سايلاۋ دوداسى قىزىپ تۇرعان شاقتا «نۇر وتان» حالىقتىق دەموكراتيالىق پارتياسى توڭىرەگىندەگى وسەكتەر ورتتەي قاۋلادى.

- «نۇر وتان» باسقا پارتيالاردىڭ  ءبارىن كومەسكىدە وزىنە قوسىپ الىپ، كورنەۋدە دەموكراتيانى جارنامالاعان بولادى!
-  «نۇر وتان» بارلىق وقۋ ورىندارى مەن جۇمىسشى-اسكەرلەر توپتاسقان وڭىرلەردىڭ بارىندەگى سايلاۋشىلاردى ءوز پارتياسىنا داۋىس بەرۋگە كوندىرىپ جاتىر!
- «رۋحانيات» پارتياسىنىڭ توراعاسى سەرىكجان مامبەتالين «نۇر وتاننىڭ» ۇسىنىسىن قابىلداماعانى ءۇشىن پارتياسىنان ايرىلىپ قانا قويماي شەتەلگە قاشۋعا ءماجبۇر بولىپتى!

قايسىسى شىن، قايسىسى وتىرىك وسىنداي وسەك-اياڭ ءورشىپ تۇرعان كەزدە ازدا بولسا ءىستىڭ انىق-قانىعىن بىلمەك نيەتپەن ءبىراز كىسىلەرگە جولىعۋىمىزعا دا تۋرا كەلدى.
ءوزىن استانا قالاسىنىڭ ورتالىعىنداعى ءمالىم مەكتەپتىڭ وقىتۋشىسى دەپ تانىستىرعان جاس جىگىت مەكتەپ ديرەكتورىنىڭ تاپسىرماسىمەن ءار ءبىر مۇعالىمنىڭ «نۇر وتانعا» داۋىس بەرىپ، ءۇش بيۋللەتەن تاستاعانىن ايتتى.
ال سايلاۋ كوميسسياسىن قاداعالاۋشىلاردىڭ اراسىندا بولعاندار سايلاۋ كۇنى كەشكى ۇزىلىسكە تاياعاندا ۋچاسكىدەگى «نۇروتانشىل» بەلسەندىلەردىڭ اسا قاربالاستىققا تۇسكەنىن بايقاپ، بىرەۋىن ۇستاي العاندا قوينىنان ون بەس  بيۋللەتەننىڭ ساۋ ەتىپ تۇسكەنىن اڭىس ەتتى. وكىنىشتىسى سول - الگىنى  كوميسسياداعىلارعا سۇيرەپ اپارعان  ەكەن، ونداعى جاۋاپتى قىزمەتكەر ۇستاپ الۋشىنى كىنالاپ: «قوينىنا وزدەرىڭ سالىپ جىبەرىپ، جالا جاۋىپ تۇرسىڭدار!» - دەگەن كورىنەدى.

سايلاۋ دوداسى قىزىپ تۇرعان شاقتا «نۇر وتان» حالىقتىق دەموكراتيالىق پارتياسى توڭىرەگىندەگى وسەكتەر ورتتەي قاۋلادى.

- «نۇر وتان» باسقا پارتيالاردىڭ  ءبارىن كومەسكىدە وزىنە قوسىپ الىپ، كورنەۋدە دەموكراتيانى جارنامالاعان بولادى!
-  «نۇر وتان» بارلىق وقۋ ورىندارى مەن جۇمىسشى-اسكەرلەر توپتاسقان وڭىرلەردىڭ بارىندەگى سايلاۋشىلاردى ءوز پارتياسىنا داۋىس بەرۋگە كوندىرىپ جاتىر!
- «رۋحانيات» پارتياسىنىڭ توراعاسى سەرىكجان مامبەتالين «نۇر وتاننىڭ» ۇسىنىسىن قابىلداماعانى ءۇشىن پارتياسىنان ايرىلىپ قانا قويماي شەتەلگە قاشۋعا ءماجبۇر بولىپتى!

