2020 جىلدىڭ 31 جەلتوقسانىندا جاڭا 2021 جىلدى مەرەكەلەۋ قارساڭىندا "اۋىل" پارتياسىنىڭ جاستار قاناتى قر پارلامەنتى ءماجىلىسىنىڭ دەپۋتاتتىعىنا كانديدات الماس مۇحامەتوۆتىڭ قاتىسۋىمەن "اۋىل العا" فلەشموبىن وتكىزدى.

پارتيانىڭ جاس بەلسەندىلەرى الماتى قالاسىنداعى رەسپۋبليكا سارايى الدىنداعى "اباي" الاڭىنا جينالىپ، ەرەكشە قويىلىممەن بارشانى كەلە جاتقان جاڭا 2021 جىلمەن قۇتتىقتادى.

ءىس-شارا بارىسىندا پارلامەنت ءماجىلىسىنىڭ دەپۋتاتتىعىنا كانديدات الماس مۇحامەتوۆ جينالعاندارعا "اۋىل" پارتياسىنىڭ سايلاۋالدى باعدارلاماسىندا كوزدەلگەن جاستاردى قولداۋ شارالارى تۋرالى ايتىپ بەردى.

ونىڭ ايتۋىنشا، "اۋىل" پارتياسىنىڭ جاستاردى قولداۋ جونىندەگى باستامالارى تەرەڭ جانە جۇيەلى وزگەرىستەردى كوزدەيدى. سەبەبى قازىرگى اۋىل جاستارىنىڭ الدىندا تۇرعان نەگىزگى ماسەلە ەكونوميكالىق دەربەستىك. بۇعان اۋىلدا تۇراتىن جاستاردىڭ ايتارلىقتاي بولىگىنىڭ تومەن تابىسى مەن جۇمىسسىزدىقتىڭ جوعارى دەڭگەيى اسەر تەتۋدە. جاستار وتباسىلىق بيۋدجەتتى قولداۋدىڭ قوسىمشا كوزدەرىن ىزدەۋگە ءماجبۇر، ال 90% - ىندا قوسىمشا تابىس كوزدەرى جوق. ول بۇگىندە اۋىل جاستارىن قولداۋدىڭ قوسىمشا تەتىكتەرى قاجەت ەكەنىن اتاپ ءوتتى. پارتيا بۇل الەۋمەتتىك جانە نارىقتىق سالا سياقتى اۋىلدىڭ ينفراقۇرىلىمىن دامىتۋمەن كەشەندى تۇردە جۇزەگە اسىرىلاتىن شارالار بولۋى كەرەك دەپ سانايدى.

كانديدات اتاپ وتكەندەي، «اۋىل» پارتياسىنىڭ باستامالارى جاستار ءۇشىن ەڭ وزەكتى ماسەلەلەردى شەشۋگە باعىتتالعان. بۇل ساپالى اۋىز سۋدىڭ تاپشىلىعى، جولداردىڭ جاي-كۇيى، مەديتسينالىق قىزمەت كورسەتۋ پروبلەمالارى، بوس ۋاقىتتى ءتيىمدى وتكىزۋ مەكەمەلەرىنىڭ جەتىسپەۋى نەمەسە قول جەتىمسىزدىگى، بايلانىس پەن ينتەرنەت ساپاسىنىڭ تومەندىگى.

Abai.kz