەندى: تەرمومەتريا، ساۋالناما، كوروناۆيرۋس بويىنشا تەستتەن وتكەنى تۋرالى انىقتاما (3 تاۋلىك بۇرىنعى). انىقتاما بولماعان جاعدايدا شەتەلدەن كەلگەندەر ستاتسيوناردا ەكى كۇنگە دەيىن وقشاۋلانادى.

Abai.kz