بۇگىن مەملەكەت باسشىسى قاسىم-جومارت توقاەۆ جەتىنشى شاقىرىلعان قر پارلامەنتىنىڭ ءبىرىنشى سەسسياسىن جيناۋ تۋرالى قاۋلىعا قول قويدى.

«قازاقستان رەسپۋبليكاسى كونستيتۋتسياسىنىڭ 59-بابىنىڭ 2-تارماعىنا سايكەس،

1. جەتىنشى شاقىرىلعان قازاقستان رەسپۋبليكاسى پارلامەنتىنىڭ ءبىرىنشى سەسسياسى 2021 جىلعى 15 قاڭتاردا ساعات 10:00-دە نۇر-سۇلتان قالاسىندا شاقىرىلسىن.

2. وسى جارلىق قول قويىلعان كۇنىنەن باستاپ قولدانىسقا ەنگىزىلەدى»,-   دەلىنگەن حابارلامادا.

ياعني، ەرتەڭ پرەزيدەنت توقاەۆ ءماجىلىستىڭ جاڭا دەپۋتاتتارىنىڭ جۇمىسىن باستاپ، ۇندەۋ جاسايدى. ول وسىعان دەيىن ۇكىمەت دوعارىسقا كەتۋى كەرەك دەپ مالىمدەگەن ەدى. دەمەك، ەرتەڭ سول ايتقان اۋىس-ءتۇيىس تە بوپ قالۋى مۇمكىن.

قازىردىڭ وزىندە ەل اراسىندا ۇكىمەتتىڭ جاڭا قۇرامى تۋرالى ءارتۇرلى بولجامدار جاسالىپ جاتىر. ماسەلەن، الەۋمەتتىك جەلىدە مىناداي كوللاج تارالعان.

وندا، سەناتتى احمەتجان ەسىموۆ باسقاراتىنى، ال ءماجىلىس سپيكەرى بولىپ داريعا نۇرسۇلتانقىزى تاڭدالعانى جازىلىپتى.

سونداي-اق، ۇكىمەتتىڭ تىزگىنىن باۋىرجان بايبەك الادى دەگەن دە بولجام بار. ال، ەكس-مينيستر تامارا دۇيسەنوۆا بايبەكتىڭ ورىنباسارى بولۋى مۇمكىن ەكەن. قازىرگى ساۋدا جانە ينتەگراتسيا ءمينيسترى باقىت سۇلتانوۆ, يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ سىندى شەندىلەر پرەمەر ءمينيستردىڭ ورىنباسارى دەپ كورسەتىلگەن.

ودان بولەك، بىرقاتار جاڭا مينيسترلەر پايدا بولادى-مىس. ماسەلەن، اۋىل شارۋاشىلىق مينيسترلىگىنە 2019 جىلى پرەزيدەنتتىككە ۇمىتكەر بولعان تولەۋتاي راحىمبەكوۆ, مادەنيەت جانە سپورت مينيسترلىگىنە «نۇر وتان» پارتياسىنىڭ حاتشىسى ارمان قىرىقباەۆ, قورعانىس مينيسترلىگىنە اسەت يسەكەشوۆ بارادى دەگەن بولجام بار. ولارمەن بىرگە، مارات قوجاەۆ ء(ىىم), ەرلان اۋكەنوۆتەردىڭ دە (ەڭبەك جانە حالىقتى الەۋمەتتىك قورعاۋ ءمينيسترى) ەسىمدەرى اتالادى.

ەل ىشىندە تارالعان تاعى ءبىر بولجام مىنانداي:

بۇعان سەنسەك، ۇكىمەتتى نۇرلان نىعماتۋلين باسقارادى. ال، ونىڭ ورىنباسارى بولىپ باۋىرجان بايبەك، رومان سكليار جانە قازىرگى ءبىلىم جانە عىلىم ءمينيسترى اسحات ايماعامبەتوۆ تاعايىندالاتىن كورىنەدى.

بۇل جولى مادەنيەت پەن سپورتتى سەرىك ساپيەۆ, ءبىلىم جانە عىلىم مينيسترلىگىن قازۇۋ-دىڭ رەكتورى عالىمقايىر مۇتانوۆ, اقپارات جانە قوعامدىق دامۋ مينيسترلىگىن نۇرگۇل ماۋبەرلينوۆا, ەڭبەك جانە حالىقتى الەۋمەتتىك قورعاۋ مينيسترلىگىن قايتادان تامارا دۇيسەنوۆا قولىنا الادى-مىس.

بۇل ناقتى اقپارات ەمەس! ەل اۋزىنداعى بولجام عانا. ال، ەرتەڭگى كادرلىك اۋىس-تۇيىستەر تۋرالى ءسىز نە ويلايسىز؟

نۇربيكە بەكسۇلتانقىزى

Abai.kz