«Nur Otan» پارتياسىنىڭ توراعاسى
نۇرسۇلتان ءابىشۇلى نازارباەۆقا

اشىق حات

سولتۇستىك قازاقستان وبلىسىنىڭ اكىمى قۇمار اقساقالوۆ پەن ماناش قوزىباەۆ اتىنداعى سولتۇستىك قازاقستان ۋنيۆەرسيتەتى رەكتورىنىڭ مىندەتىن اتقارۋشى ەربول يساكاەۆ قونىس اۋدارۋشى رەتىندەگى قۇقىقتارىمدى ورەسكەل بۇزىپ وتىر!

«ەڭبەك» مەملەكەتتىك باعدارلاماسى بويىنشا قازاقستان رەسپۋبليكاسىنىڭ ۇكىمەتى ايقىنداعان وڭىرلەرگە ءوز ەركىمەن قونىس اۋدارۋشى رەتىندە 2020 جىلدىڭ ناۋرىز ايىنىڭ باس كەزىندە نۇر-سۇلتان قالاسىنان سولتۇستىك قازاقستان وبلىسىنىڭ ورتالىعى پەتروپاۆل قالاسىنا وتباسىممەن بىرگە قونىس اۋدارىپ كەلدىم.

سولتۇستىك قازاقستان وبلىسى اكىمدىگىنىڭ جانىنداعى حالىقتى جۇمىسپەن قامتۋ ماسەلەلەرى جونىندەگى كوميسسيا وتىرىسىنىڭ 2020 جىلعى 8 ساۋىردەگى № 12 حاتتاماسىنا سايكەس سولتۇستىك قازاقستان وبلىسى اكىمدىگىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى مەنى وتباسىممەن بىرگە پەتروپاۆل قالاسى بويىنشا قونىس اۋدارۋشىلاردى قابىلداۋدىڭ وڭىرلىك كۆوتاسىنا ەنگىزۋ تۋرالى 2020 جىلعى 9 ساۋىردەگى № 153 شەشىم قابىلدادى.

2020 جىلعى 21 ءساۋىر كۇنى «سولتۇستىك قازاقستان وبلىسى پەتروپاۆل قالاسى اكىمدىگىنىڭ حالىقتى جۇمىسپەن قامتۋ ورتالىعى» كوممۋنالدىق مەملەكەتتىك مەكەمەسىنىڭ ديرەكتورى ا.ب. ەلياسوۆامەن «ەڭبەك» باعدارلاماسىنا قاتىسۋشى رەتىندە جۇمىس كۇشىنىڭ ۇتقىرلىعىن ارتتىرۋ ءۇشىن ەرىكتى تۇردە قونىس اۋدارۋعا جاردەمدەسۋ بويىنشا مەملەكەتتىك قولداۋ كورسەتۋ تۋرالى الەۋمەتتىك كەلىسىمشارتقا قول قويىلدى.

06.03.2020 ج. كۇنى «م. قوزىباەۆ ات. سقۋ» كەاق رەسمي سايتىندا ۋنيۆەرسيتەتتىڭ اكىمشىلىك-باسقارۋ قىزمەتكەرلەرىنىڭ باس لاۋازىمدارىنا بايقاۋ جاريالانعان ەدى.

مەن سول كەزدەگى حابارلاندىرۋدا ۇمىتكەردىڭ عىلىمي اتاق-دارەجەسى بولۋى كەرەكتىگى كورسەتىلگەندىكتەن، «رۋحاني جاڭعىرۋ» الەۋمەتتىك-گۋمانيتارلىق زەرتتەۋلەر ينستيتۋتىنىڭ ديرەكتورى بوس لاۋازىمىنىڭ ورنىنا قۇجات تاپسىردىم.

22.06.2020 ج. ساعات 15.00-دە وتكىزىلگەن ۋنيۆەرسيتەتتىڭ اكىمشىلىك-باسقارۋ قىزمەتكەرلەرىنىڭ لاۋازىمدارىنا ورنالاسۋعا ارنالعان بايقاۋدىڭ قورىتىندىسىندا ماعان تاربيە جۇمىسى جانە الەۋمەتتىك ماسەلەلەر دەپارتامەنتى ديرەكتورىنىڭ مىندەتىن اتقارۋ ۇسىنىلعان ەدى.

وسىعان وراي، پەتروپاۆل قالاسىنا كوشىپ كەلىپ، 26.06.2020 ج. ءوزىمدى 01.07.2020 ج. باستاپ ۋنيۆەرسيتەتتىڭ تاربيە جۇمىسى جانە الەۋمەتتىك ماسەلەلەر دەپارتامەنتى ديرەكتورىنىڭ مىندەتىن اتقارۋشى لاۋازىمىنا قىزمەتكە قابىلداۋدى سۇراپ، ءوتىنىش جازىپ، «م. قوزىباەۆ اتىنداعى سقۋ» كەاق باسقارماسى توراعاسىنىڭ – رەكتورىنىڭ مىندەتىن اتقارۋشى ەربول ماراتۇلى يساقاەۆتىڭ ەلەكتروندىق پوشتاسىنا سالىپ جىبەردىم.

الايدا، ە.م. يساكاەۆ مەنى كونكۋرس كەزىندە ۇسىنىلعان تاربيە جۇمىسى جانە الەۋمەتتىك ماسەلەلەر دەپارتامەنتى ديرەكتورىنىڭ مىندەتىن اتقارۋشى لاۋازىمىنا قىزمەتكە قابىلداعان جوق جانە ونىڭ سەبەپتەرىن دە تۇسىندىرگەن جوق.

سوعان قاراماستان «ءسىز جۇمىسقا ورنالاسىپ جانە جاتاقحانادا تۇرۋعا نيەت بىلدىرگەن جاعدايدا، ۋنيۆەرسيتەتتىڭ تۇرعىن ءۇي قورىنان سىزگە جانە ءسىزدىڭ وتباسىڭىزعا تۇرعىن ءۇي بەرۋ تۋرالى وتىنىشپەن تۇرعىن ءۇي كوميسسياسىنا جۇگىنۋىڭىز قاجەت» دەپ رەسمي حات جازىپ، «م. قوزىباەۆ اتىنداعى سقۋ» كەاق-نا جۇمىسقا ورنالاساتىنىما ۇمىتتەندىردى.

وسىلايشا، «م. قوزىباەۆ اتىنداعى سقۋ» كەاق باسقارماسى توراعاسىنىڭ – رەكتوردىڭ مىندەتىن اتقارۋشى ە.م. يساكاەۆ «ماڭگىلىك ەل جاستارى – يندۋسترياعا!» («سەرپىن») جوباسى بويىنشا تالاپكەرلەر جيناۋعا كومەك بەرۋ كەرەكتىگىن ايتىپ، ماعان تەلەفون ارقىلى اۋىزشا تاپسىرما بەردى.

وسىلايشا، مەن 2020 جىلعى 01 شىلدە مەن 31 تامىز ارالىعىندا «م. قوزىباەۆ اتىنداعى سقۋ» كەاق-نا «ماڭگىلىك ەل جاستارى – يندۋسترياعا!» («سەرپىن») جوباسى بويىنشا الماتى، جامبىل، تۇركىستان، قىزىلوردا جانە ماڭعىستاۋ وبلىستارىنىڭ اۋىل مەكتەپتەرىنىڭ تۇلەكتەرىن شاقىرۋ ماقساتىندا بەلسەندى تۇردە اقپاراتتىق-ءتۇسىندىرۋ جۇمىستارىن جۇرگىزدىم.

Facebook الەۋمەتتىك جەلىسىندەگى جەكە پاراقشامدا كۇن سايىن سولتۇستىك قازاقستان وبلىسى، پەتروپاۆل قالاسى جانە «م. قوزىباەۆ اتىنداعى سقۋ» كەاق تۋرالى 20-عا جۋىق اقپارات جاريالادىم.

Facebook الەۋمەتتىك جەلىسىندەگى جەكە پاراقشام ارقىلى 5 (بەس) رەت تىكەلەي ەفيرگە شىعىپ، تالاپكەرلەر مەن اتا-انالارعا م. قوزىباەۆ اتىنداعى سقۋ تۋرالى جان-جاقتى مالىمەت بەردىم. تىكەلەي ەفير جازباسىنىڭ قارالىمى 20 مىڭنان استىپ كەتتى.

