بۇل - ساياسي پليۋراليزم كورىنىسى
ماجىلىستە ارقاشان دا پىكىر الۋىنداعى بولۋ كەرەك. سەنات جوعارى زاڭ شىعارۋ ورگانىندا وڭىرلىك وكىلەتتىكتەردەن تۇرسا، ءماجىلىس ساياسي وكىلەتتىكتەردى كورسەتە ءبىلۋى ءتيىس. بۇگىنگى كۇنى ءماجىلىستى ءۇش پارتيادان قۇرۋ ارقىلى ءبىز ساياسي پليۋراليزمگە قول جەتكىزدىك دەپ ايتا الامىز. مەن حالىقتىڭ بارلىق توبىنىڭ، كوزقاراسىن وسى ءۇش پارتيا پالاتادا تولىعىمەن كورسەتە الادى دەپ ويلايمىن.
ايرىقشا اتاپ وتەتىن ماسەلە، الەمدە ەشقانداي ەلدە جوق، ەتنوستاردىڭ وكىلەتتىلىگىن قامتاماسىز ەتەتىن قازاقستان حالقى اسسامبلەياسىنىڭ دا ءوز دەپۋتاتتارى بار. ولار دا پىكىر الۋاندىعى قازانىنىڭ قايناي تۇسۋىنە، ءسويتىپ، ءتيىمدى شەشىم قابىلداۋعا قول جەتكىزۋگە ءوزىنىڭ ىقپالىن تيگىزەر دەگەن ءۇمىت بار.
ءوز باسىم پارلامەنتكە كوممۋنيستىك حالىق پارتياسىنىڭ وكىلدىگىنىڭ جەتكەنىنە دە قاناعاتپەن قارايمىن. ويتكەنى، ۇزاق جىلدار كوممۋنيست بولعان كوپتەگەن جاندار ومىردە ءوز كوزقاراستارىن وزگەرتە الماي قالدى. ولار ءومىردىڭ بۇگىنگى تالاپتارىنا، وزگەرىستەرىنە ءالى دە ۇركە قاراۋدا. بىراق ولاردى سونداي ەكەنسىڭدەر دەپ كوزگە ىلمەي تاستاۋعا بولمايدى. سوندىقتان ولاردىڭ مۇڭ-مۇقتاجىن پارلامەنت دەڭگەيىندە ايتاتىن پارتيانىڭ بولعانى - بۇل قوعام ءۇشىن وتە پايدالى دەپ ويلايمىن.

بۇل - ساياسي پليۋراليزم كورىنىسى
ماجىلىستە ارقاشان دا پىكىر الۋىنداعى بولۋ كەرەك. سەنات جوعارى زاڭ شىعارۋ ورگانىندا وڭىرلىك وكىلەتتىكتەردەن تۇرسا، ءماجىلىس ساياسي وكىلەتتىكتەردى كورسەتە ءبىلۋى ءتيىس. بۇگىنگى كۇنى ءماجىلىستى ءۇش پارتيادان قۇرۋ ارقىلى ءبىز ساياسي پليۋراليزمگە قول جەتكىزدىك دەپ ايتا الامىز. مەن حالىقتىڭ بارلىق توبىنىڭ، كوزقاراسىن وسى ءۇش پارتيا پالاتادا تولىعىمەن كورسەتە الادى دەپ ويلايمىن.
ايرىقشا اتاپ وتەتىن ماسەلە، الەمدە ەشقانداي ەلدە جوق، ەتنوستاردىڭ وكىلەتتىلىگىن قامتاماسىز ەتەتىن قازاقستان حالقى اسسامبلەياسىنىڭ دا ءوز دەپۋتاتتارى بار. ولار دا پىكىر الۋاندىعى قازانىنىڭ قايناي تۇسۋىنە، ءسويتىپ، ءتيىمدى شەشىم قابىلداۋعا قول جەتكىزۋگە ءوزىنىڭ ىقپالىن تيگىزەر دەگەن ءۇمىت بار.
