2021 جىلى 7 قاڭتاردا قۇرامىندا سولتۇستىك قازاقستان وبلىسىنىڭ وبلىستىق جانە اۋداندىق ءماسليحاتتارىنا كانديداتتارى بار «اۋىل» حالىقتىق-دەموكراتيالىق پاتريوتتىق پارتياسىنىڭ ۇگىت-ناسيحات توبى «ازيا تارانگۋل» جشس-دا بولدى. ەڭبەك ۇجىمىمەن كەزدەسۋ «اۋىلدان اۋىلعا» اكتسياسى اياسىندا «اۋىل» پارتياسىنىڭ وڭىرلىك فيليالىنىڭ باسشىسى تەمىرعالي ءابىلماجىنوۆتىڭ قاتىسۋىمەن ءوتتى.

«ازيا تارانگۋل» - مال شارۋاشىلىعىمەن جانە ءداندى داقىلداردى وسىرۋمەن اينالىساتىن وڭىردەگى جەتەكشى شارۋاشىلىق. كاسىپورىن جەرگىلىكتى حالىقتى جۇمىس ورىندارىمەن قامتاماسىز ەتەدى، وتاندىق اۋىل شارۋاشىلىعى ونىمدەرىن ەكسپورتتاۋعا جانە اۋىلدىڭ الەۋمەتتىك ينفراقۇرىلىمىن دامىتۋعا اتسالىسۋدا.

شارۋاشىلىق باسشىسىنىڭ ايتۋىنشا، «اۋىل» پارتياسىنىڭ ازىق-تۇلىك قاۋىپسىزدىگى تۋرالى زاڭدى قابىلداۋ جونىندەگى باستاماسى وتە ۋاقىتىلى، ويتكەنى سوڭعى جىلدارى اوك سۋبەكتىلەرىن مەملەكەتتىك قولداۋ جۇيەسىندە «تۇراقتىلىق» ۇعىمى جوعالىپ كەتتى. جاڭا باسشىلاردىڭ كەلۋىمەن سۋبسيديالاۋ ەرەجەلەرى مەن ولاردى الۋ شارتتارى وزگەرەدى. مۇنىڭ ءبارى ۇزاق مەرزىمدى كەزەڭگە وندىرىستىك قىزمەتتى ستراتەگيالىق جوسپارلاۋعا تەرىس اسەر ەتەدى.

وڭىرلىك فيليال توراعاسى ت.ءابىلماجىنوۆتىڭ پىكىرىنشە، بۇل ماسەلە بارلىق دەڭگەيدە ورىن الۋدا. ارنايى زاڭدا پارتيا بارلىق تىكەلەي جانە جاناما شارالاردى قاراستىرۋدى جوسپارلاپ وتىر، وسىلايشا مەملەكەتتىك ۋاكىلەتتى ورگاندار ەرەجە مەن شارتتاردى ەمەس، سۋبسيديالاۋ نورماتيۆتەرىن عانا تۇزەتەتىن بولادى. بۇدان باسقا، ازىق-تۇلىك قاۋىپسىزدىگى تۋرالى زاڭنىڭ قابىلدانۋى سالانى مەملەكەتتىك رەتتەۋ شارالارىن تۇراقتاندىرۋعا مۇمكىندىك بەرەدى.

كەزدەسۋدە سونداي-اق، كوكتەمگى ەگىس جانە ەگىن جيناۋ جۇمىستارى كەزىندە اۋىل شارۋاشىلىعى تەحنيكاسىن جاڭارتۋدىڭ تومەن دەڭگەيى جانە ججم قولجەتىمدىلىگى ماسەلەلەرى ايتىلدى.

سونداي-اق، بۇگىن قر پارلامەنتى ءماجىلىسىنىڭ دەپۋتاتتىعىنا ۇمىتكەرلەر جانە وبلىستىق، اۋداندىق ءماسليحاتتار دەپۋتاتتىعىنا كانديداتتار پاۆلودار، شقو، سقو، تۇركىستان وبلىستارىندا شارۋا قوجالىق ۇجىمدارىمەن جانە ىسكەر ايەلدەرمەن، كوپبالالى انالارمەن كەزدەسۋلەر وتكىزىپ، پارتيانىڭ سايلاۋالدى باعدارلاماسىن تانىستىردى.

پاۆلودار وبلىسى، پاۆلودار اۋدانى، نابەرەجنوە اۋىلىندا قر پارلامەنتى ءماجىلىسىنىڭ دەپۋتاتتىعىنا ۇمىتكەر ارسيۋتين ن.گ.، پاۆلودار وبلىستىق ءماسليحات دەپۋتاتتىعىنا ۇمىتكەرلەر امانجولوۆ ب.ا.، توقتۋشاكوۆ ە.چ.، «اۋىل» حدپپ قوعامدىق بىرلەستىگىنىڭ سەنىمدى وكىلدەرى بايگۋرمانوۆ ە.ن.، باتىرشاەۆ ا.و.، جەكسەنبي م.ا. «انداس» شارۋا قوجالىعىنىڭ ۇجىمىمەن كەزدەسۋ وتكىزدى.

تۇركىستان قالاسىندا قر پارلامەنت ماجىلىسىنە ۇمىتكەرلەر ق.ءا.ارالبەكوۆا، ر.ءا.توقسەيتوۆا، ب.تولەگەن تۇركىستان قالالىق ءماسليحاتىنا ۇمىتكەر ق.ك.بايمەن، قازىعۇرت اۋداندىق ءماسليحاتىنا ۇمىتكەر س.ستىباەۆا ىسكەر ايەلدەرمەن جانە كوپبالالى انالارمەن كەزدەسىپ، پارتيانىڭ سايلاۋالدى باعدارلاماسىن تانىستىردى جانە كوپبالالى انالاردىڭ ماسەلەلەرىن تىڭدادى.

شقو، گلۋبوكوە اۋدانى، پراپورششيكوۆو كەنتىندە «اۋىل» حدپپ-سى اتىنان وبلىستىق جانە اۋداندىق ماسليحاتتارعا كانديداتتار م.ت.فارادجەۆ «مۋرزىكانوۆا» شق-نىڭ ۇجىمىمەن كەزدەستى.

«اۋىل» حالىقتىق-دەموكراتيالىق پاتريوتتىق پارتياسىنىڭ ءباسپاسوز قىزمەتى

Abai.kz