ەۋرازيالىق ەكونوميكالىق وداق قازاقستان، رەسەي، بەلارۋس، ارمەنيا، قىرعىزستان قاتارلى ەلدەردىڭ باسىن بىرىلىكتىرەتىن بىرەگەي ورتاق كەڭىستىك. مۇندا اتالعان ەلدەردىڭ ەكونوميكاسى بىرگە دامىپ، بىرگە وركەندەيدى. بۇل ەكونوميكالىق وداق العاش رەت قازاقستان، رەسەي جانە بەلارۋس ەلدەرىنىڭ مەملەكەت باسشىلارى قول قويعان كەلىسىم نەگىزىندە قۇرىلدى. اتالعان وداق وعان مۇشە ەلدەردىڭ پارلامەنتتەرى رەسمي بەكىتكەننەن كەيىن، 2015 جىلدىڭ 1 قاڭتارىنان باستاپ جۇمىس ىستەي باستادى.

ەۋروپالىق وداق ينتەگرتساتسياسىنا سۇيەنگەن ەۋرازيالىق ەكونوميكالىق وداقتىڭ العاشقى تۇجىرىمداماسىن قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان ءابىشۇلى نازارباەۆ 1994 جىلى ماسكەۋ مەملەكەتتىك ۋنيۆەرسيتەتىندە العاش رەت تانىستىرىلعان بولاتىن. كەيىن، 2011 جىلدىڭ قازان ايىندا رەسەيدىڭ سول كەزدەگى پرەمەر-ءمينيسترى ۆلاديمير پۋتين تاراپىنان جۇرت نازارىنا رەسمي ۇسىنىلدى. ال 2011 جىلدىڭ 18 قاراشاسى كۇنى قازاقستان، بەلارۋس جانە رەسەي باسشىلارى ەۋرازيالىق ەكونوميكالىق وداقتىڭ 2015 جىلعا قاراي رەسمي قۇرالىاتىنى تۋرالى كەلىسىمگە رەسمي قول قويعان بولاتىن.

ءبىز ءسوز ەتىپ وتىرعان بۇل كەلىسىم بولاشاق ينتەگراتسيانىڭ وداقتىڭ باسىم باعىتتارىن كوزدەي وتىرىپ، ەۋرازيالىق ەكونوميكالىق كوميسسيانىڭ، سونىمەن قاتار 2012 جىلى ءبىرىنشى قاڭتاردا جۇمىسىن باستاعان ەۋرازيالىق ەكونوميكالىق كەڭىستىك العاشقى تەتىگىن قالىپتاستىردى. بۇل جەردە ەرەكشە ايتا كەتەرلىگى ەاەو ەشقانداي دا ساياسي وداق ەمەس. بۇل وداق تەك قانا ەكونوميكالىق نەگىزدە قۇرىلعان. جانە وسى باعىتتاعى قىزمەتىن عانا ىستەيتىن بولادى.

جاقىندا قازاقستان رەسپۋبليكاسىنىڭ پرەمەر-ءمينيسترى اسقار مامين ارمەنيا استانسى ەرەۆان قالاسىنا رەسمي ساپارمەن بارعان بولاتىن. ۇكىمەت باسشىسى وسى ساپارىندا ەۋروازيالىق ەكونوميكالىق وداقتىڭ جۇمىسى اياسىنداعى ەۋرازيالىق ۇكىمەتارالىق كەڭەس (ەۇاك) وتىرىسىنا قاتىستى. جينالىس بارىسىندا قر پرەمەر-ءمينيسترى ەۋروازيالىق ەكونوميكالىق وداقتىڭ باسەكەگە قابىلەتتىلىگىن جوعارىلاتۋ ماقساتىنداعى بىرنەشە ماڭىزدى ۇسىنىستارىن ايتىپ، باستاما كوتەردى. مامين ۇسىنعان باستامالار جاڭا ەكونوميكالىق شىنايىلىق جاعدايىنا نەگىزدەلىپ قۇرىلعانىن ايتا كەتەيىك.

قر پرەمەر-ءمينيسترى ەڭ الدىمەن ەۋروازيالىق ەكونوميكالىق وداقتىڭ سالىقتىق-كەدەندىك سەنىم كەڭىستىگىن قالىپتاستىرۋ كەرەك ەكەنىن ەسە سەالدى. بۇل باستاما ەاەو-نىڭ ەركىن نارىقتاعى پايدالى قىزمەت اتقارۋىن بارىنشا قامتاماسىز ەتۋ بارىسىن نەگىزگى الا وتىرىپ كوتەرىلىپ وتىر. ەاەو-دا كەدەن ورگاندارىنىڭ بارىنشا كەڭەيتىلگەن ەلەكتروندىق ءىس-قيمىلىن ءوزارا نىعايتۋدىڭ ماڭىزى زور.

ۇكىمەت باسشىسى سونىمەن قاتار، قازاقستاندا قۇرىلاتىن ۇلتتىق تاۋار وتكىزۋ بارىسىنىڭ جۇمىس جاساۋ مودەلىن كەڭەيتۋ جانە ەۋرازيالىق تاۋار اينالىم جۇيەسىن تەزىرەك قالىپتاستىرۋ ۇسىنىسىن ورتاعا سالدى.

اسقار مامين، قازاقستان رەسپۋبليكاسىنىڭ پرەمەر-ءمينيسترى 

«مۇنداي جاعدايدا قازاقستان پرەزيدەنتى قاسىم-جومارت كەمەلۇلى توقاەۆتىڭ وداقتىڭ مۇددەلى ەلدەرىمەن ورتاق تاۋار ءبولۋ جەلىسىن قۇرۋ مۇمكىندىگىن پىسىقتاۋ تۋرالى ۇسىنىسى اسا وزەكتى. ەلدەرىمىزدىڭ گەوگرافيالىق ورنالاسۋىن ەسكەرسەك، ەاەو ەۋروپا مەن ازيا اراسىنداعى ساۋدا حابىنا ابدەن اينالا الادى», - دەدى.

قر پرەمەر-ءمينيسترى اسقار مامين بارلىق قاجىر-قايراتتى ەۋرازيالىق زياتكەرلىك كولىك جۇيەلەرىن قالىپتاستىرۋ جۇمىسىنا ارناۋ كەرەك ەكەنىن العا تارتتى. ونىڭ ايتۋىنشا، بۇل بۇگىنگى تاڭداعى ينفراقۇرىلىمدى قازىرگىدەن دە پايدالى ەتىپ پايدالانۋعا، سونداي اق جۇك تاسىمالداۋشىلاردىڭ جانە تاۋار وندىرۋشىلەردىڭ شىعىنىن بارىنشا ازايتىپ، وڭتايلاندىرۋعا جول اشاتىن كورىنەدى.

سونىمەن قاتار، قر ۇكىمەت باسشىسى اسقار مامين كوتەرگەن تاعى ءبىر باستا ما: ەۋروازيالىق ەكونوميكالىق وداقتا ستراتەگيالىق وتكىزۋ پۋنكتتەرىندە ءار ەلدىڭ بىرلەسكەن تىرەك سىناق زەرتحانالارىن قۇرۋ تۋرالى بولدى. مامين بۇل باستاماسىندا، وسى جۇمىستى قولعا العاندا وندىرىلگەن ءونىمنىڭ ءۇشىنشى ءبىر ەلدەردىڭ قويعان تالاپتارىنا سايكەس كەلەتىن نەمەسە كەلمەيتىنىن انىقتاۋعا باعىتتالعان شىعىنداردى قازىرگىدەن الدەقايدا تومەندەتۋگە بولاتىنىن جەتكىزدى.

Abai.kz