الداعى پارلامەنتتىك سايلاۋعا قاي پارتيالار قاتىساتىنى بۇگىنگى كۇنى بەلگىلى بولدى. «باياعى جارتاس سول جارتاس» دەگەندەي باياعى التى پارتيا دوداعا تۇسەتىنىن مالىمدەدى.

ولار «اق جول» قازاقستاننىڭ دەموكراتيالىق پارتيسى، «اۋىل» حالىقتىق-دەموكراتيالىق پاتريوتتىق پارتياسى، «ادال» (بۇرىنعى «بىرلىك») ساياسي پارتياسى، جسدپ - جالپىۇلتتىق سوتسيال-دەموكراتيالىق پارتياسى، قازاقستاننىڭ كوممۋنيستىك حالىق پارتياسى جانە «Nur Otan» پارتياسى.

بۇلاردىڭ ىشىندە «Nur Otan»، «اق جول» ءھام قازاقستاننىڭ كوممۋنيستىك حالىق پارتياسى سوڭعى ەكى سايلاۋدا دا جەڭىسكە جەتىپ، پارلامەنتتىڭ ماجىلىسىنەن ورىن بۇيىرعان «باقىتتى» پارتيالار.

ەڭ وكىنىشتىسى جاڭا پارتيالار تىركەۋدەن وتپەدى. دوداعا تۇسپەدى. الداعى تارتىس جۇرتقا كوز سۇيەل بولعان التى پارتيانىڭ اراسىندا وتەدى. كىم جەڭەدى، قاي پارتيا ماجىلىستەن كوبىرەك ورىن الادى دەگەنگە كەلسەك، قازىردىڭ وزىندە بيلىك پارتياسى «Nur Otan» الاتىنى بەلگىلى. (2004 جىلدان 2020 جىلدىڭ ارالىعىندا (16 جىلدا) «نۋر وتان» پارتياسىنا رەسپۋبليكالىق قازىنادان 46 ميلليارد 981 ملن 513 مىڭ تگ نەمەسە (دوللارعا شاققاندا) 186 ميلليون 137 مىڭ 780 اقش دوللارىن شىعىنداعان ەكەن. دەرەك ن. قادىرنيازوۆتىڭ فب-داعى پاراقشاسىنان الىندى.ەگەردە وسى راس، بولسا، وسىنشاما قارجىنى «Nur Otan» اقتادى ما؟ بۇل جەكە اڭگىمە)

ودان كەيىنگى ورىنعا «اق جول» جانە كوممۋنيستەر قونجياتىنى حاق. بالكىم «اۋىلمەن» «ادالعادا» ورىن ءتيىپ قالۋى ىقتيمال. ال جسدپ دەپۋتاتتىقتان ءدام ەتپەسەدە بولادى. بiراق، جسدپ پارتياسىن حالىك قولدايدى. ءيا، كەيبىر قوعام بەلسەندىلەرى تاراپىنان بويكوت جاريالاۋ كەرەك دەگەندە ۇران كوتەرىلىپ قالدى. بىراق ودان نە ۇتامىز؟ ەشتەڭە. بيلىك ەشكىمدى تىڭداماسى انىق. سايلاۋ بەگىلەنگەن مەرزىمدە وتەدى. سوندىقتان بىزگە بويكوت ەمەس، قالايدا بولسا سايلاۋدىڭ وتكەنى دۇرىس. بىزگە كەرەگى، ساياسي بەلسەندىلىكتى كۇشەيتۋ. سايلاۋعا بارىپ، كىم قاي پارتياعا داۋىس بەرەدى سونى باقىلاۋ. تاجىريبە جيناقتاۋ. ءار سالادا جۇرگەن مىقتى ازاماتتار مەيلى قاي پارتيانىڭ قۇرامىندا بولسادا، سايلاۋدان ءوتىپ، بيىك مىنبەردەن حالىقتىڭ ءسوزىن سويلەگەنى كەرەك. ءبىز وسى ءۇشىن كۇرەسۋگە ءتيىسپىز. باياعى جاسى كەلگەن، پارلامەنتتە ۇيىقتاپ وتىراتىن، ايتار ويى، كوتەرەر باستاماسى جوق، حالىقتىڭ مۇڭ-زارىن، ارىز-تالابىن دەپۋتات رەتىندە بيلىككە جەتكىزە المايتىنداردىڭ پارلامەنتكە ءوتىپ كەتۋىنە بوگەت بولعان ءجون.

دەمەك بىزگە قوعامدى وزگەرتەمىز، دامۋدىڭ جاڭا ساتىسىنا وتەمىز، حالىقتىڭ تۇرمىسىن تۇزەتەمىز، اشىق قوعامدا ءومىر سۇرەمىز دەسەك، ءدال قازىر ساياسي بەلسەندىلىك كەرەك. ەرتەڭ كەش بولادى.

 ازاماتحان ءامىرتايدىڭ جازباسى

Abai.kz