ءبىلىم بارشا قازاقستاندىققا قولجەتىمدى بولۋى كەرەك
2 قاڭتاردا نۇر-سۇلتاندا قازاقستان حالىق پارتياسىنان قر پارلامەنتى ءماجىلىسىنىڭ دەپۋتاتتىعىنا كانديداتتار قازاقستاننىڭ ءبىلىم بەرۋ جۇيەسىندەگى پروبلەمالاردى تالقىلادى. دوڭگەلەك ۇستەل Zooم-كونفەرەنتسياسىنا قوسۋ جولىمەن ونلاين رەجيمدە ءوتتى.
سپيكەرلەر – قحپ اتىنان دەپۋتاتتىققا كانديداتتار ولجاس سىزدىقوۆ پەن يسلام سۇڭقار وزەكتى تاقىرىپتاردى قوزعادى: ءبىلىم ساپاسى مەن قولجەتىمدىلىگى، وڭىرلىك ۋنيۆەرسيتەتتەر قۇرۋ، وقۋلىقتاردى تسيفرلاندىرۋ، مەكتەپ وقۋشىلارىن تاربيەلەيتىن وتباسىلار ءۇشىن جەڭىلدەتىلگەن ينتەرنەت قوسۋ.
– مەملەكەت ساپالى جانە قولجەتىمدى بىلىمگە ينۆەستيتسيا سالۋ ەڭ الدىمەن ەلىمىزدىڭ ادامي كاپيتالىنا قارجى قۇيۋ ەكەنىن ءتۇسىنۋى كەرەك. ءبىزدىڭ پارتيا ءبىلىم بەرۋ سالاسىنداعى پروبلەمالاردى شەشۋ بويىنشا ناقتى جوسپار ازىرلەدى. ول بۇگىنگى تاڭدا كەز كەلگەن زاماناۋي مەملەكەتتىڭ ەڭ باستى مىندەتتەرىنىڭ ءبىرى بولىپ تابىلادى، – دەپ اتاپ ءوتتى كونفەرەنتسيا بارىسىندا قحپ اتىنان دەپۋتاتتىققا كانديدات ولجاس سىزدىقوۆ.
قازاقستان حالىق پارتياسىنىڭ مۇشەلەرى قازاقستانداعى وقۋ ەلىمىزدىڭ بارلىق ازاماتتارىنا قولجەتىمدى بولۋى ءتيىس دەپ سانايدى.
– ءبىز كاسىپتىك-تەحنيكالىق وقۋعا جاڭا سەرپىن بەرۋ، ولاردىڭ جانىنداعى كەشكى مەكتەپتەردى قايتا قۇرۋ، بيۋدجەتتىڭ مۇمكىندىگىنشە ستيپەنديا تولەۋدى قاراستىرۋ قاجەت دەپ سانايمىز. مەملەكەتتىك ۇيىمدار مەن كاسىپورىندار ستۋدەنتتەرگە بازالىق جالاقى تولەي وتىرىپ، ولاردى بوس ورىندارعا جانە ۋاقىتشا پراكتيكاعا قابىلداۋعا مىندەتتى، – دەپ پىكىر ءبىلدىردى كانديدات يسلام سۇڭقار.
حالىق پارتياسىنىڭ مۇشەلەرى حالىقتىڭ كوشى-قونى مەن وڭىرلەردىڭ دامۋىنا بايلانىستى مەملەكەت وڭىرلىك ۋنيۆەرسيتەتتەر قۇرۋى ءتيىس ەكەنىن اتاپ ءوتتى. قالالارداعى اۋىل بالالارى ءۇشىن زاماناۋي ينفراقۇرىلىمى بار مەكتەپ-ينتەرناتتاردى قايتا قۇرۋ قاجەت.
– قحپ قاجەتى شامالى جوعارى وقۋ ورىندارىنىڭ سانىن قىسقارتا وتىرىپ، وقىتۋ ساپاسىن ارتتىرۋدى جوسپارلاپ وتىر. بيۋدجەت قاراجاتى ەسەبىنەن گرانتتىق وقىتۋ بويىنشا باسىم ماماندىقتاردى انىقتاۋ ماسەلەسىندە ءتارتىپ ورناتۋ وتە ماڭىزدى، – دەپ مالىمدەدى كونفەرەنتسيا بارىسىندا قحپ اتىنان پارلامەنت ءماجىلىسىنىڭ دەپۋتاتتىعىنا كانديداتتار.
Abai.kz
