تۇرعىندارعا اسا قاجەت بولعان جاعدايدا عانا ۇيدەن شىعۋعا كەڭەس بەرىلدى. دۇكەندەر مەن قىزمەت كورسەتۋ مەكەمەلەرىنىڭ دەنى جابىلادى، ال مەكتەپتەر قاشىقتان وقىتۋعا كوشەدى.
انگليادا وسىمەن ءۇشىنشى مارتە كوروناۆيرۋسقا قاتىستى جالپىۇلتتىق لوكداۋن جاريالاندى. العاش رەت قاتاڭ كارانتين بىلتىرعى ناۋرىزدا، سوسىن – قاراشا ايىندا ەنگىزىلگەن. بىراق جەلتوقسان ايىنىڭ باسىندا لوكداۋن اياقتالعان. بىراق جىل سوڭىندا لوندون قالاسىندا جانە انگليانىڭ وڭتۇستىك-شىعىسىندا ۆيرۋس جۇقتىرعاندار كۇرت ءوستى. وعان كوروناۆيرۋستىڭ «ەرەكشە» شتاممى سەبەپ بولدى. دجونسون ۆيرۋستىڭ بۇل ءتۇرىنىڭ جۇعۋ كورسەتكىشى 50-70 پايىز كۇشتى ەكەنىن راستادى.
پرەمەر-مينيستر ەلدە وتكەن ايدا حالىققا ۆاكتسينا ەگۋ ناۋقانى باستالعانىن ەسكە سالدى. شامامەن ءبىر ميلليونعا جۋىق ادام ۆاكتسينا قابىلداعان.
كوروناۆيرۋس پاندەمياسى باستالعان جىلعا جۋىق ۋاقىتتا ۇلىبريتانيادا 2,5 ميلليوننان استام ادامنىڭ ۆيرۋس جۇقتىرعانى انىقتالدى. 75 مىڭنان استام ادام وسى اۋرۋدان قايتىس بولدى. قازىر ءبىر تاۋلىكتە 50 مىڭنان استام ادامنىڭ ۆيرۋستىڭ جاڭا ءتۇرىن جۇقتىرعانى انىقتالىپ جاتىر.
Abai.kz
