"رەسەي بيلىگى ناۆالنىيعا قارسى جويقىن ناۋقان جۇرگىزىپ وتىر. ولار بەرليننەن ماسكەۋدىڭ "شەرەمەتەۆو" اۋەجايىنا كەلىپ، ساناۋلى مينۋتتان سوڭ ۇستالعان تانىمال كرەمل سىنشىسى الەكسەي ناۆالنىيدى تەز ارادا بوساتۋى قاجەت" دەپ جازدى ۇيىم Twitter-پاراقشاسىندا.

ەۋروپالىق كەڭەستىڭ توراعاسى شارل ميشەل ناۆالنىيدىڭ ۇستالۋىن "قابىلداۋعا بولمايتىن ارەكەت" دەپ، ونى بوساتۋعا شاقىردى.

ناۆالنىيدىڭ ۇستالۋىن بالتىق ەلدەرىنىڭ سىرتقى ىستەر مينيسترلىگىنىڭ باسشىسى دا ايىپتادى. بىرلەسكەن مالىمدەمەدە ەۋرووداق ساياساتكەردى بوساتپاسا، رەسەيگە قارسى سانكتسيانى قاراۋى ءتيىس دەدى.

ناۆالنىيدى قولداپ ەۋروپالىق ساياساتكەرلەر دە جازدى. پولشا سىرتقى ىستەر ءمينيسترى پىكىرىن ورىس تىلىندە جازدى.

اقش-تىڭ جاڭادان سايلانعان پرەزيدەنتى دجو بايدەننىڭ كەڭەسشىسى دجەيك سالليۆان ناۆالنىيدىڭ ۇستالۋىن ايىپتاپ، ءۇنىن ەستىرتكىسى كەلەتىن رەسەي حالقىن بالاعاتتاۋ دەدى.

بەلارۋس وپپوزيتسياسىنىڭ ليدەرى سۆەتلانا تيحانوۆسكايا دا رەسەيلىك وپپوزيتسيونەردى قولداپ، مالىمدەمە جاسادى.

رەسەيدىڭ وپپوزيتسيالىق ساياساتكەرى وتكەن جىلدىڭ تامىزىندا تومسكىدەن ماسكەۋگە جول تارتقان ۇشاقتا ءحالى كۇرت ناشارلاپ، ەسىنەن تانعان. ۇشاق ەكيپاجى شۇعىل تۇردە ومبى قالاسىنا قونىپ، سول جەردەن ونى جەدەل جاردەم قىزمەتى جەرگىلىكتى اۋرۋحانعا الىپ كەتكەن. ەكى كۇننەن سوڭ ول ەس-ءتۇسسىز كۇيى گەرمانياعا جەتكىزىلگەن. قىركۇيەكتىڭ باسىندا گەرمانيا ۇكىمەتى ناۆالنىيدىڭ دەنەنسىنەن "نوۆيچوك" ۋىنىڭ ءىزىن انىقتاعان. كەيىنىرەك تاۋەلسىز زەرتحانالار ساياساتكەردەن الىنعان ۇلگىدە ۋدىڭ بارىن راستاعان.

17 قاڭتار كۇنى ناۆالنىي جارى يۋليامەن، ءباسپاسوز حاتشىسى كيرا يارمىش، زاڭگەرى ولگا ميحايلوۆا جانە كوپتەگەن جۋرناليستپەن بىرگە بەرليننەن ماسكەۋگە ۇشقان. اۋەلى "ۆنۋكوۆو" اۋەجايىنا قونۋى كەرەك بولعان ۇشاق قونۋعا جاقىن قالعاندا كەنەت "شەرەمەتەۆو" اۋەجايىنا جول تارتقان. اۋەجايدىڭ كەدەن قىزمەتىنەن وتەر ساتتە ونى پوليتسيا ۇستاپ اكەتتى. قۇقىق قورعاۋ ورگاندارى زاڭگەرىنىڭ قارسىلىعىنا قاراماستان ناۆالنىيدىڭ ءبىر ءوزىن عانا الىپ كەتتى.

"الەكسەي ناۆالنىيدى ۇستاعانى رەسەي بيلىگىنىڭ ونىڭ اۋزىن جاپقىسى كەلەتىنىن ودان ءارى دالەلدەپ وتىر" دەيدى Amnesty International ۇيىمى ماسكەۋ وكىلدىگىنىڭ ديرەكتورى ناتاليا زۆياگينا ۇيىمنىڭ ءباسپاسوز حابارلاماسىندا.

ناۆالنىيدىڭ قامالۋى فسب اگەنتتەرى جوعارىدان تۇسكەن بۇيرىق نەگىزىندە ۋلادى دەگەندى تەرگەۋ قاجەتتىلىگىن نىقتاي ءتۇستى دەيدى زۆياگينا.

زۆياگينانىڭ سوزىنشە، سونداي-اق جازانى ورىنداۋ جونىندەگى فەدەرالدىق قىزمەتتىڭ گەرمانيادا ەمدەلىپ جاتقان ناۆالنىيدان دەرەۋ ورالۋىن تالاپ ەتىپ، بولماسا تۇرمەگە قامالاتىنىن ايتىپ ۋلتيماتۋم قويۋى بيلىكتىڭ ساياساتكەرگە قارسى جويقىن ناۋقان جۇرگىزىپ وتىرعانىن كورسەتەدى.

"بيلىك الەكسەي ناۆالنىيدىڭ كەلۋىن قاۋىپسىزدىكتى قامتاماسىز ەتۋ جونىندەگى تولىققاندى وپەراتسياسى رەتىندە قاراپ، "ۆنۋكوۆو" اۋەجايىنا جۇزدەگەن پوليتسەي تارتىلدى. اۋا تەمپەراتۋراسى –20 گرادۋس كەزىندە ناۆالنىي جاقتاستارى ىسىرىلىپ، قاماۋعا الىنىپ جاتتى. ونىمەن قويماي، رەيستىڭ وزگە اۋەجايعا – "شەرەمەتەۆوعا" بۇردى" دەيدى ول.

Abai.kz