جەرگىلىكتى باق-تىڭ جازۋىنشا، كەلىسسوزدىڭ ەكىنشى كەزەڭىندە رەسمي كابۋل مەن ء"تاليبان" راديكالدى قوزعالىسى اراسىندا سوعىستى، زورلىق-زومبىلىقتى تولىعىمەن توقتاتۋ ماسەلەلەرى تالقىلانادى.
اۋعانستاننىڭ بەيبىتشىلىك مينيسترلىگىڭ ءباسپاسوز حاتشىسى نادجيا انۆاري، ۇكىمەت دەلەگاتسياسى كاتار استاناسىنا بەلگىلەنگەن كۇنى بارادى دەپ مالىمدەدى.
ء"تاليبان" قوزعالىسىنىڭ ءباسپاسوز حاتشىسى مۋحامماد نايم دا كەلىسسوزدىڭ ەكىنشى كەزەڭىنە ءتالىب دەلەگاتسياسىنىڭ باراتىنىن جەتكىزدى.
وسىعان دەيىن كابۋل مەن ء"تاليبان" اراسىنداعى كەلىسسوزدەر اۋعانستاننىڭ وزىندە وتەدى دەپ حابارلانعان. بىراق 27 جەلتوقساندا ۇلتتىق ءبىتىم بويىنشا جوعارعى كەڭەستىڭ باسشىسى ابدۋللا ابدۋللا كەلىسسوز دوحودا جالعاسادى دەدى.
سوعىستى توقتاتۋ تۋرالى كەلىسسوزدەر ءجۇرىپ جاتقانىنا قاراماستان، اۋعانستاندا قاقتىعىس توقتاماي تۇر. 26 جەلتوقساندا كابۋلدا 4 رەت جارىلىس بولىپ، كەمىندە ەكى ادام قايتىس بولىپ، 6 ادام جاراقات الدى.
بىلتىر 29 اقپاندا اقش مەن ء"تاليبان" اۋعانستاندا بەيبىت كەلىسسوزدى باستاۋ تۋرالى كەلىسىمگە قول قويعان. بۇل كەلىسىمگە سايكەس، اۋعانستاننان شەتەل اسكەرى 2021 جىلدىڭ مامىر ايىنا دەيىن كەتۋى ءتيىس.
Abai.kz
