«قازاقستاندىقتاردىڭ 99 پايىزى ينتەرنەتپەن قامتىلعان». بۇل ۇكىمەت باسشىسى اسقار ءماميننىڭ ءوز ءسوزى. الماتىدا وتكەن «Digital Almaty» دەيتىن فورۋمدا ايتقان.

قر ۇكىمەت باسشىسى اسقار مامين پاندەميا ەلىمىزدىڭ ەكونوميكالىق تۇراقتىلىعىن ايقىنداپ بەرگەنىن ايتقان. ونىڭ سوزىنشە الداعى بەس جىلدا قازاقستاندا 5G جەلىسى ىسكە قوسىلماق كورىنەدى.

اسقار ۇزاقبايۇلى بۇگىنگى جيىندا: «تسيفرلاندىرۋ ەكونوميكا سالاسىندا دا، ادام ومىرىندە دە وتە ماڭىزدى ماسەلە ەكەنىن ايتا كەتكەن ءجون. بارلىق جەردە جۇمىس، ءبىلىم بەرۋ سالاسى قاشىقتان جالعاسىپ جاتىر. بۇل تسيفرلىق ەكونوميكانىڭ ايتارلىقتاي ماڭىزدى ەكەنىن كورسەتەدى. پاندەميا قازاقستاننىڭ ەكونوميكاسى تۇراقتى ەكەنىن كورسەتتى. 2020 جىلى قازاقستان ەلەكتروندى ۇكىمەتتى دامىتۋ بويىنشا 29 ورىنعا تۇراقتادى. ءبىز ارى قاراي دا تسيفرلاندىرۋدى دامىتۋدى ماقسات ەتىپ وتىرمىز. مەملەكەت باسشىسىنىڭ تاپسىرماسى بويىنشا، ءبىز قازىرگى تاڭدا مەملەكەتتىك ورگانداردى تولىعىمەن تسيفرلاندىرۋ جۇمىستارىن جۇرگىزىپ وتىرمىز. اقپارات جيناۋ جانە اناليز جاساۋ جولىندا تسيفرلىق يننوۆاتسيالاردى قولدانا وتىرىپ، جاڭا جۇيەلەرگە جول باستايتىن بولامىز. الداعى بەس جىلدا قازاقستاننىڭ بارلىق وبلىستارى مەن ايماقتارى 5G ينتەرنەتپەن قامتاماسىز ەتىلەتىن بولادى»، – دەپ سويلەگەن.

ول سونداي-اق: «شەكتەۋلەرگە قاراماستان، ءبىز تسيفرلىق ينفراقۇرىلىمنىڭ قول جەتىمدىلىگى مەن ساپاسىن جاقسارتۋ بويىنشا كۇش-جىگەرىمىزدى جەدەلدەتتىك. 2020 جىلى ءبىز 20 مىڭ شاقىرىمدىق تالشىقتى-وپتيكالىق بايلانىس جەلىلەرىن سالۋدىڭ ءمجا جوباسىن اياقتادىق. مىڭنان استام ۇيالى بايلانىستىڭ بازالىق ستانتسيالارى ورناتىلدى، بۇل ايماقتارداعى تەحنولوگيالىق تەڭسىزدىك دەڭگەيىن ايتارلىقتاي تومەندەتۋگە مۇمكىندىك بەردى. ناتيجەسىندە بۇگىندە قازاقستان حالقىن ينتەرنەتپەن قامتۋ 99% قۇرايدى»، – دەپ مالىمدەپتى.

سونىمەن، پرەمەر-مينيستر ءماميننىڭ اقپارىنشا – قازاقستان حالقىنىڭ 99 پايىزى ينتەرنەتپەن قامتىلعان ەكەن.

سالىستىرۋ ءۇشىن:

2019 جىلدىڭ 1 قازانىندا: «2022 جىلعا قاراي 5 مىڭعا جۋىق ەلدى-مەكەن (اۋىل) ينتەرنەتپەن قامتىلۋى ءتيىس. بۇل 97 پايىز دەگەن ءسوز»، - دەپ ايتقان.

2020 جىلدىڭ 6 ماۋسىمىندا: «قازىرگى تاڭدا 118 قالا (شامامەن 11 ملن ادام) مەن 4235 اۋىلدىق ەلدى-مەكەن (تاعى 7 ملن ادام) موبيلدىك ينتەرنەت قولدانىپ وتىر. بۇل 96 پايىز ەلدى-مەكەن ينتەرنەتپەن قامتىلدى دەگەن ءسوز. ال جىل اياعىنا دەيىن بۇل كورسەتكىش 99,3 پايىزعا جەتۋى ءتيىس»، - دەگەن.

2020 جىلدىڭ 30 قىركۇيەگىندە: «وسى جىلدىڭ اياعىنا دەيىن 99 پايىز اۋىلدىق ەلدى-مەكەن كەڭ كولەمدى ينتەرنەتپەن قامتىلادى. ول دەگەنىڭىز – 5,2 مىڭنان كوپ اۋىل دەگەن ءسوز»، - دەپ سويلەگەن.

تاقىرىپقا تۇزدىق:

2020 جىلدىڭ ءساۋىرى: بيۋدجەتتىڭ 258 ميلليارد تەڭگەسى,

2020 جىلدىڭ تامىزى: قازاقستاندا 482 مىڭنان استام وقۋشىدا ينتەرنەت جوق,

2020 جىلدىڭ تامىزى: قازاقستاندا ەكى مىڭعا جۋىق ەلدى مەكەندە ينتەرنەت جوق,

2020 جىلدىڭ قاراشاسى: ەلوردا ماڭىنداعى اۋىلدا بايلانىس تا، ينتەرنەت تە، مەكتەپ تە جوق!

Abai.kz