الماتىدا «قوعامدىق باقىلاۋ تۋرالى» زاڭ جوباسى تالقىلانىپ جاتىر. جيىنعا قر اقپارات جانە قوعامدىق دامۋ ءمينيسترى ايدا بالاەۆا قاتىسۋدا.

وتىرىسقا قاتىسقان ساراپشىلار جاڭا زاڭ جوباسى تۋرالى ءوز ويلارىن ورتاعا سالدى.

«قوعامدىق باقىلاۋ تۋرالى» زاڭ جوباسىن تالقىلاۋ قوعامدىق ۇيىمدار مەن بىرلەستىكتەردىڭ جۇمىسىندا جاڭا كەزەڭنىڭ اشىلۋى دەپ ويلايمىن. مينيسترلىك وسى باعىتتا وتە پايدالى جۇمىستى قولعا الىپ وتىر. سەبەبى قوعامدىق بىرلەستىكتەردىڭ جۇمىسى ءار زاڭدا ءارتۇرلى قارالادى. ولاردىڭ بارلىعى ءبىر زاڭ جوباسىنا بىرىككەنى دۇرىس. وسى تۇرعىدان قوعامدىق باقىلاۋ مەملەكەتتىڭ ءومىرىنىڭ بارلىق سالاسىنا سىنالاپ ەنۋى ءتيىس»، - دەدى ءال-فارابي اتىنداعى قازۇۋ زاڭ فاكۋلتەتىنىڭ دەكانى داۋلەت ءبايدىلدينوۆ.

ونىڭ ايتۋىنشا، قوعامدىق باقىلاۋ سۋبەكتىلەرىنە تەك مەملەكەتتىك ورگان جاتپاۋى كەرەك. ودان بولەك كوپتەگەن كوممەرتسيالىق قۇرىلىمدار بار.

پيك، قۇرىلىس سالاسى، بانك قىزمەتى بارلىعى قوعامدىق باقىلاۋدا بولۋى ءتيىس.

«ەڭ باستىسى قوعامدىق ۇيىمداردىڭ پىكىرىنە قاتىستى مەملەكەتتىك ورگانداردىڭ جاۋاپكەرشىلىگىن ارتتىرۋ كوزدەلگەن»،- دەدى ول.

زاڭگەردىڭ ايتۋىنشا، زاڭ جوباسىن تالقىلاۋ بارلىق قوعامدىق ۇيىمداردىڭ قاتىسۋىمەن ءوتۋى ءتيىس.

تۇپنۇسقا: قازاقپارات

Abai.kz