شاعىمدار مەن بۇزۋشىلىقتارسىز. ۇقشۇ پارلامەنتتىك اسسامبلەياسى باقىلاۋشىلارىنىڭ قورىتىندى مالىمدەمەسى. سايلاۋ قورىتىندىسىنا ارنالعان بريفينگتە رف فەدەرالدىق جينالىسى فەدەراتسيا كەڭەسىنىڭ حالىقارالىق ىستەر جونىندەگى كوميتەتى توراعاسىنىڭ ورىنباسارى باير جامسۋەۆ ءوز ارىپتەستەرىنىڭ پىكىرىن جەتكىزدى.

«ءبىزدىڭ دەلەگاتسيا مۇشەلەرى ۋچاسكەلىك كوميسسيالارعا بارعان كەزدە سايلاۋشىلاردان ەشقانداي ەسكەرتۋلەر مەن شاعىمدار تۇسكەن جوق. ءبىر كۇن بۇرىن ءبىز بارلىق ساياسي پارتيالاردىڭ شتاب وكىلدەرىمەن كەزدەستىك. اڭگىمە بارىسىندا سايلاۋ كوميسسيالارىنىڭ جۇمىسىنا، سايلاۋ ناۋقانىنىڭ جۇمىسىنا مەملەكەتتىك بيلىك ورگاندارى تاراپىنان ارالاسۋعا قاتىستى بىردە-ءبىر شاعىم ايتىلعان جوق.

سوندىقتان جۇمىسىمىزدىڭ قورىتىندىسى بويىنشا قاراعان قورىتىندى مالىمدەمەمىزدە بىردە-ءبىر بۇزۋشىلىقتى نەمەسە شاعىمدى كورسەتكەن جوقپىز. ميسسيادا تەك رەسەي فەدەراتسياسىنىڭ عانا ەمەس، ارمەنيا، تاجىكستان، بەلارۋس، ۇقشۇ پارلامەنتتىك اسسامبلەياسىنا كىرەتىن بارلىق مەملەكەتتەردىڭ وكىلدەرى جۇمىس ىستەدى. ءبىزدىڭ ميسسيامىز سايلاۋ حالىقارالىق نورمالارعا جانە قازاقستاننىڭ سايلاۋ تۋرالى ۇلتتىق زاڭناماسىنا قاتاڭ سايكەستىكتە جوعارى ۇيىمداستىرۋشىلىق دەڭگەيدە ءوتتى دەپ باعالايدى»، - دەپ تۇيىندەدى ميسسيا وكىلى.

Abai.kz