گەرمانيا كانتسلەرى انگەل مەركەل ەلدىڭ باسقارۋشى پارتياسى - حريستيان-دەموكراتيالىق وداق (CDU) باسشىلىعىنان كەتتى. ال، مەركەلدىڭ ورنىنا سولتۇستىك رەين - ۆەستفاليا فەدەرالدى ايماعىنىڭ باسشىسى ارمين لاشەت كەلدى.

ونىڭ كانديداتۋراسىن حدو پارتياسىنىڭ ماجىلىسىندەگى دەلەگاتتاردىڭ باسىم كوپشىلىگى قولداعان. سونىمەن قاتار لاشەت كانتسلەر لاۋازىمىنا ۇمىتكەر بولا الادى.

جالپى، حريستيان-دەموكراتيالىق وداق توراعالىعىنا ءۇش ۇمىتكەر بولدى. ولار: بۇرىنعى ساياساتكەر، 65 جاستاعى فريدريح مەرتس، سولتۇستىك رەين-ۆەستفاليا ۇكىمەتىنىڭ باسشىسى، 59 جاستاعى ارمين لاشەت جانە بۋندەستاگتىڭ سىرتقى كوميتەتىنىڭ باسشىسى، 55 جاستاعى نوربەرت روتگەن.

2018 جىلعا دەيىن پارتيانى انگەلا مەركەل باسقاردى، ودان كەيىن - اننەگرەت كرامپ-كاررەنباۋەر بولدى. بىراق ول 2020 جىلدىڭ اقپانىندا وتستاۆكاعا كەتۋ تۋرالى شەشىمىن جاريالادى جانە گەرمانيا كانتسلەرى قىزمەتىنە تالاسۋدان باس تارتتى.

ايتا كەتەيىك، كانتسلەرلىككە سايلاۋ بيىلعى جىلدىڭ 26 قىركۇيەگىنە جوسپارلانعان. ءداستۇر بويىنشا جەڭىسكە جەتكەن پارتيانىڭ نەمەسە كواليتسيانىڭ ليدەرى كانتسلەر بولادى.

ال، مەركەل وسىدان ءۇش جىل بۇرىن 2021 جىلى ۇكىمەت باسشىسى رەتىندەگى وكىلەتتىكتەرى اياقتالعاننان كەيىن ەشقانداي ساياسي قىزمەتپەن اينالىسپايتىنىن مالىمدەگەن. سونداي-اق ءوزىنىڭ مۇراگەرىن تاڭداۋعا ارالاسپايتىنىن ايتقان.

66 جاستاعى مەركەل 2005 جىلدان باستاپ گەرمانيانىڭ فەدەرالدى كانتسلەرى بولعان.

Abai.kz