سونداي-اق تۇركىستان وبلىسىنىڭ تالاپكەرلەرى مەن اتا-انالارىنا ارناپ 4 ء(تورت) رەت Zoom باعدارلاماسى ارقىلى تىكەلەي كونفەرەنتسيا وتكىزىلىپ، وعان 100-دەن استام ادام قاتىستى.

جالپى 2020 جىلعى شىلدە جانە تامىز ايلارىندا «ماڭگىلىك ەل جاستارى – يندۋسترياعا!» («سەرپىن») جوباسى بويىنشا تىكەلەي وزىمە 300-دەن استام تالاپكەر جانە ولاردىڭ اتا-انالارى حابارلاستى.

ولاردىڭ بارىنە «م. قوزىباەۆ اتىنداعى سقۋ» كەاق-نا وقۋعا شاقىرۋ ماقساتىندا اقپارات بەرىلىپ، ءتۇسىندىرۋ جۇمىستارىن جۇرگىزدىم.

تالاپكەرلەردىڭ ءتىزىمى كۇن سايىن «م. قوزىباەۆ اتىنداعى سقۋ» كەاق باسقارماسى توراعاسىنىڭ – رەكتورىنىڭ م.ا.، ءبىرىنشى پرورەكتور ە.م. يساقاەۆتىڭ ەلەكتروندىق پوشتاسىنا جولدانىپ وتىردى.

ەكى اي اتقارعان بۇل جۇمىسىم ءۇشىن ۋنيۆەرسيتەت باسشىلىعى ماعان ەشقانداي جالاقى تولەگەن جوق.

2020 جىلعى 27 شىلدە كۇنى ۋنيۆەرسيتەتتىڭ سايتىندا «م. قوزىباەۆ اتىنداعى سقۋ» كەاق پروفەسسور-وقىتۋشى قۇرامنىڭ بوس ورىندارىنا ورنالاستىرۋعا كونكۋرس جاريالايدى دەگەن حابارلاندىرۋ جارىق كوردى.

مەن وسى حابارلاندىرۋداعى ءۇش بوس ورىنعا قۇجات تاپسىردىم، ولار:

«جۋرناليستيكا» كافەدراسىنىڭ اعا وقىتۋشىسى;

«قازاق ءتىلى جانە ادەبيەتى» كافەدراسىنىڭ دوتسەنتى;

«پراكتيكالىق قازاق ءتىلى» كافەدراسىنىڭ مەڭگەرۋشىسى (دوتسەنتى).

اتالعان كونكۋرس 2020 جىلعى 27 تامىزدا وتتى.

كونكۋرستىق كوميسسيا مەنى 27 تامىزعا ساعات 10-عا شاقىرىپ الىپ، سول كۇنى كونكۋرستىق كوميسسيانىڭ وتىرىسىنا قاتىسۋ ءۇشىن ساعات 10-نان كەشكى ساعات 20-عا دەيىن كۇتىپ وتىرۋعا ءماجبۇر ەتتى.

كونكۋرستىڭ ناتيجەسىن ەرتەڭىنە، 28 تامىزدا كەشكە قاراي حابارلادى.

«جۋرناليستيكا» سالاسى بويىنشا عىلىمي اتاق-دارەجەلەرىم بار ەكەنىنە، جالپى ەڭبەك ءوتىلىم 1987 جىلدان باستالاتىنىنا، ونىڭ ىشىندە جوو جۇيەسىندە 1994 جىلدان بەرى قىزمەت ىستەپ كەلە جاتقانىما، ياعني PhD دوكتورى، قاۋىمداستىرىلعان پروفەسسور بولىپ نۇر-سۇلتان قالاسىنداعى ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىندە تابان اۋدارماستان 10 جىل قىزمەت ىستەگەنىمە قاراماستان، «م. قوزىباەۆ اتىنداعى سقۋ» كەاق-نىڭ كونكۋرستىق كوميسسياسى مەنى جوعارىداعى ءۇش لاۋازىمنىڭ ۇشەۋىنە دە كونكۋرستان وتكىزبەدى جانە ونىڭ سەبەبىن جازباشا تۇسىندىرگەن جوق.

«م. قوزىباەۆ اتىنداعى سقۋ» كەاق-نىڭ كونكۋرستىق كوميسسياسى «جۋرناليستيكا» كافەدراسىنىڭ اعا وقىتۋشىسىنىڭ بوس ورنىنا «جۋرناليستيكا» سالاسى بويىنشا عىلىمي اتاق-دارەجەلەرىم بار مەنى ەمەس، ەشقانداي عىلىمي اتاق-دارەجەسى جوق ماگيستردى جۇمىسقا قابىلداۋدى ۇسىنىپتى.

نۇر-سۇلتان قالاسىنان پەتروپاۆل قالاسىنا «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسىنىڭ «ەڭبەك رەسۋرستارىنىڭ ۇتقىرلىعىن ارتتىرۋ» باعىتى بويىنشا قازاقستان رەسپۋبليكاسىنىڭ ۇكىمەتى ايقىنداعان وڭىرلەرگە ءوز ەركىمەن قونىس اۋدارۋشى رەتىندە وتباسىممەن بىرگە قونىس اۋدارىپ كەلسەم دە، «م. قوزىباەۆ اتىنداعى سقۋ» كەاق-نىڭ بوس جۇمىس ورىندارىنا جاريالانعان كونكۋرستاردان ەكى رەت وتكىزبەگەن سوڭ، سولتۇستىك قازاقستان وبلىسىنىڭ اكىمى ق.ءى. اقساقالوۆتىڭ اتىنا ءوتىنىش حات جازۋعا ءماجبۇر بولدىم.

وبلىس اكىمى بۇل ماسەلەنى شەشۋدى سولتۇستىك قازاقستان وبلىسى اكىمدىگىنىڭ ءبىلىم باسقارماسىنىڭ باسشىسى گ.ر. كاريموۆاعا تاپسىرعان.

الايدا، سولتۇستىك قازاقستان وبلىسى اكىمدىگىنىڭ ءبىلىم باسقارماسىنىڭ باسشىسى گ.ر. كاريموۆادان ەشقانداي حابار بولعان جوق.

وسىلايشا، «م. قوزىباەۆ اتىنداعى سقۋ» كەاق-نىڭ بوس جۇمىس ورىندارىنا جاريالانعان كونكۋرستاردان ەكى رەت وتكىزبەگەن سوڭ، ماعان «م. قوزىباەۆ اتىنداعى سقۋ» كەاق عىلىم دەپارتامەنتىنە قاراستى عىلىمي-ادىستەمەلىك جانە پاتەنتتىك-ليتسەنزيالىق ءبولىمىنىڭ جەتەكشىسى قىزمەتى ۇسىنىلدى.

وسىلايشا، مەنى 01 قىركۇيەكتەن باستاپ ءبىر اي سىناق مەرزىمىمەن «م. قوزىباەۆ اتىنداعى سقۋ» كەاق عىلىم دەپارتامەنتىنە قاراستى عىلىمي-ادىستەمەلىك جانە پاتەنتتىك-ليتسەنزيالىق ءبولىمىنىڭ جەتەكشىسى قىزمەتىنە قابىلدادى.

بۇعان قوسا وزىممەن بىرگە ۋنيۆەرسيتەت باسشىلىعى «ەڭبەك» مەملەكەتتىك باعدارلاماسىمەن وزىممەن بىرگە پەتروپاۆل قالاسىنا قونىس اۋدارىپ كەلگەن مەنىڭ جۇبايىمدى دا اۋرە-سارساڭعا سالدى.

جوعارىدا ايتىلعانىنداي، جۇبايىمدى دا فيلولوگيا ماگيسترى ەكەنىنە قاراماستان پروفەسسور-وقىتۋشىلارعا ارنالعان كونكۋرستان وتكىزبەدى جانە ونىڭ سەبەبىن جازباشا تۇسىندىرگەن جوق:

«جۋرناليستيكا» كافەدراسىنىڭ اعا وقىتۋشىسى;

«قازاق ءتىلى جانە ادەبيەتى» كافەدراسىنىڭ وقىتۋشىسى.

