پوليتسيا مالىمەتىنشە، 10 قازاندا ءبىر كەلى سينتەتيكالىق ەسىرتكىمەن ەر ادام ۇستالعان. كەيىن ءۇيىن ءتىنتۋ بارىسىندا زەرتحانا بار ەكەنى انىقتالعان.
زەرتحانادان بەس كەلى ەسىرتكى زاتتارى تاركىلەنگەن. قاراعاندى وبلىستىق پوليتسيا دەپارتامەنتى جالپى قۇنى 76 ملن تەڭگە بولاتىن ەسىرتكى زاتتارى تاركىلەنگەن.
بۇل وقيعاعا بايلانىستى قىلمىستىق ءىس قوزعالعان. كۇدىكتى كىنالى دەپ تابىلسا، 10 جىلدان 15 جىلعا دەيىن باس بوستاندىعىنان ايىرىلۋى مۇمكىن.
دارىگەرلەر سينتەتيكالىق ەسىرتكى پايدالاناتىن ادامداردى ايىقتىرۋ وتە اۋىر ەكەنىن ايتادى. ونى ەمدەۋگە بىرنەشە جىلدار كەتەدى دەيدى.
رەسمي مالىمەت بويىنشا، قازاقستاندا 26 مىڭ ادام ەسىرتكىگە تاۋەلدى رەتىندە ەسەپكە تۇرادى.
