رەسەي پرەزيدەنتى ۆلاديمير پۋتين «رەسەي حالقى اسسامبلەياسى» بۇكىلرەسەيلىك قوعامدىق-مەملەكەتتىك ۇيىمىن قۇرۋ تۋرالى جارلىققا قول قويدى.

قۇجات جۇما كۇنى قۇقىقتىق اقپاراتتىڭ رەسمي ينتەرنەت-پورتالىندا جاريالاندى.

«قوعامدىق بىرلەستىكتەردىڭ قاتىسۋىمەن «رەسەي حالقىنىڭ اسسامبلەياسى» بۇكىلرەسەيلىك قوعامدىق-مەملەكەتتىك ۇيىمىن قۇرۋ ورىندى دەپ سانالسىن»، - دەلىنگەن جارلىقتا.

ۇيىم «مەملەكەتتىك ۇلتتىق ساياساتتى جەتىلدىرۋ، بۇكىلرەسەيلىك ازاماتتىق بىرەگەيلىك پەن ۇلتارالىق كەلىسىمدى نىعايتۋعا جاردەمدەسۋ ماقساتىندا» قۇرىلدى.

اسسامبلەيانىڭ قۇرىلتايشىسى ۇلتتار ىستەرى جونىندەگى فەدەرالدىق اگەنتتىك بولىپ بەلگىلەندى. ۇيىم قىزمەتىنىڭ نەگىزگى باعىتتارى رەسەي فەدەراتسياسىنىڭ 2025 جىلعا دەيىنگى كەزەڭگە ارنالعان مەملەكەتتىك ۇلتتىق ساياساتىنىڭ ستراتەگياسىن ىسكە اسىرۋعا قاتىسۋ، رەسەي حالىقتارىنىڭ ەتنومادەني جانە تىلدىك ارتۇرلىلىگىن ساقتاۋ، بايىرعى از حالىقتاردىڭ قۇقىقتارىن ساقتاۋعا جاردەمدەسۋ، شەتەلدە تۇراتىن وتانداستارعا قولداۋ كورسەتۋگە قاتىسۋ جانە ت. ب. بولادى.

دەرەككوز: قازاقپارات

Abai.kz