ينتەرنەتتە "قوناەۆ بيلىكتە بولعان كەزدە 700 مەكتەپ جابىلدى" دەگەن قيسىنسىز اڭگىمە تاراپ ءجۇر. ول اڭگىمەنىڭ توركىنى مىنانداي: 1960 جىلداردا شارۋاشىلىقتاردى ىرىلەندىرۋ ءجۇرىپ جاتتى. ول كەزدە 15-20 ءتۇتىن تۇراتىن اۋىلداردا باستاۋىش قانا مەكتەپ بولاتىن. ونىڭ كوبى قۇلايىن دەپ تۇرعان ەسكى تامداردا ورنالاسقان. ءبىر مۇعالىم 1-3 سىنىپتاردى پارالەلل تۇسكە دەيىن، 2-4 سىنىپتاردى پارالەل تۇستەن كەيىن وقىتاتىن جاعدايلار ءجيى بولاتىن. بالالاردى ارى قاراي وقىتۋ ۇلكەن پروبلەما تۋىنداتتى.

شارۋاشىلىقتاردى ىرىلەندىرۋ كەزىندە ۇساق اۋىلداردىڭ تۇرعىندارى سوۆحوزدىڭ نەمەسە كولحوزدىڭ ورتالىق ۋسادباسىنا شوعىرلاندىرىلدى دا وندا تيپتىك جوبامەن ۇلكەن ونجىلدىق مەكتەپتەر، اسفالت جولدار سالۋعا، سۋ قۇبىرلارىن تارتۋعا مۇمكىندىك تۋدى. 10-20 ءتۇتىن تۇراتىن ۇساق اۋىلداردا مۇنداي تيپتىك مەكتەپتەر، جول سالۋ مۇمكىن ەمەس بولاتىن. شارۋاشىلىقتاردى ءسويتىپ ىرىلەندىرۋ كەزىندە ۇساق اۋىلدارداعى مەكتەپتەر جابىلدى.

حالىقتىڭ جاعدايىن، تۇرمىسىن كوتەرۋگە باعىتتالعان جۇمىستاردان قازاق مەكتەبىنە قاتىستى ساياسي استار ىزدەمەي-اق قويالىق. قوناەۆ ول مەكتەپتەردى قازاق مەكتەبى بولعاندىقتان ادەيى جاپقان جوق. ول قاجەتتىلىكتەن تۋدى!

ەسەسىنە شارۋاشىلىق ورتالىقتارىندا ءۇش جۇزگە جۋىق جاڭا تيپتىك مەكتەپتەر سالىندى!

مارات ءبايدىلداۇلىنىڭ جازباسى

Abai.kz