جۇبايىمدى نۇر-سۇلتان قالاسىنان بىرنەشە رەت ارنايى شاقىرىپ الىپ، بىرەسە «جۇمىسقا قابىلدايمىز» دەپ ۋادە بەردى، بىرەسە «بوس جۇمىس ورنى بولماي تۇر» دەدى، ەندى اقىر اياعىندا «م. قوزىباەۆ اتىنداعى سقۋ» كەاق باسشىلارى وزدەرى ۇسىنىپ، وزدەرى ءوتىنىش جازدىرىپ العان جانە «م. قوزىباەۆ اتىنداعى سقۋ» كەاق-نىڭ بارلىق ءتيىستى بولىمدەرى كەلىسىم بەرگەن لاۋازىمعا قابىلدامادى.

2020 جىلعى 01 قازان كۇنى، كەشكى ساعات 19-عا قاراي ماعان «م. قوزىباەۆ اتىنداعى سقۋ» كەاق باسقارماسى توراعاسىنىڭ – رەكتورىنىڭ مىندەتىن اتقارۋشى ە.م. يساكاەۆتىڭ ارنايى تاپسىرماسىمەن دايىندالعان 01.10.2020 ج. № 10-00-21/323 قىزمەتتىك جازبا جىبەرىلدى.

بۇل قىزمەتتىك جازبانى «م. قوزىباەۆ اتىنداعى سقۋ» كەاق زاڭ ءبولىمىنىڭ جەتەكشىسى لاريسا نيكولاەۆنا كۋدريتسكايا جازعان.

اتالعان قىزمەتتىك حاتتا ءبىز جەتەكشى رەتىندە قىزمەت ىستەي باستاعانىمىزعا ءبىر اي ەندى عانا بولعان عىلىم دەپارتامەنتىنە قاراستى عىلىمي-ادىستەمەلىك جانە پاتەنتتىك-ليتسەنزيالىق ءبولىمىنىڭ 2018-2020 جىلدارداعى پاتەنتتىك-ليتسەنزيالىق قىزمەتىنە «م. قوزىباەۆ اتىنداعى سقۋ» كەاق-نىڭ قازىرگى ءبىرىنشى باسشىسىنىڭ مىندەتىن اتقارۋشى ە.م. يساكاەۆتىڭ ارنايى تاپسىرماسىمەن تالداۋ جاسالعانى جازىلعان.

بىزگە تىكەلەي قاتىسى جوق مالىمەتتەردى جيناقتاپ جازىلعان زاڭ ءبولىمىنىڭ جەتەكشىسى ل.ن. كۋدريتسكايانىڭ قىزمەتتىك جازباسىنا «م. قوزىباەۆ اتىنداعى سقۋ» كەاق باسقارماسى توراعاسىنىڭ – رەكتورىنىڭ مىندەتىن اتقارۋشى ە.م. يساكاەۆ ارنايى تاپسىرمالىق بۇرىشتاما قويعان.

وندا ۋنيۆەرسيتەتتىڭ عىلىم جانە يننوۆاتسيالار جونىندەگى پرورەكتورى، تاريح عىلىمدارىنىڭ دوكتورى، پروفەسسور اقمارال عوسمانقىزى ىبىراەۆاعا ءبىز 2020 جىلعى 01 قىركۇيەكتە عانا جەتەكشىسى بولىپ قابىلدانعان عىلىمي-ادىستەمەلىك جانە پاتەنتتىك-ليتسەنزيالىق ءبولىمىءنىڭ قىزمەتىن ءتيىمسىز دەپ تاۋىپ، ءبولىمنىڭ بۇدان ارعى قىزمەتى قالاي بولاتىنىن قاراستىرۋدى تاپسىرعان.

سونىمەن بىرگە ول دەنساۋلىعىنا بايلانىستى اۋرۋحانادا جاتىپ شىققان، جاقىندا عانا اعزاسىنا وتا جاساتقان عىلىم دەپارتامەنتىنىڭ ديرەكتورى، فيلولوگيا عىلىمدارىنىڭ كانديداتى مارحابا ەسماعامبەتقىزى قۋانتاەۆادان عىلىمي-ادىستەمەلىك جانە پاتەنتتىك-ليتسەنزيالىق ءبولىمىءنىڭ 2020 جىلعى 01 قاڭتار – 01 قازان ارالىعىنداعى قىزمەتى تۋرالى تۇسىنىكتەمە جازۋدى تالاپ ەتكەن.

«ءبىلىم تۋرالى» قازاقستان رەسپۋبليكاسىنىڭ 2007 جىلعى 27 شىلدەدەگى № 319 زاڭىندا، قازاقستان رەسپۋبليكاسى قارجى مينيسترلىگى مەملەكەتتىك مۇلىك جانە جەكەشەلەندىرۋ كوميتەتى توراعاسىنىڭ 2020 جىلعى 25 مامىرداعى № 315 بۇيرىعىمەن بەكىتىلگەن «م. قوزىباەۆ اتىنداعى سقۋ» كەاق-نىڭ جارعىسىندا زاڭ ءبولىمى جەتەكشىسىنىڭ عىلىمي-ادىستەمەلىك جانە پاتەنتتىك-ليتسەنزيالىق ءبولىمنىڭ قىزمەتىنە تالداۋ جاساۋى جانە وعان «م. قوزىباەۆ اتىنداعى سقۋ» كەاق باسقارماسى توراعاسىنىڭ – رەكتورىنىڭ مىندەتىن اتقارۋشىنىڭ تىكەلەي تاپسىرما بەرۋى قاراستىرىلماعان.

سول سەبەپتى زاڭ ءبولىمىنىڭ جەتەكشىسى ل.ن. كۋدريتسكايانىڭ 01.10.2020 ج. № 10-00-21/323 قىزمەتتىك جازباسى جانە وعان قويىلعان تاپسىرمالىق بۇرىشتاما زاڭسىز دەپ ەسەپتەيمىن.

عىلىم دەپارتامەنتىنە قاراستى عىلىمي-ادىستەمەلىك جانە پاتەنتتىك-ليتسەنزيالىق ءبولىمىنىڭ جەتەكشىسى رەتىندە اتقارعان جۇمىستارىمدى ادەيى جوققا شىعارىپ وتىرعان ە.م. يساكاەۆتىڭ جوعارىداعى ارەكەتىن ەلباسىمىز نۇرسۇلتان نازارباەۆتىڭ 2018 جىلعى 15 اقپانداعى № 636 جارلىعىمەن «قازاقستان رەسپۋبليكاسىنىڭ 2025 جىلعا دەيىنگى ستراتەگيالىق دامۋ جوسپارىنىڭ» «جاڭا ادامي كاپيتال» دەپ اتالاتىن بولىمىندەگى «ەڭبەك ۇتقىرلىعىن ارتتىرۋ جانە جۇمىسپەن قامتۋعا جاردەمدەسۋدىڭ باسقا بەلسەندى شارالارى» مىندەتىن جۇزەگە اسىرۋعا قاسا-قانا كەدەرگى كەلتىرۋ دەپ باعالايمىن.

سونىمەن بىرگە «م. قوزىباەۆ اتىنداعى سقۋ» كەاق-نىڭ زاڭ ءبولىمىنىڭ جەتەكشىسى ل.ن. كۋدريتسكايانىڭ جوعارىداعى قىزمەتتىك جازباسىن جانە ول جازباعا عىلىم دەپارتامەنتىنە قاراستى عىلىمي-ادىستەمەلىك جانە پاتەنتتىك-ليتسەنزيالىق ءبولىمىنىڭ قىزمەتىن ءتيىمسىز دەپ تابۋ تۋرالى تاپسىرما بەرىپ، بۇرىشتاما جازعان ە.م. يساكاەۆتىڭ بۇل ارەكەتتەرىن زاڭسىز جانە وسى اتالعان كىسىلەردىڭ وزدەرىنىڭ قىزمەتتىك لاۋازىمدارىن اسىرا باعالاۋ دەپ ەسەپتەيمىن.