قايسىسى شىن، قايسىسى وتىرىك وسىنداي وسەك-اياڭ ءورشىپ تۇرعان كەزدە ازدا بولسا ءىستىڭ انىق-قانىعىن بىلمەك نيەتپەن ءبىراز كىسىلەرگە جولىعۋىمىزعا دا تۋرا كەلدى.
ءوزىن استانا قالاسىنىڭ ورتالىعىنداعى ءمالىم مەكتەپتىڭ وقىتۋشىسى دەپ تانىستىرعان جاس جىگىت مەكتەپ ديرەكتورىنىڭ تاپسىرماسىمەن ءار ءبىر مۇعالىمنىڭ «نۇر وتانعا» داۋىس بەرىپ، ءۇش بيۋللەتەن تاستاعانىن ايتتى.
ال سايلاۋ كوميسسياسىن قاداعالاۋشىلاردىڭ اراسىندا بولعاندار سايلاۋ كۇنى كەشكى ۇزىلىسكە تاياعاندا ۋچاسكىدەگى «نۇروتانشىل» بەلسەندىلەردىڭ اسا قاربالاستىققا تۇسكەنىن بايقاپ، بىرەۋىن ۇستاي العاندا قوينىنان ون بەس  بيۋللەتەننىڭ ساۋ ەتىپ تۇسكەنىن اڭىس ەتتى. وكىنىشتىسى سول - الگىنى  كوميسسياداعىلارعا سۇيرەپ اپارعان  ەكەن، ونداعى جاۋاپتى قىزمەتكەر ۇستاپ الۋشىنى كىنالاپ: «قوينىنا وزدەرىڭ سالىپ جىبەرىپ، جالا جاۋىپ تۇرسىڭدار!» - دەگەن كورىنەدى.
وسىنداي وقيعالاردى كوزىڭمەن كورىپ، ەت قۇلاعىڭمەن ەستىگەسىن ماناعى وسەكتەردى وي سارابىڭا سالىپ ۇزاق تولعانادى ەكەنسىڭ.
الداعان كىم، الدانعان كىم؟
ەندى ەسىڭە ەلباسىنىڭ وتكەن جىلدىڭ 22 جەلتوقسانىندا جاڭاوزەندە بولعاندا: «مەنى مىنالار الداپ كەلىپتى!» دەپ ءبىراز شەنەۋنىكتى ورىنتاعىنان ايىرعانى ورالادى. «راس-اۋ، اللانى الداعان، ەلباسىن الداعان سۇمداردىڭ ارامىزدا سونشا كوپ بولعانى ما؟» دەگەن ۇرەي بويىڭدى بيلەيدى. اينالاڭا، بيلىك تىزگىنىن ۇستاۋشىلارعا كۇدىكپەن قارايسىڭ. «ەلباسىن بۇلايشا الداعان الاياقتار حالىقتى قاقپاقىلشا قاعىپ ويناپ جۇرگەن جوق پا؟» دەپ «نۇر وتان» توڭىرەگىندەگى وسەكتەرگە قايتا قايىرىلاسىڭ.  
«نۇر وتان» حالىقتىق دەموكراتيالىق پارتياسىنىڭ ەل ىشىندەگى اتاق-ابىرويى مەن بەت-بەدەلى ونسىزدا تومەن ەمەس ەدى. پارتيالار ارا باسەكەلەردە دە باسىمدىلىق تانىتقانىن بارشامىز بىلەمىز. ولاي بولسا پارتيانىڭ سايلاۋ دوداسىنداعى جەڭىسىنەن گورى ونىڭ اسىرا سىلتەۋشىلىك قاسيەتىن دالەلدەگىسى كەلگەن الدەكىمدەر پارتيا تونىن جامىلىپ، ونىڭ ابىرويىن ايرانداي توگىپ جۇرگەن جوق پا دەگەن كۇنالى ويعا كەتكەنىڭدى اڭعارماي وزىڭنەن ءوزىڭ قورقاسىڭ. ەگەر ءدال وسىلاي بولاتىن بولسا، حالىقتىڭ اتالعان پارتياعا سەنىمى كەتۋمەن بىرگە ەلباسىنىڭ بەت-بەدەلىنە دە كىر كەلەدى. بيلىك پەن حالىقتىڭ اراسى كۇن سايىن الشاقتاپ، ەل تۇراقسىزدىعى قالىپتاسادى.
كەشەگى كەڭەستىك داۋىردەگى، بۇگىنگى قىتاي ەلىندەگى مەملەكەتتىڭ تىرەكتى كۇشى بولعان كوممۋنيستىك پارتيانىڭ وڭ جانە تەرىس باعىتتارىن ەسكە العاندا ولاردا ءار كەزەڭدەردە ءوز ىشىنەن وپاسىزدار تاۋىپ، ايىپتىلاردىڭ لايىقتى جازاسىن بەرىپ وتىرعان. سول ارقىلى پارتيا ءبىر جاعى ومىرشەڭدىگىن ساقتاسا، ەكىنشى جاقتان حالىقتىڭ مۇددەسىن قورعاپ، ءوز سەنىمدىلىكتەرىن دە بەكەمدەپ كەلگەن. ەندەشە، ەل تىرەگى، جەردىڭ بولاشاق قورعانىشى بولاتىن «نۇر وتاننىڭ» تازالىعى - مەملەكەت قاۋىپسىزدىگى مەن بولاشاعىمىز ءۇشىن جاي قاراۋعا بولمايتىن اسا ماڭىزدى ماسەلە ەكەنى ايدان انىق. ەلباسىنىڭ پارتيا توراعاسى بولعان لاۋازىمىن پايدالانىپ، شىن مانىندە حالىققا ويىنا كەلگەنىن ىستەپ جۇرگەن وپاسىزدار ءسوز باسىنداعى وسەكتەرگە مۇرىندىق بولۋى ابدەن مۇمكىن عوي.
«نۇر وتان» پارتياسى حالىقتىڭ كوكەيىنە قوناقتاعان كولەڭكە ويلاردى تازارتقىسى كەلسە، ارينە، ءوز قوسىنىنىڭ تازالىعىن باستى ورىنعا قويعانى دۇرىس بولار ەدى. 
«اباي-اقپارات»