ءوز باسىم پارلامەنتكە كوممۋنيستىك حالىق پارتياسىنىڭ وكىلدىگىنىڭ جەتكەنىنە دە قاناعاتپەن قارايمىن. ويتكەنى، ۇزاق جىلدار كوممۋنيست بولعان كوپتەگەن جاندار ومىردە ءوز كوزقاراستارىن وزگەرتە الماي قالدى. ولار ءومىردىڭ بۇگىنگى تالاپتارىنا، وزگەرىستەرىنە ءالى دە ۇركە قاراۋدا. بىراق ولاردى سونداي ەكەنسىڭدەر دەپ كوزگە ىلمەي تاستاۋعا بولمايدى. سوندىقتان ولاردىڭ مۇڭ-مۇقتاجىن پارلامەنت دەڭگەيىندە ايتاتىن پارتيانىڭ بولعانى - بۇل قوعام ءۇشىن وتە پايدالى دەپ ويلايمىن.
ال «اق جول» پارتياسى جاڭا زاماننىڭ جارشىسىنداي، ۇنەمى الدى شالىپ وتىراتىن ساياسي ۇستانىم دەپ ايتار ەدىم. اسىرەسە، كاسىپكەرلىكتى دامىتۋ، ونى بارىنشا جەتىلدىرۋ مىندەتىن العا قويىپ وتىرعان بۇگىنگى كۇنى وسى پارتيانىڭ پارلامەنت قابىرعاسىندا ءوز پىكىرلەرىن ءبىلدىرۋى وتە پايدالى بولادى.
سەرىك اقىلباي، سەنات دەپۋتاتى،  «نۇر وتان» حدپ مۇشەسى.
_______________________________________
ماقساتىم - حالىققا ادال قىزمەت ەتۋ
پارتيا باعدارلاماسى قوعامنىڭ بارلىق سالاسىن قامتيدى. سوندىقتان پارتيالىق تىزىممەن دەپۋتات اتانعان كوممۋنيستەر ءماجىلىستىڭ بارلىق جەتى تۇراقتى كوميتەتىنە ءبولىندى. مەن ءوزىم الەۋمەتتىك-مادەني دامۋ كوميتەتىنە بارعاندى ءجون كوردىم.
ال مىنا كەۋدەمدەگى دەپۋتات توسبەلگىسىن تاعۋ مەن ءۇشىن ۇلكەن ابىروي. حالىق الدىنداعى جاۋاپكەرشىلىكتىڭ وسكەنى. ال قىزىل توسبەلگىم وزىمدە قالادى. مىنا توسبەلگى جۇرەكتىڭ ۇستىندە، ال وزىمدىكى جۇرەگىمنىڭ ىشىندە. ەندى وسى جاۋاپكەرشىلىكتى قالاي ابىرويمەن اتقارۋ ماسەلەسىن ويلاۋدامىن.
پرەزيدەنت الدىندا حالقىمىزعا ادال قىزمەت ەتۋ بويىنشا انت قابىلدادىق. سوندىقتان دا ەڭ الدىمەن پارلامەنتتەگى كىشى توپتاردىڭ مارتەبەسى جايلى ماسەلە كوتەرمەكپىن. ەگەر دە زاڭ قابىلدانار كەزدە باسىم كوپشىلىكپەن الىپ كەتىپ وتىرسا، وندا ءبىزدىڭ ەسكەرتپەلەرىمىز نازاردان تىس قالىپ قويۋى ىقتيمال. سوندىقتان ەڭ ءبىرىنشى وسى ماسەلەمەن اينالىساتىن بولامىز.
جامبىل احمەتبەكوۆ، ماجىلىستەگى قكحپ فراكتسياسى جەتەكشىسىنىڭ ورىنباسارى.