ويتكەنى «م. قوزىباەۆ اتىنداعى سقۋ» كەاق زاڭ ءبولىمىنىڭ جەتەكشىسى ل.ن. كۋدريتسكايانىڭ عىلىم دەپارتامەنتىنە قاراستى عىلىمي-ادىستەمەلىك جانە پاتەنتتىك-ليتسەنزيالىق ءبولىمىنىڭ قىزمەتىنە ساراپتاما جاساۋعا جانە وعان ونداي تاپسىرما بەرۋگە ە.م. يساكاەۆتىڭ ەشقانداي دا قۇقىعى جوق.

عىلىم دەپارتامەنتىنە قاراستى عىلىمي-ادىستەمەلىك جانە پاتەنتتىك-ليتسەنزيالىق ءبولىمىنىڭ قىزمەتىنە ساراپتاما جاساماس بۇرىن ۋنيۆەرسيتەتىنىڭ زاڭ ءبولىمىنىڭ جەتەكشىسى ل.ن. كۋدريتسكايا عىلىم جانە يننوۆاتسيالار جونىندەگى پرورەكتورى اقمارال عوسمانقىزى ىبىراەۆانىڭ جانە عىلىم دەپارتامەنتىنىڭ ديرەكتورى مارحابا ەسماعامبەتقىزى قۋانتاەۆانىڭ كەلىسىمىن الۋى كەرەك ەدى. بىراق پرورەكتور جانە ديرەكتور تاراپىنان ونداي كەلىسىم بەرىلمەگەن.

مۇنداعى «م. قوزىباەۆ اتىنداعى سقۋ» كەاق باسقارما توراعاسىنىڭ – رەكتورىنىڭ مىندەتىن اتقارۋشى ە.م. يساكاەۆتىڭ ماقساتى – مەن اتقارىپ وتىرعان عىلىم دەپارتامەنتىنە قاراستى عىلىمي-ادىستەمەلىك جانە پاتەنتتىك-ليتسەنزيالىق ءبولىمىن جاۋىپ، مەنى جۇمىسسىز قالدىرۋ دەپ ەسەپتەيمىن.

2020 جىلعى 01 قازاندا ە.م. يساكاەۆتىڭ كابينەتىنە بارىپ، ماسەلەنى بەيبىت تۇردە، داۋ-جانجالسىز شەشۋگە ارەكەت جاسادىم. الايدا، ە.م. يساكاەۆ مەنىڭ دالەلدەرىمدى تىڭدامادى.

ءوزىمنىڭ جۇمىسكەر رەتىندەگى جانە قونىس اۋدارۋشى رەتىندەگى قۇقىقتارىم ە.م. يساكاەۆتىڭ تاراپىنان وسىلايشا ورەسكەل تۇردە بۇزىلىپ جاتقاندىقتان جانە باسقا امالىم قالماعاندىقتان، ءسوز بوستاندىعى جونىندەگى كونستيتۋتسيالىق قۇقىعىمدى پايدالانا وتىرىپ، فەيسبۋك الەۋمەتتىك جەلىسىندەگى جەكە پاراقشام ارقىلى 2020 جىلعى 01 جانە 02 قازان كۇندەرى ەلباسىمىز ن.ءا. نازارباەۆتىڭ جانە قر پرەزيدەنتى ق.ك. توقاەۆتىڭ اتتارىنا ۇندەۋ جاريالاپ، كومەك سۇراۋعا ءماجبۇر بولدىم.

02.10.2020 ج. «م. قوزىباەۆ اتىنداعى سقۋ» كەاق مەدياورتالىعىنىڭ باس رەداكتورى د. حاليموۆا مەنىڭ 2020 جىلعى 01 قازانداعى فەيسبۋك الەۋمەتتىك جەلىسىندە «ماناش قوزىباەۆ اتىنداعى سولتۇستىك قازاقستان ۋنيۆەرسيتەتىنە حالىققا جانە جاستارعا جاناشىر ادام رەكتور بولۋى كەرەك!» دەگەن تاقىرىپتا مەملەكەتتىك قازاق تىلىندە جاساعان مالىمدەمەمدى ۋنيۆەرسيتەتتىڭ ەتيكا جونىندەگى كوميسسياسىندا قاراۋدى تالاپ ەتىپ، ورىس تىلىندە №13-00-00/356 قىزمەتتىك حات جازعان.

ورىس تىلىندە جازىلعان قىزمەتتىك حاتىندا د. حاليموۆا حانىم ماعان «ۋنيۆەرسيتەتتىڭ مۇددەسىنە، ونىڭ بەدەلىنە نۇقسان كەلتىردى» دەپ ناقاقتان ناقاق ەشقانداي دالەلسىز جانە سەبەپسىز جالا جاپقان.

مەن وسىعان بايلانىستى «م. قوزىباەۆ اتىنداعى سقۋ» كەاق مەدياورتالىعىنىڭ باس رەداكتورى د. حاليموۆانىڭ قىزمەتتىك حاتىن جانە 12.10.2020 ج. مەنىڭ قاتىسۋىمسىز وتكىزىلگەن ۋنيۆەرسيتەتتىڭ ەتيكا جونىندەگى كوميسسياسىنىڭ وتىرىسىن زاڭسىز دەپ ەسەپتەيمىن.

«م. قوزىباەۆ اتىنداعى سقۋ» كەاق-نىڭ ەتيكا جونىندەگى كوميسسياسىنىڭ توراعاسى پ.ۆ. افاناسەۆ فەيسبۋك الەۋمەتتىك جەلىسىندە ماعان قاتىستى «برەد» دەگەن ءسوز جازىپ، مەنىڭ ار-نامىسىمدى قورلادى.

جوعارىدا اتالعان ل.ن. كۋدريتسكايا، د. حاليموۆا جانە پ.ۆ. افاناسەۆ قازاقستان رەسپۋبليكاسىنىڭ مەملەكەتتىك ءتىلى – مەملەكەتتىك قازاق ءتىلىن مۇلدەم بىلمەيدى. بىراق مەنىڭ مەملەكەتتىك قازاق تىلىندەگى جازبالارىما تالداۋ جاساپ، ماعان شارا قولدانىپ وتىر.

مۇنداعى «م. قوزىباەۆ اتىنداعى سقۋ» كەاق باسقارماسى توراعاسىنىڭ – رەكتورىنىڭ مىندەتىن اتقارۋشى ە.م. يساكاەۆتىڭ نەگىزگى ماقساتى – ەلباسىمىزدىڭ ساليقالى ساياساتىن جۇزەگە اسىرۋعا ۇلەس قوسۋ ماقساتىندا «ەڭبەك» مەملەكەتتىك باعدارلاماسىنىڭ «ەڭبەك رەسۋرستارىنىڭ ۇتقىرلىعىن ارتتىرۋ» باعىتى بويىنشا قازاقستان رەسپۋبليكاسىنىڭ ۇكىمەتى ايقىنداعان وڭىرلەرگە قونىس اۋدارۋشى رەتىندە 2020 جىلى نۇر-سۇلتان قالاسىنان سولتۇستىك قازاقستان وبلىسىنىڭ ورتالىعى پەتروپاۆل قالاسىنا وتباسىممەن بىرگە قونىس اۋدارىپ كەلگەن جانە سولتۇستىك قازاقستان وبلىسى اكىمدىگىنىڭ تىكەلەي ارالاسۋىنان كەيىن عانا عىلىمي-ادىستەمەلىك جانە پاتەنتتىك-ليتسەنزيالىق ءبولىمىنىڭ جەتەكشىسى بولىپ 2020 جىلعى 01 قىركۇيەكتە جۇمىسقا قابىلدانعان مەنىڭ قازىرگى اتقارىپ وتىرعان قىزمەت ورنىمدى ءارتۇرلى سىلتاۋلارمەن قىسقارتىپ، مەنى قالاي دا ۋنيۆەرسيتەتتەن ىعىستىرىپ شىعارىپ، قىزمەتتەن ادەيى قۋدالاۋ دەپ باعالايمىن.

