سوعدى وبلىسىنىڭ قۇقىق قورعاۋ ورگاندارى جاپپاي نارازىلىقتى باسۋدىڭ جولدارىن وقىپ-جاتتىققان. تاجىكستان ءىىم حابارلاعانداي، جاتتىعۋ 21 قاڭتاردا حوجەنتتەگى اسكەري بولىمدە بولعان.

وقۋ-جاتتىعۋ كەزىندە شارتتى دەمونسترانتتار ەلەكتر ەنەرگياسىنىڭ ءجيى سونۋىنە قارسى شىققان، ميليتسيا وكىلدەرى نارازىلىقتىڭ بەلسەندى وكىلدەرىن ۇستاپ، قالعاندارىنا سۋ بۇركىپ، كوزدەن جاس اعىزاتىن گاز شاشىپ، تارقاتقان.

ءىىم مالىمەتىنشە، ءبىر اپتاعا سوزىلعان جاتتىعۋ قوعامدىق ءتارتىپتى قامتاماسىز ەتۋگە، تۇرعىنداردىڭ ءومىرىن قورعاۋعا، ميتينگ كەزىندە قوعامدىق جانە مەملەكەتتىك مۇلىكتەردى ساقتاۋعا باعىتتالعانى ايتىلادى.

تاجىكستاندا 20 جىلعا جاقىن ۋاقىتتان بەرى قازان ايىنان ءساۋىردىڭ ورتاسىنا دەيىن ازاماتتارعا ەلەكتر ەنەرگياسىن بەرۋدە شەكتەۋلەر بولىپ كەلگەن. 2017 جىلى ءبىرىنشى رەت قىستا شەكتەۋ بولعان ەمەس. "باركي توچيك" كومپانياسى شاعىن گەس-تەر جانە جەس سالىنعانىن، بۇلار ەلەكتر ەنەرگياسىن ۇنەمدەمەي پايدالانۋعا مۇمكىندىك بەرەتىنىن جەتكىزگەن. بىراق 2020 جىلدىڭ اياعىنان بەرى ەلەكتر ەنەگرياسىنا قايتادان شەكتەۋ ەنگىزىلدى.

دەرەككوز: Centralasian.org

Abai.kz