وتكەن سەنبىدە بولعان ميتينگىدەن جۇرت قۇلاعدار. پوليتسيا بۇل جولى دا «تياناقتى» دايىندالىپتى. اباي ەسكەرتكىشىنىڭ الدىنان باستاپ، رەسپۋبليكا سارايىنىڭ اينالاسىن تۇگەل قورشاپتى. ءار تەمىر شارباقتىڭ قاسىندا ءبىر پوليتسەي.

ءسويتىپ، اباي ەسكەرتكىشى قورشاۋدا قالدى.

ميتينگ. ىعى-جىعى ادام. «قىتايدان كەلگەن تۋىستارىمدى قىدىرتىپ ءجۇر ەدىم»، دەگەن ءسوزدى قۇلاعىم شالدى. جالت قاراسام: ۇستىنە سارى تون، باسىنا سۋىر تىماقتى كەپتەي كيگەن قازاق، بۋراداي جاراپ، كوزى قاراۋىتىپ، سۇزەگەن بۇقاداي كىمگە سوقتىعارىن بىلمەي جۇرگەن ءبىر پوليتسەيگە الدەنەنى ءتۇسىندىرىپ جاتىر. جاقىنداپ تىڭ تىڭدادىم. «تۋىستار ابايدىڭ ەسكەرتكىشىن كورىپ، جانىنا سۋرەتكە تۇسپەكشى بولىپ كەلىپ ەدىك. ابايدى قورشاپ، ساقشى قويىپ تاستاپتى. ار جاققا قالاي وتسەك؟» پوليتسەي سول باياعى قالپى. وزگەرمەگەن. قاباعى قاتۋلى. ءجۇزى سۋىق. ءجۇرىسى سۋىت. كوزى تىمىسكىلەنىپ تۇر. كەز كەلگەن ادامنىڭ بەتىنە ءتونىپ كەلىپ، اقىرىپ، دىكەڭدەپ، نۇسقاۋ بەرە سويلەيدى. سول ادەتىمەن:  «ابايعا جاقىنداۋعا، جانىنا بارۋعا بولمايدى!»، دەدى.

سارى تون كيگەن قازاق، سالى سۋعا كەتكەندەي، ۋ دا، شۋ بولىپ جاتقان ۇركەردەي توپ پەن پوليتسيانىڭ تايتالاسىنا شوشىنا قاراپ تۇرعان تۋىستارىنا قاراي اياڭدادى. اشىنعاننان اششى داۋسى شىعىپ جاتقان ارتتاعى جۇرتقا جالتاقتاپ قاراپ قويادى.

وتكەن سەنبىدە بولعان ميتينگىدەن جۇرت قۇلاعدار. پوليتسيا بۇل جولى دا «تياناقتى» دايىندالىپتى. اباي ەسكەرتكىشىنىڭ الدىنان باستاپ، رەسپۋبليكا سارايىنىڭ اينالاسىن تۇگەل قورشاپتى. ءار تەمىر شارباقتىڭ قاسىندا ءبىر پوليتسەي.

ءسويتىپ، اباي ەسكەرتكىشى قورشاۋدا قالدى.

ميتينگ. ىعى-جىعى ادام. «قىتايدان كەلگەن تۋىستارىمدى قىدىرتىپ ءجۇر ەدىم»، دەگەن ءسوزدى قۇلاعىم شالدى. جالت قاراسام: ۇستىنە سارى تون، باسىنا سۋىر تىماقتى كەپتەي كيگەن قازاق، بۋراداي جاراپ، كوزى قاراۋىتىپ، سۇزەگەن بۇقاداي كىمگە سوقتىعارىن بىلمەي جۇرگەن ءبىر پوليتسەيگە الدەنەنى ءتۇسىندىرىپ جاتىر. جاقىنداپ تىڭ تىڭدادىم. «تۋىستار ابايدىڭ ەسكەرتكىشىن كورىپ، جانىنا سۋرەتكە تۇسپەكشى بولىپ كەلىپ ەدىك. ابايدى قورشاپ، ساقشى قويىپ تاستاپتى. ار جاققا قالاي وتسەك؟» پوليتسەي سول باياعى قالپى. وزگەرمەگەن. قاباعى قاتۋلى. ءجۇزى سۋىق. ءجۇرىسى سۋىت. كوزى تىمىسكىلەنىپ تۇر. كەز كەلگەن ادامنىڭ بەتىنە ءتونىپ كەلىپ، اقىرىپ، دىكەڭدەپ، نۇسقاۋ بەرە سويلەيدى. سول ادەتىمەن:  «ابايعا جاقىنداۋعا، جانىنا بارۋعا بولمايدى!»، دەدى.

سارى تون كيگەن قازاق، سالى سۋعا كەتكەندەي، ۋ دا، شۋ بولىپ جاتقان ۇركەردەي توپ پەن پوليتسيانىڭ تايتالاسىنا شوشىنا قاراپ تۇرعان تۋىستارىنا قاراي اياڭدادى. اشىنعاننان اششى داۋسى شىعىپ جاتقان ارتتاعى جۇرتقا جالتاقتاپ قاراپ قويادى.

قورشاۋدا - اباي. سىرتتا - جۇزدەگەن قۇقىق قورعاۋشى قۇقىن تاپتاپ قانا  قويماي، قاۋمالاي قورشاپ، جان-جاقتان اتا جاۋىن كورگەندەي انتالاپ، جولاي ءبولىنىپ قالعانداردى يت جۇلعان تەرىدەي ءار جاققا بىردەن، ەكىدەن اكەتىپ جاتقان - الاش جۇرتى.

الاڭداردا باستالىپ، اۆتوبۋستاردا تۇنشىعىپ جاتقان الاشتىڭ جان داۋسىن اۋەلى اللا، سوسىن اباي عانا ەستىپ تۇر. وزگەلەرى - «سوقىر، مىلقاۋ، تانىماس ءتىرى جاندى»...

«اباي-اقپارات»