مەن بۇل جاعدايدىڭ بارلىعىن ە.م. يساكاەۆتىڭ تاراپىنان جاسالىپ وتىرعان «م. قوزىباەۆ اتىنداعى سقۋ» كەاق-داعى مەملەكەتتىك قازاق تىلدە زەرتتەۋلەر جۇرگىزەتىن گۋمانيتارلىق باعىتتاعى عالىمدارعا جاسالىپ جاتقان قىسىمنىڭ جانە قۋدالاۋدىڭ ءبىرى دەپ ەسەپتەيمىن.

ونىڭ ۇستىنە ايلىق ەڭبەك جالاقىسى از بولعاندىقتان عىلىم دەپارتامەنتىندە جانە عىلىمي-ادىستەمەلىك جانە پاتەنتتىك-ليتسەنزيالىق بولىمىندە قىزمەتكەرلەر تۇراقتامايدى ەكەن.

مەن جۇمىسقا كەلگەن ءبىر ايدىڭ ىشىندە بەلگىلەنگەن ازعانتاي عانا جالاقىعا كوڭىلدەرى تولماعان بىرنەشە قىزمەتكەر جۇمىستان كەتۋگە ءماجبۇر بولدى.

قازىرگى كەزدە عىلىم دەپارتامەنتىنە قاراستى عىلىمي-ادىستەمەلىك جانە پاتەنتتىك-ليتسەنزيالىق بولىمىندە بار بولعانى ەكى-اق قىزمەتكەر جۇمىس ىستەپ جاتىرمىز جانە جالاقى وتە تومەن مولشەردە.

«م. قوزىباەۆ اتىنداعى سقۋ» كەاق-نىڭ عىلىم جانە يننوۆاتسيالار جونىندەگى پرورەكتورى، تاريح عىلىمدارىنىڭ دوكتورى، پروفەسسور ا.ع. ىبىراەۆانىڭ قىزمەتتىك حاتىنىڭ نەگىزىندە «م. قوزىباەۆ اتىنداعى سقۋ» كەاق-نىڭ 09.09.2020 ج. تۇرعىن ءۇي كوميسسياسىنىڭ شەشىمىمەن ماعان جانە مەنىڭ وتباسىما ءبىر جىل مەرزىمگە، ياعني 09.09.2021 ج. دەيىن پەتروپاۆل قالاسى، پۋشكين كوشەسى، 86 مەكەن-جايى بويىنشا ورنالاسقان №4 جاتاقحانادان جالپى اۋماعى 35,2 شارشى مەتر بولاتىن №50 بولمە ء(بىر بولمە) بەرىلدى.

قازىرگى كەزدە مەن جانە مەنىڭ وتباسىمنىڭ مۇشەلەرى ءوزىم قىزمەت ىستەپ جاتقان «م. قوزىباەۆ اتىنداعى سقۋ» كەاق-نىڭ رەسمي مەكەن-جايى بويىنشا، پەتروپاۆل قالاسى، پۋشكين كوشەسى، 86 ۇيگە ۋاقىتشا تىركەلگەن. 

2020 جىلعى 01 قازاننان باستاپ پەتروپاۆل قالاسىندا ۋاقىتشا جالعا الىپ تۇرعان پاتەردىڭ مەنشىك يەسى مەنى جانە وتباسىمنىڭ مۇشەلەرىن تۇراقتى تىركەۋدەن شىعارىپ تاستاعان سوڭ ەكى اي ۋاقىت سولتۇستىك قازاقستان وبلىسىنىڭ ورتالىعىندا تۇراقتى تىركەۋگە تۇرۋىمىزعا ەشقانداي مۇمكىندىكتەرىمىز بولعان جوق.

ويتكەنى پەتروپاۆل قالاسىندا جەكە مەنشىك تۇرعىن ءۇي-جايىمىز جوق. ال بەيتانىس ادامدار وزدەرىنىڭ جەكە مەنشىك تۇرعىن ءۇي-جايىنا ءبىزدى تۇراقتى تىركەۋگە تۇرعىزبايتىنى وزىنەن-ءوزى بەلگىلى.

«سولتۇستىك قازاقستان وبلىسى پەتروپاۆل قالاسى اكىمدىگىنىڭ حالىقتى جۇمىسپەن قامتۋ ورتالىعى» كوممۋنالدىق مەملەكەتتىك مەكەمەسىنىڭ ديرەكتورى ا.ب. ەلياسوۆا قونىس اۋدارۋشى رەتىندە مەنىڭ دەربەس دەرەكتەرىمدى تىكەلەي ءوزىمنىڭ كەلىسىمىم بەرىلمەگەنىنە قاراماستان جانە ماعان ەسكەرتپەستەن، قازاقستان رەسپۋبليكاسىنىڭ دەربەس دەرەكتەر جانە ولاردى قورعاۋ تۋرالى زاڭناماسىن ورەسكەل بۇزا وتىرىپ، «Petropavlnews» جشس سايتىنىڭ جەتەكشىسى س.ت. جۋمانوۆ دەگەن ازاماتقا حات تۇرىندە جولداعان (ورىنداۋشى: س.ف. كالدىباەۆ).

وسىلايشا، «سولتۇستىك قازاقستان وبلىسى پەتروپاۆل قالاسى اكىمدىگىنىڭ حالىقتى جۇمىسپەن قامتۋ ورتالىعى» كوممۋنالدىق مەملەكەتتىك مەكەمەسىنىڭ ديرەكتورى ا.ب. ەلياسوۆا مەنىڭ ادامدىق جانە ازاماتتىق قۇقىقتارىم مەن بوستاندىقتارىما ەلەۋلى تۇردە نۇقسان كەلتىرىپ، «دەربەس دەرەكتەر جانە ولاردى قورعاۋ تۋرالى» قازاقستان رەسپۋبليكاسىنىڭ 2013 جىلعى 21 مامىرداعى № 94-V زاڭىنىڭ 11-بابىندا كورسەتىلگەن دەربەس دەرەكتەردiڭ قۇپيالىلىعى تۋرالى تالاپتاردى ورەسكەل تۇردە بۇزعان.

سولتۇستىك قازاقستان وبلىسى اكىمىنىڭ ورىنباسارى ع. نىعىمەتوۆتىڭ 2020 جىلعى 05 قاراشاداعى № جت-ج-860 حاتىنىڭ 3-ءشى ازات جولىندا: 

«ءسىزدىڭ وتباسىڭىز كوميسسيانىڭ 2020 جىلعى 9 ساۋىردەگى № 153 شەشىمىمەن كۆوتاعا ەنگىزىلدى. سونىڭ اياسىندا سىزگە مەملەكەتتىك قولداۋدىڭ بارلىق شارالارى تولەندى»، - دەپ جازىلعان.

سولتۇستىك قازاقستان وبلىسى اكىمىنىڭ ورىنباسارى ع. نىعىمەتوۆتىڭ 2020 جىلعى 05 قاراشاداعى № جت-ج-860 حاتىنىڭ 3-ءشى ازات جولىنداعى: «سىزگە مەملەكەتتىك قولداۋدىڭ بارلىق شارالارى تولەندى»، - دەگەن مالىمەت – شىندىققا جاناسپايتىن جالعان مالىمەت.

ويتكەنى، جوعارىدا ايتىلعانىنداي، «ەڭبەك» باعدارلاماسىنا قاتىسۋشى رەتىندە مەنىڭ وتباسىما تۇرعىن ءۇيدى جالداۋ (جالعا الۋ) جانە كوممۋنالدىق قىزمەتتەرگە اقى تولەۋ بويىنشا شىعىستاردى وتەۋگە ەكى-اق رەت: 17.09.2020 ج. – 69 450 تەڭگە، 15.10.2020 ج. – 69 450 تەڭگە اۋدارىلدى.

2020 جىلعى 17 تامىز – 04 قازان ارالىعىندا سولتۇستىك قازاقستان وبلىسىنىڭ پەتروپاۆل قالاسىنان «Nur Otan» پارتياسىنىڭ پرايمەريزىنە قاتىستىم.

مەن «ەلەكتروندىق ۇكىمەت» ۆەب-پورتالى ارقىلى 2020 جىلعى 25 مامىر – 30 قاراشا ارالىعىندا سولتۇستىك قازاقستان وبلىسىنىڭ اكىمدىگى مەن سولتۇستىك قازاقستان وبلىسىنىڭ اكىمدىگىنە قاراستى مەملەكەتتىك ورگاندارعا 12 (ون ەكى) ءوتىنىش، ال پەتروپاۆل قالاسى اكىمىنىڭ سايتى ارقىلى 1 ء(بىر) ءوتىنىش جولدادىم.

