قر ءبىلىم جانە عىلىم ءمينيسترى اسحات ايماعامبەتوۆ مەكتەپ ديرەكتورلارىنىڭ ايلىعى وسەتىنىن ايتتى. 

مينيستر وتكەن سەنبىدە ورتا ءبىلىم سالاسىنىڭ وكىلدەرىمەن كەزدەسۋ وتكىزىپ، بىرقاتار ماسەلەلەر مەن يدەيالار تالقىلانعانىن جازعان.

«ارىپتەستەرىم كوكەيلەرىندە جۇرگەن ساۋالدارىن قويىپ، ماسەلەلەرىن ورتاعا سالدى جانە يدەيالارىمەن ءبولىستى. ۇستازدار "بىلىكتى پەداگوگتەر باسشىلىق لاۋازىمدارعا ۇمتىلۋعا قۇلىقتى ەمەس", - دەيدى. ويتكەنى ديرەكتورلاردىڭ ايلىعى ۇستازداردىڭ ەڭبەكاقىسىنان الدەقايدا تومەن. دەگەنمەن، جۇكتەلەتىن مىندەت كوپ، ارتىلاتىن جاۋاپكەرشىلىك جوعارى.

وسىعان بايلانىستى مەكتەپ باسشىلارىن تاعايىنداۋ جانە ولاردىڭ جالاقىسىن ارتتىرۋ بويىنشا ەنگىزىلەتىن وزگەرىستەر تۋرالى ايتتىم.
الداعى ۋاقىتتا وسى جاڭاشىلدىقتار جايىندا تولىعىراق جازاتىن بولامىن»،- دەدى مينيستر.

سونىمەن قاتار، ايماعامبەتوۆ ادىسكەرلەردىڭ ءرولىن ارتتىرۋ، روتاتسيا ينستيتۋتىن ەنگىزۋ، ءبىلىم بەرۋ ۇيىمدارىنىڭ باسشىلارىنا قويىلاتىن تالاپتاردى كۇشەيتۋ، ولاردى تاعايىنداۋ جانە اتتەستاتتاۋ ءتارتىبىن وزگەرتۋ قاجەتتىلىگى تۋرالى ءسوز قوزعالعانىن ايتتى.

Abai.kz