__________________________________
پارلامەنتتەگى ورىن ومىرلىك ەمەس
جاقىن ۋاقىتتا الەمدىك ەكونوميكالىق داعدارىستىڭ كەزەكتى تولقىنى كۇتىلىپ وتىرعانى بەلگىلى. ونى، ءتىپتى، قازاقستان الداعى ەكى-ءۇش ايدا سەزىنۋى مۇمكىن. ءدال وسى سەبەپتى وتكەن شاقىرىلىمداعى پارلامەنت ءماجىلىسى دەپۋتاتتاردىڭ ءوز باستاماسىمەن تاراتىلعان بولاتىن. ءبىزدىڭ پارتيانىڭ ورتالىق كەڭەسى پارلامەنتتە وتاندىق ەكونوميكا مەن كاسىپ-ورىنداردى قورعاۋدىڭ ناقتى ءىس-شارالارىن كاسىبي تۇردە جاساي الاتىن ادامداردى تاڭدا-دى. ولار، شاعىن جانە ورتا بيزنەستى قوسا العاندا، وندىرىسشىلەر، ەكونوميستەر، بيزنەستەگى كومپانيا باسشىلارى. تۇيىندەي ايتقاندا، «اق جول» پارتياسىنىڭ ورتالىق كەڭەسى دەپۋتاتتاردى ۋاقىت تالابىنا ساي تاڭدادى.
الايدا، پارلامەنتتەگى ورىن بىرەۋلەر ءۇشىن «ءومىر باقي» بەكىتىلىپ قويىلعان دەپ ويلاۋعا بولمايدى. «اق جول» پارتياسى دا پارلامەنتتەگى وكىلدەرىن زاڭمەن بەلگىلەنگەن ءتارتىپ بويىنشا انىقتايدى. ەكونوميكالىق داعدارىس قاۋپى سەيىلىپ، ءبىرىنشى كەزەككە الەۋمەتتىك، ۇلتتىق وي-سانا، مادەنيەت پەن ءتىل ماسەلەلەرى شىعىپ جاتسا، ءبىز بۇل ماسەلەگە قايتا ورالامىز. بۇل مەنىڭ ۇسىنىسىم بولاتىن جانە ورتالىق كەڭەس ەكى ساعاتتىق تالقىلاۋ مەن پىكىرتالاستان سوڭ باسىم داۋىسپەن وسى ۇستانىمدى قولدادى.
«الاش» پارتياسىنىڭ يدەيالارى - ليبەراليزم، دەموكراتيا، جەكە ادامنىڭ قۇقىقتارى مەن بوستاندىقتارى، ەتنوستار مەن دىندەردىڭ تەڭدىگى - «اق جول» پارتياسىنىڭ باسىم باعىتى بولىپ قالا بەرەدى. مۇنى ءبىز پارتيانىڭ سايلاۋالدى تۇعىرناماسىندا دا، ناقتى ءىس-شارالارمەن دە كورسەتىپ كەلەمىز.
ءبىزدىڭ پارتيا مەملەكەتتىك ءتىلدىڭ مارتەبەسىن كوتەرۋگە ءاردايىم باسا نازار اۋدارىپ كەلەدى، الداعى ۋاقىتتا دا وسىلاي بولماق. وسى تۇرعىدا پارتيا بىرقاتار قادامدار جاساپ تا جاتىر. مىسالى، جاقىن ارادا «اق جول» پارتياسىنىڭ بولىمشەلەرى ءار قالادا ۇلكەندەر ءۇشىن قازاق ءتىلىن ۇيرەتەتىن تەگىن جەكسەنبىلىك مەكتەپتەر اشاتىن بولادى. سونىمەن قوسا، «اق جول» ۇلتارالىق، ناسىلدىك جانە ءدىني ارازدىقتى قوزدىرۋعا باعىتتالعان ۇلتشىلدىققا، ەكسترەميزم مەن لاڭكەستىككە ءۇزىلدى-كەسىلدى قارسى. دەپۋتاتتىق ورىنعا يە بولعان ءبىزدىڭ بارلىق وكىلدەرىمىز ۇلتتىق دامۋ يدەياسىنىڭ جاقتاستارى جانە ءوز حالقىنىڭ پاتريوتتارى. ءبىزدىڭ پارتيا ساياساتكەرلەردىڭ جاڭا بۋىنىنا ارقا سۇيەيدى. ولاردىڭ ءبارى جاستار جانە كوپ ۇزاماي ولار ءوز الەۋەتىن دالەلدەيتىن بولادى.
ازات پەرۋاشەۆ، ءماجىلىس دەپۋتاتى، «اق جول» پارتياسىنىڭ توراعاسى.
«ەگەمەن قازاقستان» گازەتى