سول حاتتارىمنىڭ بىرىنە عانا توقتالايىن.

10.11.2020 ج. سولتۇستىك قازاقستان وبلىسىنىڭ اكىمى ق.ءى. اقساقالوۆتىڭ اتىنا سولتۇستىك قازاقستان وبلىسى اكىمىنىڭ ورىنباسارى ع. نىعىمەتوۆتىڭ 2020 جىلعى 05 قاراشاداعى № جت-ج-860 حاتىنىڭ 3-ءشى ازات جولىنداعى: «سىزگە مەملەكەتتىك قولداۋدىڭ بارلىق شارالارى تولەندى»، - دەگەن مالىمەت شىندىققا جاناسپايتىنىن جانە بۇل قاتە مالىمەت ەكەنى تۋرالى ءوتىنىش جولدادىم.

مەنىڭ بۇل وتىنىشىمە 25.11.2020 ج. جولدانعان سولتۇستىك قازاقستان وبلىسى اكىمىنىڭ ورىنباسارى ا. ساقىپكەرەەۆتىڭ رەسمي جاۋاپ حاتىندا:

«اعىمداعى جىلعى 10 تامىزدا پەتروپاۆل قالاسىنىڭ حالىقتى جۇمىسپەن قامتۋ ورتالىعىنا تۇرعىن ءۇيدى جالداۋ شارتىن قوسا بەرە وتىرىپ، ءوتىنىش بەرگەننەن كەيىن سىزگە تۇرعىن ءۇيدى جالداۋ جانە كوممۋنالدىق تولەمدەر بويىنشا شىعىستاردى وتەۋگە ارنالعان سۋبسيديا تولەمدەرى جۇزەگە اسىرىلدى.

كەيىن پەتروپاۆل قالاسىنىڭ حالىقتى جۇمىسپەن قامتۋ ورتالىعى قازىرگى ۋاقىتتا ءسىزدىڭ «م. قوزىباەۆ اتىنداعى سولتۇستىك قازاقستان ۋنيۆەرسيتەتى» كەاق ۇسىنعان قىزمەتتىك تۇرعىن ۇيدە تۇراتىندىعىڭىزدى انىقتادى.

بۇل رەتتە، جۇمىس كۇشىنىڭ ۇتقىرلىعىن ارتتىرۋ ءۇشىن ادامداردىڭ ەرىكتى تۇردە قونىس اۋدارۋ قاعيدالارىنىڭ (بۇدان ءارى – قاعيدالار) 48-تارماعىنا سايكەس جالداۋ شارتىنا سايكەس جالدامالى/قىزمەتتىك تۇرعىن ءۇي بەرىلگەن جاعدايدا، تۇرعىن ءۇيدى جالداۋ جانە كوممۋنالدىق قىزمەتتەرگە اقى تولەۋ بويىنشا شىعىستاردى وتەۋگە ماتەريالدىق كومەك تولەۋ جۇزەگە اسىرىلمايدى.

بۇدان باسقا، اقپاراتتىق جۇيەلەردىڭ دەرەكتەرىنە سايكەس ءسىزدىڭ تۇراقتى تىركەۋ ورنىڭىز اعىمداعى جىلعى 6 قازاندا نۇر-سۇلتان قالاسى بولىپ وزگەرتىلدى، پەتروپاۆل قالاسىندا ۋاقىتشا تىركەلگەن.

بۇل رەتتە، قاعيدالارعا سايكەس باعدارلاما قاتىسۋشىلارىنا قازاقستان رەسپۋبليكاسىنىڭ ۇكىمەتى ايقىنداعان وڭىرلەرگە كەلگەن جانە تۇراقتى تۇرۋعا كەلگەن ورالماندار مەن قونىس اۋدارۋشىلاردى قابىلداۋدىڭ وڭىرلىك كۆوتاسىنا ەنگىزىلگەن قونىس اۋدارۋشىلار جاتادى»، - دەپ جازىلعان. 

وسى وتىنىشىمە بەرىلگەن سولتۇستىك قازاقستان وبلىسى اكىمىنىڭ ورىنباسارى ا. ساقىپكەرەەۆتىڭ رەسمي جاۋابىمەن مۇلدەم كەلىسپەيمىن.

ويتكەنى، جوعارىدا باياندالعانىنداي، پەتروپاۆل قالاسى بويىنشا قونىس اۋدارۋشىلاردى قابىلداۋدىڭ وڭىرلىك كۆوتاسىنا ەنگىزۋ تۋرالى شەشىم سولتۇستىك قازاقستان وبلىسى اكىمدىگىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ 2020 جىلعى 9 ساۋىردەگى № 153 شەشىمىمەن 2020 جىلعى 8 ساۋىردەگى № 12 سولتۇستىك قازاقستان وبلىسى اكىمدىگىنىڭ جانىنداعى حالىقتى جۇمىسپەن قامتۋ ماسەلەلەرى جونىندەگى كوميسسيا وتىرىسىنىڭ حاتتاماسىنا سايكەس قابىلدانعان.

تيىسىنشە، «سولتۇستىك قازاقستان وبلىسى پەتروپاۆل قالاسى اكىمدىگىنىڭ حالىقتى جۇمىسپەن قامتۋ ورتالىعى» كوممۋنالدىق مەملەكەتتىك مەكەمەسىنىڭ ديرەكتورى ا.ب. ەلياسوۆا جانە «ەڭبەك» باعدارلاماسىنا قاتىسۋشى – مەن، جاقىپ مىرزانتاي قوجابايۇلى، «جۇمىس كۇشىنىڭ ۇتقىرلىعىن ارتتىرۋ ءۇشىن ەرىكتى تۇردە قونىس اۋدارۋعا جاردەمدەسۋ بويىنشا مەملەكەتتىك قولداۋ كورسەتۋ تۋرالى الەۋمەتتىك كەلىسىمشارتقا» 2020 جىلعى 21 ءساۋىر كۇنى قول قويىلدى.

ياعني 2020 جىلعى 8-9 ساۋىردە جانە 21 ساۋىردە قر ەڭبەك جانە حالىقتى الەۋمەتتىك قورعاۋ ءمينيسترىنىڭ 14.06.2018 № 242 بۇيرىعىمەن جاڭا رەداكتسيادا قابىلدانعان «جۇمىس كۇشىنىڭ ۇتقىرلىعىن ارتتىرۋ ءۇشىن ادامداردىڭ ەرىكتى تۇردە قونىس اۋدارۋ قاعيدالارى» قولدانىستا بولعان.

بۇل كەزدە «جۇمىس كۇشىنىڭ ۇتقىرلىعىن ارتتىرۋ ءۇشىن ادامداردىڭ ەرىكتى تۇردە قونىس اۋدارۋ قاعيدالارىنىڭ» 48-تارماعىندا «جالعا الۋ شارتىنا سايكەس جالدامالى/قىزمەتتىك تۇرعىن ءۇي بەرىلگەن جاعدايدا، تۇرعىن ءۇيدى جالداۋ (جالعا الۋ) جانە كوممۋنالدىق قىزمەتتەرگە اقى تولەۋ بويىنشا شىعىستار تولەنبەيدى»، - دەگەن قاعيدا قولدانىستا بولعان جوق.

«جۇمىس كۇشىنىڭ ۇتقىرلىعىن ارتتىرۋ ءۇشىن ادامداردىڭ ەرىكتى تۇردە قونىس اۋدارۋ قاعيدالارىنىڭ» 48-تارماعىنداعى «جالعا الۋ شارتىنا سايكەس جالدامالى/قىزمەتتىك تۇرعىن ءۇي بەرىلگەن جاعدايدا، تۇرعىن ءۇيدى جالداۋ (جالعا الۋ) جانە كوممۋنالدىق قىزمەتتەرگە اقى تولەۋ بويىنشا شىعىستار تولەنبەيدى»، - دەگەن قاعيدا قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءمينيسترىنىڭ 12.06.2020 № 226 (العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلدى) بۇيرىعىمەن جاڭا رەداكتسيادا جازىلعان سوڭ ەنگىزىلگەن.

