كوروناۆيرۋسقا قارسى Pfizer ۆاكتسيناسى ەلگە تەك جىلدىڭ ەكىنشى جارتىسىندا عانا اكەلىنۋى مۇمكىن. بۇل تۋرالى «حابار 24» ارناسىندا وتكەن بريفينگتە دەنساۋلىق ساقتاۋ ءمينيسترى الەكسەي تسوي مالىمدەدى.

تسويدىڭ ايتۋىنشا، مينيسترلىك قىزمەتكەرلەرى امەريكاندىق كومپانيا وكىلدەرىمەن كەلىسسوزدەردى باستادى. ازىرگە ۆاكتسينانىڭ باعاسى مەن كولەمى قۇپيا ساقتالادى. تەك جەتكىزۋ جولدارى مەن مەرزىمى الدىن الا تالقىلانعان.

مينيسترلىك ءوز تاراپىنان اتالعان ۆاكتسينانى ەلگە جەتكىزۋ ءىسىن جەدەلدەتۋگە ءوتىنىش بىلدىرگەن.

ايتا كەتەيىك، وتاندىق عالىمدار جاساعان ۆاكتسينا قازىر كلينيكالىق زەرتتەۋدىڭ ءۇشىنشى كەزەڭىنەن ءوتىپ جاتىر. وعان ەرىكتى تۇردە مىڭ ادام قاتىسقان.

Abai.kz