ەۋروپالىق وداقتىڭ سىرتقى ىستەر مينيسترلەرى 22 اقپاندا وپپوزيتسيالىق ساياساتكەر الەكسەي ناۆالنىيدى تءۇرمەگە وتىرعىزىپ, ونىڭ جاقتاستارىنا رەپرەسسيانى كءۇشەيتكەنى ءۇءشىن رەسەيگە قارسى جاڭا سانكتسيانى قابىلداۋى مءۇمكىن.

بريۋسسەلدە 27 ەلدىڭ ديپلوماتتارى رەسەيدىڭ بىرقاتار جوعارى لاۋازىمدى تۇلعالارى مەن ۇيىمدارىنا قارسى شەكتەۋ قويۋى مۇمكىن. اتاپ ايتقاندا، ولاردىڭ شەتەلدەگى اكتيۆتەرىن بۇعاتتاپ، ەۋروپالىق وداققا ۆيزا بەرۋگە تىيىم سالۋى مۇمكىن.

ديپلوماتتار بۇل ماسەلەنى ناۆالنىي گەرمانيادا ەمدەلىپ، ەلىنە قايتقاننان كەيىن ۇستالعاننان سوڭ تالقىلاعان.

ناۆالنىي ءوزىن ۋلاماق بولعانداردىڭ ارتىندا رەسەي پرەزيدەنتى ۆلاديمير پۋتين مەن فەدەرالدى قاۋىپسىزدىك قىزمەتى تۇر دەپ ەسەپتەيدى. كرەمل بولسا، مۇنى تەرىسكە شىعارادى.

بىلتىر قازان ايىندا ەۋرووداق ناۆالنىي "نوۆيچوك" ۋىمەن ۋلانعان سوڭ، التى رەسەيلىك شەنەۋنىكتى "قارا تىزىمگە" ەنگىزگەن.

الەكسەي ناۆالنىي گەرمانيادان رەسەيگە 17 قاڭتاردا ورالعان بويدا ۇستالدى. 2 اقپاندا سوت ونىڭ "يۆ روشە" ءىسى بويىنشا العان شارتتى مەرزىمىن وزگەرتىپ، تۇرمەگە وتىرعىزۋ تۋرالى شەشىم شىعاردى. 20 اقپاندا سوت ناۆالنىيدىڭ اپەللياتسيلىق شاعىمىن قاناعاتتاندىرمادى.

Abai.kz