كەلىسىمگە سايكەس، قاڭتار ايىنىڭ باسىندا ددسۇ-نىڭ حالىقارالىق ساراپشىلارى قىتايدىڭ ۋحان قالاسىنا كوروناۆيرۋستىڭ شىعۋىن زەرتتەۋ ءۇشىن بارۋى كەرەك بولعان. 16 جەلتوقساندا ددسۇ باسشىسى بەيجىڭ رۇقسات بەرگەنىن مالىمدەگەن.

ددسۇ-نىڭ توتەنشە جاعدايلار بويىنشا باعدارلاما ديرەكتورى مايكل رايان ەكى ەكسپەرتتىڭ قىتايعا كىرىپ ۇلگەرگەنىن، ال قالعاندارىنا رۇقسات بەرمەگەنىن ايتتى. ول بۇل ماسەلە تاياۋدا شەشىمىن تابادى دەپ ۇمىتتەنەدى.

ۋحان قالاسىندا كوروناۆيرۋستىڭ پايدا بولۋى بەيجىڭ ادرەسىنە كوپتەگەن سىندار ايتىلدى. اقش پرەزيدەنتى دونالد ترامپ COVID-19 ۆيرۋسىن وزگە ەلدەرگە تارالۋىنا جول بەردى دەپ قىتايدى بىرنەشە رەت ايىپتاعان.

بىلتىر جەلتوقسان ايىندا CNN تەلەكانالى قىتايداعى حۋبەي پروۆينتسياسىنداعى ىندەتتىڭ الدىن الۋ ورتالىعىنىڭ 117 بەتتىك قۇجاتى رەداكتسياعا تۇسكەنىن مالىمدەگەن. وندا قىتاي ۇكىمەتىنىڭ ۆيرۋستان ادامداردىڭ ءولىپ جاتقانىن جاسىرعانى ايتىلعان. ەگەر بۇل مالىمەت سول كەزدە جاريالانعاندا، ۆيرۋستىڭ الەمگە تارالۋىنا جول بەرىلمەۋشى ەدى دەيدى ساراپشىلار.

پاندەميا باستالعاننان بۇگىنگى كۇنگە دەيىن جەر بەتىندە 1,8 ميلليون ادام قايتىس بولعان. 86 ميلليوننان استام ادام ۆيرۋس جۇقتىرعان.

Abai.kz