بۇگىن قازاقستان رەسپۋبليكاسى پرەمەر-ءمينيسترىنىڭ ورىنباسارى ەرالى توعجانوۆ قاتىسۋىمەن قازاقستان رەسپۋبليكاسى اقپارات جانە قوعامدىق دامۋ مينيسترلىگىنىڭ كەڭەيتىلگەن القا وتىرىسى ءوتتى. وتىرىس ونلاين-فورماتتا بەينەكونفەرەنتس-بايلانىستاردى قوسۋ ارقىلى، سونداي-اق ەپيدەميولوگيالىق جاعدايدى ەسكەرە وتىرىپ، بارلىق سانيتارلىق نورمالارعا سايكەس وتكىزىلدى.

القا وتىرىسقا قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارى، قازاقستان رەسپۋبليكاسى پرەزيدەنتى اكىمشىلىگىنىڭ قىزمەتكەرلەرى، سونداي-اق ساياسي پارتيالاردىڭ، ۇكىمەتتىك ەمەس جانە ءدىني ۇيىمداردىڭ، ەتنومادەني بىرلەستىكتەردىڭ جانە بۇقارالىق اقپارات قۇرالدارىنىڭ وكىلدەرى قاتىستى.

ەرالى توعجانوۆ ءوز سوزىندە قازاقستان تاۋەلسىزدىگىنىڭ 30 جىلدىعىن مەرەكەلەۋ جونىندەگى رەسپۋبليكالىق جوسپار اياسىنداعى ءىس-شارالاردىڭ جوعارى دەڭگەيدە ءوتۋىن قامتاماسىز ەتۋ ماڭىزدى ەكەنىن اتاپ ءوتتى.
القا وتىرىس بارىسىندا سپيكەرلەر اقپارات جانە قوعامدىق دامۋ سالاسىنداعى بىرقاتار ماڭىزدى جوبالار تۋرالى ايتتى. مينيسترلىكتىڭ قىزمەتى تۋرالى ەسەپ بەرۋ باياندامالارىمەن: ازاماتتىق قوعام سالاسىندا اتقارىلعان جۇمىستار تۋرالى ۆيتسە-مينيستر - بولات تلەپوۆ; اقپاراتتىق جۇمىس جانە مەديا سالانى دامىتۋ تۋرالى ۆيتسە-مينيستر - كەمەلبەك ويشىباەۆ; جاستار جانە وتباسىلىق ساياسات سالاسىندا اتقارىلعان جۇمىستار جونىندە ۆيتسە-مينيستر - اسحات ورالوۆ; سونىمەن قاتار ءدىن ىستەرى كوميتەتىنىڭ توراعاسى ەرجان نۇكەجانوۆ ءسوز الدى.

بۇدان بولەك، ازاماتتىق قوعام وكىلدەرىنەن نەگىزگى سپيكەرلەر رەتىندە: قازاقستاننىڭ ازاماتتىق اليانسىنىڭ پرەزيدەنتى - بانۋ نۇرعازيەۆا، «Atameken Business» باس ديرەكتورى قانات ساحاريانوۆ بولدى. ولار پاندەميا كەزىندەگى ازاماتتىق قوعامدى دامىتۋدىڭ وزەكتى ماسەلەلەرى، اقپاراتتىق سالانىڭ دامۋى جونىندە ءوز ۇسىناستارى مەن پىكىرلەرىن ايتىپ بەردى.

مينيستر ايدا بالاەۆا ءوز سوزىندە 2020 جىلعى نەگىزگى ناتيجەلەر مەن مينيسترلىكتىڭ 2021 جىلعا ارنالعان مىندەتتەرىن اتاپ ءوتتى.
ونىڭ ايتۋىنشا، 2020 جىلى مينيسترلىك قويىلعان بارلىق مىندەتتەردى كورونوۆيرۋستىق پاندەمياعا بايلانىستى وزگەرتۋلەردى ەسكەرە وتىرىپ تولىقتاي جۇزەگە اسىردى.

ايدا بالاەۆانىڭ ايتۋىنشا، قوعامدىق كوڭىل-كۇيدى تۇراقتاندىرۋدىڭ شەشۋشى فاكتورلارىنىڭ ءبىرى - جالعان اقپاراتتى جەدەل تەرىسكە شىعارۋ جانە حالىقتى stopfake.kz جانە coronavirus2020.kz سايتتارىندا كۆي دامۋ ديناميكاسى مەن اۋقىمى تۋرالى ۇنەمى حاباردار ەتۋ بولىپ وتىر.

"مينيسترلىك وتكەن جىلى جۋرناليستەردىڭ بىلىكتىلىگىن ارتتىرۋ جانە قايتا دايارلاۋ كۋرسىن، سونداي-اق سالالىق جۋرناليستيكانى دامىتۋدى باستادى. قازىرگى ۋاقىتتا بۇل باستامالار جۇزەگە اسىرىلىپ جاتىر",- دەدى ول.

مينيستر مەملەكەتتىك اقپاراتتىق تاپسىرىستاردى بەرۋدىڭ جاڭا ەرەجەلەرى، باق تۋرالى جاڭا زاڭدى ازىرلەۋ جانە تەلەارنالاردا وتاندىق اقپاراتتىق كونتەنت ۇلەسىنىڭ ارتۋى بويىنشا جۇرگىزىلگەن جۇمىستارعا بولەك توقتالىپ ءوتتى. ەستەرىڭىزگە سالا كەتەيىك، 2020 جىلى شەتەلدىك كونتەنت 30%-عا قىسقارتىلدى.

«ۆەدومستۆو قۇزىرەتىنە قوعام ومىرىندەگى بىرنەشە ماڭىزدى باعىتتار قاتىستى ، سوندىقتان ءبىزدىڭ ميسسيامىز ماڭىزدى. دەگەنمەن، مەنىڭ ويىمشا، بيىل ءبىز ناتيجەلىكتى ارتتىرىپ، سايكەسىنشە، - دەڭگەيدى جوعارى كوتەرۋىمىز كەرەك» - دەپ اتاپ ءوتتى مينيستر.

سونىمەن قاتار، ايدا بالاەۆا كەلەسى اپتادا وبلىستاردا ونلاين رەجيمدە دە، وففلاين رەجيمدە دە ۇيىمداستىرىلاتىن مينيسترلىك كۇندەرى باستالاتىنىن ايتتى. وسى ءىس-شارالار اياسىندا بارلىق وبلىستاردىڭ تۇرعىندارىن مينيسترلىك جۇرگىزىپ جاتقان جۇمىستارمەن تانىستىرۋ جوسپارلانۋدا.

اقپارات جانە قوعامدىق دامۋ ءمينيسترى: «ءبىزدىڭ ماڭىزدى مىندەتتەرىمىز - مەملەكەتتىڭ اقپاراتتىق قاۋىپسىزدىگىن جانە اقپاراتتىق-يدەولوگيالىق جۇمىستاردى قامتاماسىز ەتۋ»، — دەدى.

القا قورىتىندىسى بويىنشا، پرەمەر-ءمينيستردىڭ ورىنباسارى ەرالى توعجانوۆ مينيسترلىك باسشىلىعىنا بىرقاتار تاپسىرمالار بەردى.

Abai.kz