قازاقستان رەسپۋبليكاسىنىڭ 1994 جىلعى 27 جەلتوقسانداعى № 268-حIII ازماتتىق كودەكسىنىڭ 4-بابى (ازاماتتىق زاڭداردىڭ ۋاقىتقا قاراي قولدانىلۋى) بويىنشا: ازاماتتىق زاڭ قۇجاتتارىنىڭ كەرi كۇشi بولمايدى جانە وزدەرi كۇشiنە ەنگiزiلگەننەن كەيiن پايدا بولعان قاتىناستارعا قولدانىلادى.

«حالىقتىڭ كوشى-قونى تۋرالى» قازاقستان رەسپۋبليكاسىنىڭ 2011 جىلعى 22 شىلدەدەگى № 477-IV زاڭىنىڭ 51-بابىنىڭ 2-تارماعى، 1) تارماقشاسىندا ىشكى كوشىپ-قونۋشىلار قازاقستان رەسپۋبليكاسىنىڭ ۇكىمەتى ايقىندايتىن تارتىپپەن قازاقستان رەسپۋبليكاسىنىڭ اۋماعىندا تۇرعىلىقتى جەرى جانە ۋاقىتشا بولاتىن (تۇراتىن) جەرى بويىنشا تىركەلۋگە مىندەتتى ەكەنى جازىلعان.

الايدا، «سولتۇستىك قازاقستان وبلىسى پەتروپاۆل قالاسى اكىمدىگىنىڭ حالىقتى جۇمىسپەن قامتۋ ورتالىعى» كوممۋنالدىق مەملەكەتتىك مەكەمەسى مەنەن جانە مەنىڭ وتباسىمنىڭ مۇشەلەرىنەن پەتروپاۆل قالاسىندا تۇراقتى تىركەۋگە تۇرۋدى تالاپ ەتتى.

«سولتۇستىك قازاقستان وبلىسى پەتروپاۆل قالاسى اكىمدىگىنىڭ حالىقتى جۇمىسپەن قامتۋ ورتالىعى» كوممۋنالدىق مەملەكەتتىك مەكەمەسى مەنەن جانە مەنىڭ وتباسىمنىڭ مۇشەلەرىنەن پەتروپاۆل قالاسىندا تۇراقتى تىركەۋگە تۇرۋدى تالاپ ەتۋى جانە «ەڭبەك» باعدارلاماسىنا قاتىسۋشى رەتىندە مەنىڭ وتباسىما تۇرعىن ءۇيدى جالداۋ (جالعا الۋ) جانە كوممۋنالدىق قىزمەتتەرگە اقى تولەۋ بويىنشا شىعىستاردى وتەۋ قارجىسىن تولەۋدى توقتاتىپ تاستاۋى زاڭسىز دەپ ەسەپتەيمىن.

بۇعان قوسا، 2020 جىلعى قازان ايىنىڭ سوڭىندا «م. قوزىباەۆ ات. سقۋ» كەاق باسقارما توراعاسىنىڭ – رەكتوردىڭ م.ا. ە.م. يساكاەۆ ۋاتساپ جەلىسى ارقىلى ۋنيۆەرسيتەتتىڭ تاربيە جۇمىسى جانە الەۋمەتتىك ماسەلەلەر جونىندەگى پرورەكتورى ن.ا. بايمبەتوۆكە:

«نۋرلان ابيشەۆيچ، رازبەريتەس! سدەلايتە زاپروس ۆ سوتس. زاششيتۋ. ەسلي چەلوۆەك دەيستۆيتەلنو يمەەت ارەندوۆاننۋيۋ جيلۋيۋ پلوششاد، زا كوتورۋيۋ گوسۋدارستۆو ۆىپلاچيۆاەت سرەدستۆا، تو ۆىنوسيتە ۆوپروس نا جيليششنۋيۋ كوميسسيۋ. ناشي سوترۋدنيكي ۆ وچەرەدي گودامي ستويات ي نە موگۋت پولۋچيت جيلە»، - دەپ تاپسىرما بەرگەن.

ال «م. قوزىباەۆ ات. سقۋ» كەاق ۋاتساپ جەلىسى ارقىلى ۋنيۆەرسيتەتتىڭ تاربيە جۇمىسى جانە الەۋمەتتىك ماسەلەلەر جونىندەگى پرورەكتورى ن.ا. بايمبەتوۆ: «قاراستىرامىز!» دەپ ۋادە بەرگەن. 

2020 جىلعى 26 قازاندا، ساعات 14.30-دا «م. قوزىباەۆ اتىنداعى سقۋ» كەاق باسقارماسى توراعاسىنىڭ – رەكتورىنىڭ م.ا.، ءبىرىنشى پرورەكتور ە.م. يساكاەۆ ۋنيۆەرسيتەتتىڭ تۇرعىن ءۇي كوميسسياسىنىڭ وتىرىسىن وتكىزىپ، مەنى جانە سەنىڭ وتباسىمدى پەتروپاۆل قالاسى، پۋشكين كوشەسى، 86 مەكەن-جايىنداعى №4 جاتاقحانانىڭ №50 بولمەسىنەن شىعارۋ تۋرالى شەشىم شىعارعان.

ماعان بۇل تۋرالى عىلىم جانە يننوۆاتسيالار جونىندەگى پرورەكتور، تاريح عىلىمدارىنىڭ دوكتورى، پروفەسسور ىبىراەۆا اقمارال عوسمانقىزى تەلەفونمەن حابارلاپ ايتتى.

2020 جىلعى 27 قازان كۇنى ساعات 15.06-دا مەنىڭ mzhakyp@mail.ru جەكە ەلەكتروندىق پوشتاما «م. قوزىباەۆ اتىنداعى سقۋ» كەاق تۇرعىن ءۇي كوميسسياسىنىڭ توراعاسى ە. يسكاەۆتان 26.10.2020 ج. حابارلاما كەلدى.

اتالعان حابارلامادا: «م. قوزىباەۆ اتىنداعى سقۋ» كەاق تۇرعىن ءۇي كوميسسياسىنىڭ 2020 جىلعى 26 قازانداعى № 114 شەشىمىمەن ۋنيۆەرسيتەتتىڭ تۇرمىستىق قورىنان تۇرعىن ءۇي-جايدى (جاتاقحانانى) جالعا الۋ تۋرالى 2020 جىلعى 09 قىركۇيەكتەگى № 13 كەلىسىم-شارتتىڭ 5.2 تارماعىنا سايكەس كەلىسىم-شارتتىڭ بۇزىلعانى، وسى حابارلامانى العان كۇننەن باستاپ كۇنتىزبەلىك 30 كۇن ىشىندە بارلىق بىرگە تۇراتىن وتباسى مۇشەلەرىمەن بىرگە پەتروپاۆل قالاسى، پۋشكين كوشەسى، 86, № 4 جاتاقحانا، 50 پاتەر مەكەن-جايى بويىنشا تۇرعىن ءۇي-جايدان شىعۋ قاجەتتىگى جازىلعان.

الايدا، جاتاقحانادان نە ءۇشىن شىعۋىم كەرەكتىگىنىڭ سەبەپتەرىن تۇسىندىرمەگەن.

وسىلايشا، سولتۇستىك قازاقستان وبلىسىنىڭ اكىمدىگى جانە «م. قوزىباەۆ ات. سقۋ» كەاق باسقارما توراعاسىنىڭ – رەكتورىنىڭ م.ا. ە.م. يساكاەۆ وزدەرىنىڭ زاڭسىز ءىس-ارەكەتتەرىمەن ماعان جانە مەنىڭ وتباسىما وتە ۇلكەن مورالدىق شىعىن اكەلىپ وتىر.

