سەنات دەپۋتاتتارى «اكiمشiلiك-اۋماقتىق قۇرىلىسى تۋرالى» زاڭعا وزگەرىستەر مەن تولىقتىرۋلار ەنگىزۋدى كوزدەيتىن زاڭ جوباسىy قابىلدادى. سونىڭ اياسىندا پرەزيدەنتكە قوسىمشا وكىلەتتىلىك بەرۋ قاراستىرىلعان، دەپ حابارلايدى Sputnik قازاقستان.

سالالىق كوميتەتتىڭ وكىلدەرى اكiمشiلiك-اۋماقتىق قۇرىلىسى سالاسىنداعى زاڭناماسىن جەتىلدىرۋ زاڭ جوباسىنىڭ نەگىزگى ماقساتى ەرەكشە اتاپ ءوتتى. وسىعان بايلانىستى بىرقاتار تۇزەتۋلەر ەنگىزىلىپ وتىر.

ولار:

قالاداعى اۋدانداردى ەلدى مەكەندەردىڭ قۇرامدىق بولىكتەرىنە جاتقىزۋ;

وبلىستىق ماڭىزى بار قالاداعى، رەسپۋبليكالىق ماڭىزى بار قالاداعى، استاناداعى حالىق سانى 400 مىڭ ادامنان استام بولعان كەزدە، ولاردا اۋدان قۇرۋ;

اۋداندىق ماڭىزى بار قالانىڭ، كەنتتىڭ جانە اۋىلدىڭ ولشەمشارتتارىن ناقتىلاۋ;

پرەزيدەنتكە ۇكىمەتتىڭ ۇسىنۋى بويىنشا جانە جەرگىلىكتى وكىلدى جانە اتقارۋشى ورگانداردىڭ پىكىرىن ەسكەرە وتىرىپ، رەسپۋبليكالىق، وبلىستىق جانە اۋداندىق ماڭىزى بار قالالاردى وزگە ەلدى مەكەندەر ەتىپ قايتا قۇرۋ تۋرالى شەشىم قابىلداۋ بويىنشا وكىلەتتىك بەرۋ;

ۇكىمەتكە قازاقستان پرەزيدەنتىنە رەسپۋبليكالىق، وبلىستىق جانە اۋداندىق ماڭىزى بار قالالاردى وزگە ەلدى مەكەندەر ەتىپ قايتا قۇرۋ تۋرالى ۇسىنۋ ەنگىزۋ بويىنشا جاڭا قۇزىرەت بەرۋ;

وبلىستىق وكىلدى جانە اتقارۋشى ورگاندارعا قازاقستان رەسپۋبليكاسىنىڭ ۇكىمەتىنە وبلىستىق جانە اۋداندىق ماڭىزى بار قالالاردى وزگە ەلدى مەكەندەر ەتىپ قايتا قۇرۋ تۋرالى ۇسىنىس ەنگىزۋ بويىنشا جاڭا وكىلەتتىك بەرۋ;

اۋداندىق ماڭىزى بار قالا اكىمىنە اۋداندىق وكىلدى جانە اتقارۋشى ورگاندارعا اۋداندىق ماڭىزى بار قالانى كەنت، اۋىل ساناتىنا جاتقىزۋ تۋرالى ۇسىنىس ەنگىزۋ بويىنشا وكىلەتتىك بەرۋ.

سەناتور نۇرلان بەكنازاروۆتىڭ ايتۋىنشا، قولدانىستاعى زاڭدا اۋداندىق ماڭىزى بار قالالارعا حالىق سانى 10 مىڭ ادامنان كەم ەمەس ەلدى مەكەندەر جاتادى. الايدا بۇگىندە 48 اۋداندىق ماڭىزى بار قالانىڭ 13-ءى حالىقتىڭ سانى بويىنشا قالا مارتەبەسىنە سايكەس كەلمەيدى، ياعني وسى اۋداندىق ماڭىزى بار قالالاردا تۇرعىندار سانىنىڭ ازدىعىنا بايلانىستى ولاردىڭ مارتەبەسىن وزگەرتۋ قاجەت.

«الايدا قولدانىستاعى زاڭنامادا اۋداندىق ماڭىزى بار قالانىڭ مارتەبەسىن اۋىل ساناتىنا وزگەرتۋ جونىندە نورما قاراستىرىلماعان. سوندىقتان وسى زاڭ جوباسىندا اۋداندىق ماڭىزى بار قالالاردى وزگە ەلدى مەكەندەرگە قايتا قۇرۋ جونىندەگى قۇزىرەتتى ايقىندايتىن تۇزەتۋلەر ەنگىزىلىپ وتىر»،- دەدى بەكنازاروۆ سەناتتىڭ جالپى وتىرىسىندا.

تۇزەتۋ ەنگىزۋدىڭ تاعى ءبىر ۇتىمدى تۇسى، قالا مارتەبەسى اۋىلدىق ەلدى مەكەنگە وزگەرگەن جاعدايدا سوندا تۇراتىن ازاماتتار اۋىل تۇرعىندارى مەملەكەتتىك الەۋمەتتىك قولداۋ شارالارىنا قاتىسا الادى.

مىسالى، دەنساۋلىق ساقتاۋ، ءبىلىم بەرۋ، سپورت، مادەنيەت، الەۋمەتتىك قامسىزداندىرۋ سالالارىنىڭ قىزمەتكەرلەرىنىڭ جالاقىسىنا جەرگىلىكتى وكىلدى ورگانداردىڭ شەشىمدەرى بويىنشا 25 پروتسەنتتەن كەم ەمەس ۇستەماقى قوسىلادى.

«وعان قوسا، تۇرعىندار كوممۋنالدىق تولەمدەرگە، قىزمەتتىك تۇرعىن ۇيگە، «ديپلوممەن اۋىلعا» مەن «ەڭبەك» باعدارلاماسى بويىنشا كاسىپتىك ءبىلىم الۋ مەن اۋىلدىق جەردە كاسىپكەرلىكتى قولداۋعا، دامىتۋعا قاتىستى بىرقاتار جەڭىلدىكتەردى پايدالانا الادى»، - دەپ اتاپ كورسەتتى سەناتور.

Abai.kz