امەريكا مەن انگليانىڭ جۇزدەگەن قالامگەرلەرى قاتىسقان «جازۋشىلار وزدەرىنىڭ ەڭ سۇيىكتى كىتاپتارىن تاڭدايدى» اتتى الەمەتتىك ساراپتامالىق زەرتتەۋدىڭ ناتيجەلەرى جاريالاندى.
اتى الەمگە ايگىلى نورمان مەيلەر (Norman Mailer), ستيۆەن كينگ (Stephen King), ەنن پاتچەتت (Ann Patchett), دجوناتان فرانزەن (Jonathan Franzen), دجويس كەرول وۋتس (Joyce Carol Oates) سىندى قالام يەلەرى قاتىسقان بۇل زەرتتەۋدىڭ ناتيجەسى بويىنشا XIX عاسىردىڭ ەڭ باستى كىتابى رەتىندە لەۆ تولستويدىڭ «اننا كارەنينا» رومانى اتالسا، XX عاسىردىڭ ەڭ وزىق تۋىندىسى لاۋازىمىن ۆلاديمير نابوكوۆتىڭ «لوليتاسى» يەلەندى.
ءاربىر جازۋشىعا ءوز تاڭداۋى بويىنشا الەم ادەبيەتىندەگى ەڭ وزىق ون تۋىندى مەن ون جازۋشىنى اتاۋ ۇسىنىلعان. وسىنىڭ ناتيجەسىندە ورتاق تىزىمگە 544 تۋىندى مەن جۇزدەگەن اۆتوردىڭ ەسىمى ەندى. زەرتتەۋدى جۇرگىزۋشىلەر سولاردىڭ ىشىنەن ەڭ كوپ داۋىس جيناعان اۆتورلار مەن تۋىندىلاردى تاڭداپ، ولاردى ءۇش توپقا ءبولىپتى.

حIح عاسىردىڭ ەڭ ۇلى 10 ادەبي تۋىندىسى

1.  «اننا كارەنينا» - لەۆ تولستوي;
2. «مادام بوۆاري» - گيۋستاۆ فلوبەر;
3. «سوعىس پەن بەيبىتشىلىك» - لەۆ تولستوي;
4. «گەكلبەرري ءفيننىڭ حيكايالارى» - مارك تۆەن;
5.  انتونا چەحوۆتىڭ اڭگىمەلەرى;
6. «ميددلمارچ» - دجوردج ەليوت;
7. «موبي ديك» - گەرمان مەلۆيلل;
8. «ۇلكەن ۇمىتتەر» - چارلز ديككەنس;
9. «قىلمىس پەن جازا» - فەدور دوستوەۆسكي;
10. «ەمما» - دجەين وستين.

حح عاسىردىڭ ەڭ ۇلى 10 ادەبي تۋىندىسى

1. «لوليتا» - ۆلاديمير نابوكوۆ;
2. «ۇلى  گەتسبي» - فرەنسيس سكوتت فيتسدجەرالد;
3. «جوعالعان ۋاقىتتى ىزدەۋ» - مارسەل پرۋست;
4. «ۋليسس» - دجەيمس دجويس;
5. «دۋبليندىكتەر» - دجەيمس دجويس;
6. «ءجۇز جىلدىق جاڭعىزدىق» - گابريەل گارسيا ماركەس;
7. «شۋ مەن قاھار» - ۋيليام فولكنەر;
8. «شامشىراققا» - ۆيردجينيا ۆۋلف;
9. «تولىق شىعارمالار جيناعى» - فلاننەري و'كوننور;
10. «وشكەن الاۋ» - ۆلاديمير نابوكوۆ.

الەمدەگى 10 ۇلى جازۋشى
(جيناعان ۇپايلارى بويىنشا)

1. لەۆ تولستوي (327);
2. ۋيليام شەكسپير (293);
3. دجەيمس دجويس (194);
4. ۆلاديمير نابوكوۆ (190);
5. فەدور دوستوەۆسكي (177);
6. ۋيليام فولكنەر (173);
7. چارلز ديككەنس (168);
8. انتون چەحوۆ (165);
9. گيۋستاۆ فلوبەر (163);
10. دجەين وستين (161).

اقپارات كوزى: «نوۆوستي ليتەراتۋرى»
«اباي-اقپارات»