2020 جىلعى 21 ءساۋىر كۇنى قول قويىلعان «سولتۇستىك قازاقستان وبلىسى پەتروپاۆل قالاسى اكىمدىگىنىڭ حالىقتى جۇمىسپەن قامتۋ ورتالىعى» كوممۋنالدىق مەملەكەتتىك مەكەمەسىنىڭ ديرەكتورى ا.ب. ەلياسوۆا جانە «ەڭبەك» باعدارلاماسىنا قاتىسۋشى – مەن، جاقىپ مىرزانتاي قوجابايۇلى، «جۇمىس كۇشىنىڭ ۇتقىرلىعىن ارتتىرۋ ءۇشىن ەرىكتى تۇردە قونىس اۋدارۋعا جاردەمدەسۋ بويىنشا مەملەكەتتىك قولداۋ كورسەتۋ تۋرالى الەۋمەتتىك كەلىسىمشارتتا» كورسەتىلگەن مىندەتتەردى ورىنداعان جوق.

اتاپ ايتقاندا، «سولتۇستىك قازاقستان وبلىسى پەتروپاۆل قالاسى اكىمدىگىنىڭ حالىقتى جۇمىسپەن قامتۋ ورتالىعى» كوممۋنالدىق مەملەكەتتىك مەكەمەسى:

- باعدارلاماعا قاتىسۋشىعا، ياعني ماعان جانە مەنىڭ جۇبايىم ل.ب. بايبولاتقا پەتروپاۆل قالاسىنا تۇراقتى جۇمىس ورنىنا جۇمىسقا ورنالاسۋىنا جاردەمدەسكەن جوق;

- جۇمىس بەرۋشى بولىپ تابىلاتىن «م. قوزىباەۆ ات. سقۋ» كەاق-دا وتكىزىلگەن بوس ورىندار تۋرالى اقپارات بەرگەن جوق.

سونىمەن بىرگە مەنىڭ وتباسىمنىڭ قونىس اۋدارۋشى رەتىندەگى جوعارىدا اتالعان كەلىسىمشارتتا كوزدەلگەن مەملەكەتتىك قولداۋ شارالارىن الۋعا قۇقىعىمىز بۇزىلىپ وتىر.

قازاقستان رەسپۋبليكاسى ۇكىمەتىنىڭ 2018 جىلعى 13 قاراشاداعى № 746 قاۋلىسىمەن بەكىتىلگەن «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسى بويىنشا مەنىڭ وتباسىما ون ەكى اي بويى اي سايىن تۇرعىن ءۇيدى جالداۋ (جالعا الۋ) جانە كوممۋنالدىق قىزمەتتەرگە اقى تولەۋ بويىنشا شىعىستاردى وتەۋگە 25 اەك مولشەرىندە ماتەريالدىق كومەك بەرىلۋى ءتيىس ەدى.

الايدا، «ەڭبەك» باعدارلاماسىنا قاتىسۋشى رەتىندە مەنىڭ وتباسىما تۇرعىن ءۇيدى جالداۋ (جالعا الۋ) جانە كوممۋنالدىق قىزمەتتەرگە اقى تولەۋ بويىنشا شىعىستاردى وتەۋگە ەكى-اق رەت: 17.09.2020 ج. – 69 450 تەڭگە، 15.10.2020 ج. – 69 450 تەڭگە اۋدارىلدى.

سونىڭ سالدارىنان «سولتۇستىك قازاقستان وبلىسى پەتروپاۆل قالاسى اكىمدىگىنىڭ حالىقتى جۇمىسپەن قامتۋ ورتالىعى» كوممۋنالدىق مەملەكەتتىك مەكەمەسى تاراپىنان «ەڭبەك» باعدارلاماسىنا قاتىسۋشى رەتىندە مەنىڭ وتباسىما تۇرعىن ءۇيدى جالداۋ (جالعا الۋ) جانە كوممۋنالدىق قىزمەتتەرگە اقى تولەۋ بويىنشا شىعىستاردى وتەۋگە ەكى-اق رەت: 17.09.2020 ج. – 69 450 تەڭگە، 15.10.2020 ج. – 69 450 تەڭگە اۋدارىلدى.

قازىرگى كەزدە بۇل الەۋمەتتىك كومەك تۇرىندەگى مەملەكەتتىك قولداۋ قاراجاتىن تولەۋدى سولتۇستىك قازاقستان وبلىسى اكىمدىگى «م. قوزىباەۆ ات. سقۋ» كەاق-نىڭ جاتاقحاناسىنان ءبىر بولمە بەرىلدى دەگەن جەلەۋمەن زاڭسىز توقتاتىلىپ تاستالدى.

سونىمەن بىرگە مەنىڭ جانە مەنىڭ وتباسىمنىڭ مۇشەلەرىنىڭ «حالىقتىڭ كوشى-قونى تۋرالى» قازاقستان رەسپۋبليكاسىنىڭ 2011 جىلعى 22 شىلدەدەگى № 477-IV زاڭىنىڭ 51-بابىنىڭ 1-تارماعى،  2-2) تارماقشاسىندا كورسەتىلگەن قونىس اۋدارۋشىلاردى قابىلداۋدىڭ وڭىرلىك كۆوتاسى شەڭبەرىندە قونىس اۋدارعان جاعدايدا، حالىقتىڭ كوشى-قونى ماسەلەلەرى جونىندەگى ۋاكىلەتتى ورگان ايقىندايتىن تارتىپپەن جانە مەرزىمدەرگە ۋاقىتشا ورنالاستىرۋ ورتالىقتارىنا باستاپقى ورنالاسۋعا قۇقىعىمىز ورەسكەل تۇردە بۇزىلدى.

ويتكەنى پەتروپاۆل قالاسىندا «حالىقتىڭ كوشى-قونى تۋرالى» قازاقستان رەسپۋبليكاسىنىڭ 2011 جىلعى 22 شىلدەدەگى № 477-IV زاڭىنىڭ 1-بابى، 18) تارماقشاسىندا كورسەتىلگەن ۋاقىتشا ورنالاستىرۋ ورتالىعى – ەتنيكالىق قازاقتار مەن قونىس اۋدارۋشىلاردىڭ، سونداي-اق ولاردىڭ وتباسى مۇشەلەرىنىڭ ۋاقىتشا تۇرۋىنا ارنالعان تۇرعىنجاي مۇلدەم جوق بولىپ شىقتى.

وسىلايشا، سولتۇستىك قازاقستان وبلىسىنىڭ اكىمدىگى «حالىقتىڭ كوشى-قونى تۋرالى» قازاقستان رەسپۋبليكاسىنىڭ 2011 جىلعى 22 شىلدەدەگى № 477-IV زاڭىنىڭ 53-بابى بويىنشا قونىس اۋدارۋشىلاردى قابىلداۋدىڭ وڭىرلىك كۆوتاسىنا ەنگىزىلگەن قازاقستان رەسپۋبليكاسىنىڭ ازاماتتارىنا مەملەكەتتىك قولداۋ شارالارى جانە الەۋمەتتىك كومەك كورسەتىلەدى دەگەن تالاپتى ورەسكەل تۇردە بۇزىپ وتىر.

سوندا بۇل سولتۇستىككە كوشىپ كەلگەن قونىس اۋدارۋشىلاردى قولداۋ ما، الدە قورلاۋ ما؟!

قۇرمەتپەن، مىرزانتاي قوجابايۇلى جاقىپ،

«ماناش قوزىباەۆ اتىنداعى سولتۇستىك قازاقستان ۋنيۆەرسيتەتى» كەاق عىلىمي-ادىستەمەلىك جانە پاتەنتتىك-ليتسەنزيالىق ءبولىمىنىڭ جەتەكشىسى، فيلولوگيا عىلىمدارىنىڭ كانديداتى (PhD), قاۋىمداستىرىلعان پروفەسسور (of Associate Professor)

قوسىمشا: Abai.kz اقپاراتتىق پورتالى ەركىن اقپارات الاڭى. مۇندا وي جارىستىرىپ، پىكىر الماستىرۋعا اركىم قۇقىلى. جوعارىداعى سپيكەردىڭ پىكىرى رەداكتسيا ۇستانىمىن بىلدىرمەيدى. الداعى ۋاقىتتا ماقالادا ەسىم-سويلارى اتالعان جەكەلەگەن ازاماتتار رەداكتسيامىزعا جاۋاپ بەرۋگە نيەتتى بولسا، ولاردىڭ دا پىكىرىن بەرۋگە ءازىرمىز. 

Abai.kz