دۇنيەجۇزىلىك بانك ورتالىق ازيا مەملەكەتتەرىنىڭ الداعى ەكونوميكالىق ءوسىمى تۋرالى بولجام جاساعان. وعان سايكەس، وزبەكستان ءىجو كورسەتكىشى بويىنشا وا-نىڭ 11 مەملەكەتىنىڭ كوش باسىندا تۇر.

ياعني، دۇنيەجۇزىلىك بانك 2021 جىلى وزبەكستاننىڭ ءىجو-ن 4,3 % بولادى دەپ بولجاعان. ال، 2022 جىلى بۇل كورسەتكىش 4,5 % بولۋى مۇمكىن.

بۇل كورسەتكىش بويىنشا، دۇنيەجۇزىلىك بانك قازاقستاننىڭ 2021 جىلعى ءىجو 2,5% بولادى دەپ بولجايدى. ال، ءىجو كورسەتكىشى بويىنشا قازاقستان وا-نىڭ 11 مەملەكەتىنىڭ ىشىندە 9 ورىندا تۇر.

ايتا كەتەيىك، بۇعان دەيىن الەمدەگى نارىقتىق كاپيتاليزاتسيا بويىنشا ەڭ قىمبات كومپانيا Apple-دىڭ ورتالىق ازيادا العاش رەت وزبەكستاندا رەسمي كەڭسەلەرى اشىلاتىنى تۋرالى اقپارات شىققان. بۇل تۋرالى وزبەكستاننىڭ اقپاراتتىق تەحنولوگيا جانە كوممۋنيكاتسيالار مينيسترلىگىنىڭ وكىلى شەرزود احماتوۆ مالىمدەگەن ەدى.

ونىڭ ايتۋىنشا، 2020 جىلعى 1 قاراشاداعى جاعدايعا سايكەس، وزبەكستانعا ۇيالى تەلەفونداردىڭ زاڭدى يمپورتى وتكەن جىلدىڭ سايكەس كەزەڭىمەن سالىستىرعاندا 10 ەسەگە وسكەن.

«2020 جىلعى قاڭتار مەن 1 قاراشا ارالىعىندا وزبەكستان 781,7 مىڭ ۇيالى تەلەفون يمپورتتادى;

ءبىزدىڭ ەلدە الەمدەگى توپ-10 كومپانيانىڭ ءبىرى بولىپ تابىلاتىن Samsung كومپانياسىنىڭ 4 رەسمي كەڭسەسى اشىلدى;

جاقىن كۇندەرى Apple كومپانياسىنىڭ رەسمي كەڭسەلەرى دە اشىلادى دەپ جوسپارلانۋدا»،- دەدى  احماتوۆ.

Abai.kz