بۇگىن ءماجىلىس سپيكەرى نۇرلان نىعماتۋليننىڭ توراعالىعىمەن پالاتا بيۋروسى ءوتىپ، وندا الداعى جالپى وتىرىستىڭ كۇن ءتارتىبى ناقتىلاندى.

بيۋرو وتىرىسىندا دەپۋتاتتار قاراۋىنا بىرقاتار راتيفيكاتسيالىق زاڭ جوبالارى ۇسىنىلدى. اتاپ ايتقاندا، تمد قاتىسۋشى مەملەكەتتەردىڭ اۆتوكولىك قۇرالدارىن جىمقىرۋعا قارسى كۇرەستەگى جانە ولاردى قايتارۋدى قامتاماسىز ەتۋدەگى ىنتىماقتاستىعى تۋرالى كەلىسىمگە وزگەرىستەر ەنگىزۋ تۋرالى حاتتاما.

سونىمەن قاتار، كۇن ءتارتىبىنىڭ جوباسىندا قازاقستان مەن موڭعوليا اراسىنداعى ازاماتتىق جانە قىلمىستىق ىستەر جونىندەگى ءوزارا كومەك تۋرالى شارتقا وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى زاڭ جوباسى بار.

الداعى جالپى وتىرىستا دەپۋتاتتار ەاەو شەڭبەرىندە اۋىل شارۋاشىلىعى جانۋارلارىمەن سەلەكتسيالىق-اسىل تۇقىمدىق جۇمىس جۇرگىزۋدى بىرىزدەندىرۋگە باعىتتالعان شارالار تۋرالى كەلىسىمدى راتيفيكاتسيالاۋ تۋرالى زاڭ جوباسى قارايتىن بولادى.

سونداي-اق، بيۋرودا VII سايلانعان قازاقستان رەسپۋبليكاسى پارلامەنتى   ءماجىلىسىنىڭ  وكىلەتتىكتەرىن ىسكە اسىرۋدىڭ I سەسسياعا ارنالعان نەگىزگى ءىس-شارالار جوسپارى تۋرالى ماسەلە ۇسىنىلدى.

Abai.kz