قازاقستان قىرعىزستانعا كوروناۆيرۋس ىندەتىمەن كۇرەسكە دەپ گۋمانيتارلىق كومەك جىبەردى. بۇل تۋرالى قر يندۋستريا جانە ينفراقۇرىلىمدىق دامۋ مينيسترلىگى حابارلادى.

«قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ تاپسىرماسىنا جانە قازاقستان رەسپۋبليكاسى ۇكىمەتىنىڭ 2020 جىلعى 13 قاراشاداعى № 763 قاۋلىسىنا سايكەس قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ مينيسترلىگى 2020 جىلعى 23 قاراشادا قىرعىز رەسپۋبليكاسىنا اۋىر جۇك كولىگىمەن «كوكشەتاۋ-4پ» وكپەنى جاساندى جەلدەتۋ ءموبيلدى اپپاراتتارىنىڭ 400 داناسىن جانە قازاقستان كاسىپورىنداردا وندىرىلگەن 2 ملن. مەديتسينالىق بەتپەردە جىبەردى»،- دەلىنگەن حابارلامادا.

جىبەرىلگەن گۋمانيتارلىق جۇكتىڭ جالپى قۇنى 390 ملن. تەڭگەگە جۋىق، اتاپ ايتقاندا «تىنىس» اق شىعارعان «كوكشەتاۋ-4پ» ءوجج اپپاراتتارىنىڭ قۇنى 328 ملن. تەڭگە، «Dolce pharm» جشس جانە «Mega pharm» جشس شىعارعان مەديتسينالىق بەتپەردەلەر قۇنى - 61 ملن. تەڭگە.

Abai.kz