مەملەكەت باسشىسى قىرعىز رەسپۋبليكاسىنىڭ پرەزيدەنتى سادىر جاپاروۆپەن تەلەفون ارقىلى سويلەستى.

قىرعىز تاراپىنىڭ باستاماسىمەن قاسىم-جومارت توقاەۆ قىرعىزستان پرەزيدەنتى سادىر جاپاروۆپەن تەلەفون ارقىلى سويلەستى.

مەملەكەت باسشىسى ۇلىقتاۋ ءراسىمىنىڭ ءساتتى وتكەنىن اتاپ ءوتىپ، سادىر جاپاروۆتى قىرعىز رەسپۋبليكاسىنىڭ پرەزيدەنتى بولىپ سايلانۋىمەن تاعى ءبىر مارتە قۇتتىقتاپ، باۋىرلاس قىرعىز حالقىنىڭ وركەندەۋى مەن يگىلىگى جولىنداعى جاۋاپتى قىزمەتىنە ساتتىلىك تىلەدى.

تاراپتار دوستىققا، تاتۋ كورشىلىككە جانە ستراتەگيالىق ارىپتەستىككە قۇرىلعان قازاق-قىرعىز قاتىناستارىنىڭ بەرىكتىگىن ناقتىلاپ، ەكىجاقتى ىقپالداستىقتى جاڭا دەڭگەيگە كوتەرۋ ماقساتىندا بىرلەسىپ بەلسەندى جۇمىس ىستەۋگە دايىن ەكەندەرىن راستادى.

سادىر جاپاروۆ قازاقستان پرەزيدەنتىنىڭ ىزگى تىلەگىنە العىس ايتىپ، قىزمەتكە كىرىسۋىنە وراي ەلباسى نۇرسۇلتان نازارباەۆتىڭ قۇتتىقتاۋ حات جىبەرگەنى ءۇشىن ريزاشىلىعىن ءبىلدىردى.

اڭگىمەلەسۋ بارىسىندا الداعى ۋاقىتتاعى جوعارى دەڭگەيدەگى كەزدەسۋلەردىڭ كەستەسى، ونىڭ ىشىندە، قىرعىز كوشباسشىسىنىڭ قازاقستانعا ساپارى تالقىلاندى.

Abai.kz