قازاق «ەلگە ەل قوسىلسا قۇت» دەيدى. ەگەمەندىك العاننان بەرى الەمنىڭ قىرىقتان استام ەلىنەن  بىتىراپ تاراپ كەتكەن قانداستارىمىز اتا جۇرتىنا ورالىپ جاتىر. سىرت كوزگە شەتتەن كەلگەن قازاقتاردىڭ ەشقانداي پروبلەماسى جوق بولىپ كورىنگەنىمەن، وكىنىشكە قاراي، كوشى-قون ساياساتىندا شەشىلمەگەن تۇيتكىلدەر ءالى دە كوپ.

بىرىنشىدەن – قانداستارىمىز قازاقستان ازاماتتىعىن ەش كەدەرگىسىز الۋ ءۇشىن مىقتى زاڭدىق بازا كەرەك. بۇل تۇرعىدا ازاماتتىق تۋرالى زاڭ سان قۇبىلدى. ءبىزدىڭ بيلىك بىرەسە ولاردى دەموگرافيامىزدىڭ التىن ارقاۋى ساناپ، كوشى-قون ساياساتىن رەتتەۋگە ۇمتىلادى، بىرەسە ولاردى الەۋمەتتىك قاۋىپ كورىپ، قولدانىستاعى ءتاپ-ءتاۋىر زاڭداردى وزگەرتىپ، ولاردىڭ ازاماتتىق الۋىنا كەدەرگى كەلتىرەدى.

قازىر قانداستارىمىزدىڭ ازاماتتىق الۋى ءبىرشاما رەتتەلدى دەسەك تە، ءدال 2002 جىلعى زاڭدىق بازا بۇدان الدەقايدا جاقسى ەدى. قازىر ازاماتتىق الۋ ءۇشىن ەڭ اۋەلى تۇراقتى تىركەۋگە تۇرىپ، ىقتيار حاتتى راسىمدەۋ كەرەك. بۇرىن تۇراقتى تىركەۋگە تۇرسا بولدى، ەكى ءۇش ايدىڭ ىشىندە-اق قازاقستان ازاماتى بولىپ شىعاتىن.

ەكىنشىدەن، شەتەلدەن كەلگەندەر قازاق ەكەندىگىن دالەلدەۋى ءتيىس. بۇل تالاپ بۇرىننان دا بار بولعانىمەن، سىرتقى ىستەر مينيسترلىگىنىڭ №791 قاۋلىسى بار ەدى. ول قاۋلى بويىنشا قازاقستاننىڭ شەتتەگى ۆەدومستۆولارى ارقىلى شەتەلدەگى قازاقتار قازاقستان كۋالىگىنە قول جەتكىزدى. سونىڭ ارقاسىندا شەتەلدەن كەلگەن قانداستارىمىز كوپتەگەن جەڭىلدىكتەرگە يە بولدى، ەڭ باستىسى قازاق ەكەنىن دالەلدەۋدىڭ قاجەتى جوق بولاتىن.

قازىر كوپ ەلدىڭ تولقۇجاتىندا ازاماتتارىنىڭ ەتنيكالىق تەگى جازىلمايدى، سونى بىلە تۇرا شەتەلدەگى ەلشىلىكتەرىمىز ولاردىڭ قازاق ەكەنىن دالەلدەيتىن انىقتامانى بەرگىسى جوق. وسى قولدان جاسالعان كەدەرگى كوپ قازاقتىڭ قازاق ەكەنىن دالەلدەي الماي جۇرۋىنە سەبەپ. شەتتەگى قازاق مادەني ورتالىقتارى ارقىلى قانداستارىمىزدىڭ قازاق ەكەنىن دالەلدەۋگە مۇمكىندىك بەرۋ كەرەك.

«اۋىل» پارتياسى وتانداستارىن قورعاۋدى ءوز ميسسياسى دەپ سانايدى. ءبىز قونىس اۋدارۋشىلاردىڭ بارلىق پروبلەماسىن جان-جاقتى شەشەتىن ينتەگراتسيالاۋ باعدارلاماسىن ازىرلەۋدى ۇسىنامىز.

«ءار قازاق مەنىڭ جالعىزىم»، سابىر ادايدىڭ وسى ءبىر ءسوزىن ۇران قىلىپ، شەتتەگى ءاربىر قازاقتىڭ اتامەكەنىنە ورالۋىنا جاعداي جاساۋ – ءبىزدىڭ قاسيەتتى بورىشىمىز. تاريحي وتانىنا ورالعان ءار قازاق قانداستار ماسەلەسىنە سايلاۋالدى باعدارلاماسىنىڭ ورتاسىنان ويىپ تۇرىپ ورىن بەرگەن «اۋىل» پارتياسىنا داۋىس بەرەدى دەگەن سەنىمدەمىن.

داۋلەتكەرەي كاپۇلى,

قر پارلامەنت ءماجىلىسى دەپۋتاتتىعىنا «اۋىل» پارتياسىنان كانديدات، قر ەڭبەك سىڭىرگەن قايراتكەرى

ەسكەرتۋ. ماتەريال «اۋىل» پارتياسىنىڭ پارتياسى سايلاۋ قورىنىڭ قاراجاتىنان تولەندى.

Abai.kz